Jọnụ 14:27 - Ika

²⁷ “Udọn kẹ m rị a latọnị ụnụ; udọn m kẹ m rị e ye ụnụ — m'a ra ye kẹ ụwa dọn e ye. Anịlẹ ni obi nahịn ụnụ; atụlẹ ni egun.

Jọnụ 14:27 ပူးပေါင်းရင်းမြစ်များ

Ihiẹn Mẹni Nke Ẹbụọ 20:30

Ya udọn nọ rị alị-eze Jehoshẹfatị, makẹni Chuku ẹ e mẹgụọ ndị ile fihunmẹn'ẹ lụbehi ẹ agha.

Jobu 34:29

Ọ gba ịhịan nkịtịn, onyẹ k'a ma a ikpe? O bupụ ịhịan ihun, onyẹ k'a s'ẹka hụn a? Kẹ ịhịan kẹ alị?

Ẹbụ-ọma 11:1

Osolobuẹ kẹ m gbaburu, kị ụnụ rị a sịnị m, “Fepụkwọ kẹ nnụnụ, shi elu ugu i;

Ẹbụ-ọma 112:7

Ara tụ egun n'o k'a nụ eje-ozi, obi ruchanrịn a alị makẹni Osolobuẹ k'o gi dọn ẹnya.

Ẹbụ-ọma 27:1

Osolobuẹ wụ ukpẹ m lẹ onyẹ hụn a zụọpụhanị m — onyẹ kẹ m k'a tụ egun ẹ? Imẹ Osolobuẹ kẹ wẹ nọ e che ndụn m nche — onyẹ kẹ m k'a tụ egun ẹ?

Ẹbụ-ọma 28:3

Adọkpụnpụkwọlẹ m kẹ y'e mẹ ndị-njọ, ndị e mẹ eje-ihiẹn — a mụyeni ibe wẹ ẹmụ kanị wẹ bu iwe wẹ obi.

Ẹbụ-ọma 29:11

Osolobuẹ e ye ndị nke ẹ ikẹn; Osolobuẹ e ye ndị nke ẹ udọn.

Ẹbụ-ọma 56:11

Chuku kẹ m gi dọn ẹnya; egun atụkọ m. Kị ịhịan k'a s'ẹka mẹ m?

Ẹbụ-ọma 56:3

Egun tụma m, ịyụ kẹ m'a tụkwasị obi.

Ẹbụ-ọma 72:2

Ya gi ẹka rị mma kị ndị nke i, e ye ndị nke i ụya rị e ri ihiẹn runi wẹ.

Ẹbụ-ọma 72:7

Ezi-omumẹ ya ghachanrịn ihun ogẹn nke ẹ; ihiẹn ya rị mma ọhụnma-ọhụnma, d'e ru mgbe ifọn tibehi.

Ẹbụ-ọma 85:10

Ihiẹn-ọsụsụọ lẹ ezioku e kunrun; Ezi-omumẹ lẹ Ọrịrịmma e dide.

Ẹbụ-ọma 91:5

Y'a tụkọ egun ihiẹn-egun uhinhin mọbụ ụta efinaị;

Itẹn 3:25

Atụlẹ egun nsọngbu idẹnmuzi mọbụ egun ntikpọ hụn e kunrun ndị e mẹ eje-ihiẹn.

Azaya 12:2

Eziẹ, Chuku wụ onyẹ a zụọpụhanị m. M k'e gi i dọn ẹnya, egun atụkọ m. Osolobuẹ — Osolobuẹ, wụ ikẹn m lẹ ẹbụ m, ọ zụọpụhagụọ m.”

Azaya 41:10

Atụlẹ nwan egun, nị mmẹ lẹ yụ wị; anịlẹ obi nahịn ị, nị mmẹ wụ Chuku i. M jẹnkọ d'a gba ị umẹ, yeni i ẹka; m k'e gi ẹka-nni m rị ọchan kwọndọn i.

Azaya 41:14

Jekọpụ, ndidọn zelẹni, atụlẹ egun — Izrẹlụ ụjọ! Makẹni mmẹ lẹ enwẹn m k'e yeni i ẹka ya kẹ mmẹ wụ Osolobuẹ ku — mmẹ, Onyẹ a gbapụhan'ị, Onyẹ-nsọ Izrẹlụ.

Azaya 54:13

Osolobuẹ kẹ ụmụ ị jẹnkọ d'a mụnarịn, ihiẹn jẹnkọ d'a rịnị mmụ ị mma ọda-ọda.

Azaya 55:12

Ịghọghọ kẹ y'e gi pụ, udọn kẹ w'e gi dupụha ị; ugu lẹ òke hụn ị a bụma wẹ ẹbụ; osisi ile rị ọfịa k'a hụn ị kpọma ẹka.

