Jọnụ 14:28 - Ika

²⁸ Ụnụ a nụghọ kẹ m sị ụnụ, ‘M pụkọ apụkọ’ lẹni ‘m sikọ d'e kinhẹn d'e kunrun ụnụ.’ Omẹni ihiẹn m sụọ ụnụ, nkẹ ụnụ hụ a ghọghọ nị m burukọ Chuku-Nẹdi, makẹni ịya ka m.

Jọnụ 14:28 ပူးပေါင်းရင်းမြစ်များ

Ẹbụ-ọma 68:18

Ị nọ shi ebẹhụ jẹn elu, dukọ ndị ị nwụnlụa agha — ịhịan hụ e wẹhẹni i ihiẹn wẹ gi a chann'ị ẹnya, kẹ ndị te jụ nị arịkọ wẹ okpuru i — ị nọ shi ebẹhụ kẹni i biri ebẹhụ, Osolobuẹ wụ Chuku.

Ẹbụ-ọma 68:9

Euu Chuku, ị nọ mẹ mirin zue ọda-ọda, gi ẹ mẹ alị ị te kpọgụ nkụn mẹmẹzi ọhụnma.

Azaya 42:1

Lee ni odibo m, hụn m kwadọn, onyẹ hụn m họrị hụn ihiẹn ẹ a sụọ m! E bugụọ m Mmọn m kwasị a; o k'e ye ndị alị ichẹn-ichẹn iwu rị mma.

Azaya 53:11

Ọ tagụ afụnfụn, nwụnhụn, ọ k'a hụn ihiẹn ọ rụn, ẹfọ e jun ẹ. Odibo m k'e mẹ wẹ hatu ndị bu ọda ikpe ma hụn sikọ d'a marịnn'a — o k'e buru njọ wẹ.

Matiu 12:18

“Lee odibo m, hụn m tumẹ; ezi odibo m rọ; ihiẹn ẹ a sụọka m. M jẹnkọ d'e bu Mmọn-nsọ m kwasị a; o k'e mẹ alị ndị ọzọ marịn ezioku.

Jọnụ 10:38

Kanị omẹni m hụ a rụn wẹ, ọsụọn'a nị ụnụ egini oku m dọn, gi ni ọrụn-atụmẹnya ndị m rụn dọn, kẹni ụnụ marịn lẹ n'o we ụnụ ẹnya nị Chuku-Nẹdi rị imẹ m, mmẹ nwẹn rị imẹ Chuku-Nẹdi.”

Jọnụ 13:16

Ezioku kẹ m rị a gwa ụnụ, odibo ara ka onyẹ nwọnn'ẹ; onyẹ wẹ zi ozi ara ka onyẹ zin'ẹ.

Jọnụ 14:12

Ezioku kẹ m rị a gwa ụnụ, onyẹ kwerinini m sikọ d'a rụn ọrụn ndị m rị a rụn. O jẹnkọ d'a rụnkarịdẹ ndịnị m rị a rụn, makẹlẹ m laburukọ Chuku-Nẹdi.

Jọnụ 14:18

Ẹlẹ m k'a latọ ụnụ kẹ ndị nwọnlẹni nnẹ lẹ nẹdi; m sikọ d'a bịa d'e kunrun ụnụ.

Jọnụ 16:7

“Kanị nị m gwa ụnụ ezioku, erere ụnụ rọ nị m pụ apụ; makẹni, Onyẹ-eyemẹka ahụn abịakọ mmanị m lama alama. M lamagụ kẹ m'a nọ zihẹni ụnụ ya.

Jọnụ 20:17

Jesu nọ sị a, “Eke kwọndọnlẹ m ẹka, makẹni m'e ke jẹn elu-igwee d'e kunrun Chuku-Nẹdi. Ka jẹn d'e kunrun umunẹ m, y'a sị wẹ, ‘M lakọ elu-igwee d'e kunrun Nẹdi m hụn wụzị Nẹdi ụnụ, Osolobuẹ m hụn wụzị Osolobuẹ ụnụ.’ ”

Jọnụ 20:21

Ya Jizọsị nọzị nwan sị wẹ, “Udọn ya rịnị ụnụ. M rị nwan e zi ụnụ kẹ Chuku-Nẹdi dọn zi m.”

Jọnụ 5:18

Ufiri ihiẹnni o ku, ndị-ndu ndị Ju nọ sị nị wẹ k'e gburịrị a. Makẹlẹ, ẹlẹ n'ọ dan iwu Ezumikẹn sụọ, kanị, ọ kpọzịkwọ Osolobuẹ Nẹdi ẹ, ya wụ nị ya lẹ Osolobuẹ han.

Jọnụ 7:33

Jizọsị nọ sị ndị ọ rị a gwa oku, “Mmẹ lẹ ụnụ nọdịzịhụ ẹkẹrẹ, a laburu m onyẹ zihẹni m;

Ndị Kọrẹntị Ibuzọ 11:3

M chọ nwan nị ụnụ ghọta nị Kraịstị wụ onyẹ-isi okẹnnyẹ ọwụlẹ, di wụ onyẹ-isi nwunyẹ ẹ, Osolobuẹ wụ onyẹ-isi Kraịstị.

Pita Ibuzọ 1:8

Ihiẹn Jizọsị rị nwan a sụọ ụnụ, ọsụọn'a nị ụnụ eleghatun'ẹ; ụnụ kwerin'ẹ, ọsụọn'a nị ụnụ arị nwan e legha a; ụnụ hụ nwan a ghọghọ ọda-ọda, okẹn ịghọghọ ọnụ ghalẹni a s'ẹka a kọwa,

Rẹvẹleshọnụ 1:11

Ọ sị, “Detu ihiẹn ị rị a hụn ye imẹ ẹkụkwọ, y'e zijẹnni ụka ẹsanị ya: ụka rị Ẹfẹsọsụ, ụka rị Sụmẹna, ụka rị Pẹgamọm, ụka rị Tịatira, ụka rị Sadisi, ụka rị Filadefịa lẹzi ụka rị Laodishia.”