Azaya 57:19

gi ẹ mẹ ndị rị a kwan ụya ghọghọma. Ya rịnị wẹ mma-o! Ya rịnị wẹ mma-o! Kẹ ndị rị nsue kẹ ndị rị ebe teni! M jẹnkọ d'a zụọ wẹ emu.” Ịya kẹ Osolobuẹ ku.

Azaya 9:6

Makẹni a mụgụọnị wẹ ẹnyi nwa, e yegụọ wẹ ẹnyi nwa-okẹnnyẹ; ịya jẹnkọ d'a kị. Wẹ k'a kpọ a Onyẹ-ndụnmọdụn Hụn Pụ-ichẹn, Chuku Hụn wụ Dikẹn, Nẹdi Itẹbitẹ, Eze-Udọn.

Jerimaya 1:8

Atụkwọlẹ egun wẹ, nị m k'a nọyeni i, zụọpụha ị.” Ya kẹ Osolobuẹ ku.

Ẹkwan 3:17

Obi eruzini m alị kaka; a zọgụọdẹ m ihiẹn ẹfọ-ọsụsụọ wụ.

Izikẹlụ 2:6

“Kanị, ịyụ, nwa-ịhịan, atụkwọlẹ egun wẹ mọbụ oku-ọnụ wẹ — ọsụọn'a nị wẹ wụ ogun-lẹ-ọkịnkan fihunmẹn'i, n'i igunrun akpị kẹ i bi imẹ ẹ. Anịkwọlẹ oku-ọnụ wẹ rọn i egun mọbụ lemẹ wẹ ẹnya ihun tụma egun — emẹlẹ ẹ, nị ebọn nnupụ-isi kẹ wẹ wụ.

Daniẹlụ 4:1

Mmẹ wụ eze Nebukadineza rị e de ozini e jẹnni ndị ile rị ichẹn-ichẹn, ndị alị ile lẹ asụsụ ile, hụn bi ụwa ile: Ụwa ya rịwayeni ụnụ mma!!

Daniẹlụ 6:25

Ya eze nọ de ẹkụkwọ jẹnni ndị ile rị ichẹn-ichẹn, ndị alị ile lẹ asụsụ ile rị alị-eze ahụn: “Ya masịnị ụnụ ọda-ọda!

Zẹkaraya 6:13

Ịya sikọ d'a tụn Ụlọ-NSỌ Osolobuẹ; o k'e nwọn ọghọ ndị-nze; o k'a nọdị ukpo ẹ, kị. Ọ k'a wụzị onyẹ nchụn-ẹjan ebe ọ rị ukpo ẹ a kị. Ọrụn a ẹbụbụọnị k'a layechanrịn.’

Ọgụngụn 6:26

Osolobuẹ ya lee ụnụ ẹnya ihun, ye ụnụ udọn.’

Matiu 10:26

“Ya wụ, atụlẹ ni nwan egun wẹ. Makẹni, onwọnni ihiẹn kpumẹni hụn jẹnkọlẹni d'e kpupụ mọbụ ihiẹn zuerini hụn jẹnkọlẹni d'a wa.

Luku 1:79

o nwunmẹni ndị rị imẹ ishi ọnwụn rị a kpọ ihun; o mẹ ụkụ ẹnyi gha ụzọ udọn ihiẹn nọ a rị mma.”

Luku 10:5

“Ụlọ ọwụlẹ ụnụ banye, kele ni wẹ, sị, ‘Udọn ya rị ụlọnị.’

Luku 12:4

“Ndị ọwụ m, m rị a gwa ụnụ, atụlẹ ni egun ndị e gbu ẹhụ sụọ kanị asa wẹ ẹka mẹkarị ọhụn.

Luku 2:14

“Ịja-mma ya rịnị Osolobuẹ ebẹhụ kachanrịn elu ejẹn; udọn ya rịnị ndị rị imẹ ụwa, ndị ọ rị e mẹni ọhụnma!”

Jọnụ 14:1

Jizọsị nọ sị wẹ, “Anịlẹ ni obi nahịn ụnụ. Kweri ni ni Osolobuẹ; kwerizikwọ nị nị mmẹ nwẹn.

Jọnụ 16:33

A gwagụọ m ụnụ ihiẹn ndịnị kẹni obi gi ufiri m ru ụnụ alị. Imẹ ụwa, ụnụ jẹnkọ d'e nwọn nsọngbu; ka kwọndọn ni obi ụnụ, n'e mẹrigụọ m ụwa!”

Jọnụ 20:19

Ẹnyasị ụhụọhịn ahụn wụ ụhụọhịn ibuzọ imẹ izuka, ndị nsọnmazụụn Jesu gi egun ndị-ndu ndị Ju kpọkin enwẹn wẹ ye mmụlọ wẹ rị. Ya Jesu nọ nwọnpụha idẹnmizi, turu imẹ igunrun wẹ, sị, “Udọn ya rịnị ụnụ!”

Jọnụ 20:21

Ya Jizọsị nọzị nwan sị wẹ, “Udọn ya rịnị ụnụ. M rị nwan e zi ụnụ kẹ Chuku-Nẹdi dọn zi m.”

Jọnụ 20:26

Hụn mẹ ẹ izuka, ebe ndị nsọnmazụụn Jesu rịzị imẹ ụlọ wẹ lẹ Tamọsị; ụzọ kpọkin akpọkin kanị Jesu nọzị nwọnpụha, turu imẹ igunrun wẹ, sị, “Udọn ya rịnị ụnụ.”

Ọrụn Ndị-ozi 10:36

Ụnụ a marịnghọ ozi o zijẹnni ndị Izrẹlụ: oziọma ya lẹ ịhịan gi e dọn ghahanị Jesu Kristi Onyẹ nwọn ihiẹn ile lẹ ịhịan ile.

Ọrụn Ndị-ozi 18:9

Imẹ uhinhin, Pọlụ nọ hụn ọhụn ebe Onyẹ-nwọnni-ẹnyi nọ sị a, “Atụlẹ egun; ka kumẹ; agbakwọlẹ nkịtịn,

Ndị Rom 1:7

M rị e dejẹnni ndị ile Osolobuẹ nwọn ihiẹn-ọsụsụọ wẹ imẹ Rom, ndị ọ kpọ d'a wụrụ ndị-nsọ. Ẹfọma lẹ udọn gha ẹka Osolobuẹ Nẹdi ẹnyi lẹ Di-nwọnni-ẹnyi wụ Jesu Kristi a bịa ya rịnị ụnụ.

Ndị Rom 15:13

Osolobuẹ hụn e ye olilẹnya ya ye ụnụ ịghọghọ lẹ udọn mmagi-mmagi kẹ ụnụ dọn rị e gi ẹ e dọn ẹnya. Y'a mẹ ẹ, kẹni ụnụ nwọn olilẹnya, nwọn ẹ ọda-ọda, ghahanị ikẹn Mmọn-nsọ.

Ndị Rom 5:1

Ebe o mẹ nwan nị Osolobuẹ e gigụọ okukwe ẹnyi kuni ẹnyi ọhụnma, ẹnyi lẹ Osolobuẹ e dọngụọ nwan ghahanị Di-nwọnni-ẹnyi wụ Jesu Kristi,

Ndị Rom 5:10

Makẹni, omẹni ogẹn ẹnyi gi wụ ndị-iṅẹnrẹn Osolobuẹ, o gi ọnwụn Nwa a dọnzi ẹgbata ẹnyi lẹ ya, ya wụ nị hụnnị ẹnyi lẹ ịya dọngụ, n'o gighọ nwan ndụn Nwa a zụọpụhachanrịn ẹnyi!

Ndị Rom 8:6

I ro iroro kẹ ịhịan-mmaka e buhẹ ọnwụn, kanị, iro iroro kẹ Mmọn-nsọ dọn chọ e ye ndụn lẹ udọn.

Ndị Kọrẹntị Ibuzọ 1:3

Ẹfọma lẹ udọn Osolobuẹ wụ Nẹdi ẹnyi lẹ Di-nwọnni-ẹnyi wụ Jizọs Kraịstị nọyeni ụnụ.

Ndị Galeshịa 1:3

Ẹfọma lẹ udọn hụn gha ẹka Osolobuẹ Nẹdi ẹnyi lẹ Di-nwọnni-ẹnyi wụ Jesu Kristi bịa ya rịnị ụnụ.

Ndị Galeshịa 5:22

Kanị, mkpụrụ Mmọn-nsọ a mịpụha wụ: ihiẹn-ọsụsụọ, ịghọghọ, udọn, ndidin, ẹfọma, imẹ-mma, ịwụ onyẹ wẹ gi e dọn ẹnya,

Ndị Galeshịa 6:16

Udọn lẹ omikẹn ya rịnị ndị ile gi okuni e bi, ya rịnị ndị wụ Izrẹlụ Osolobuẹ nke-esi!

Ndị Filipi 4:7

Ogẹn hụ, udọn Osolobuẹ hụn wẹ ghalẹni a ghọta e chemẹ obi ụnụ lẹ uche ụnụ imẹ Kraịstị wụ Jizọsị.

Ndị Kolosị 1:2

Ndị nke Osolobuẹ rị Kolosi, umunẹ furu wẹ gi e dọn ẹnya imẹ Kraịstị, kẹ ẹnyi dejẹnn'ẹ. Osolobuẹ wụ Nẹdi ẹnyi ya mẹni ụnụ ẹfọma, ye ụnụ udọn.

Ndị Kolosị 1:20

Ọ sụọzịkwọ Osolobuẹ n'ọ gha ẹka a wekinhẹnni enwẹn ẹ ihiẹn ile o ke: kẹ wẹ rị elu-ụwa kẹ wẹ rị elu-igwee, ghahanị ẹdeke ẹ hụn wụ ndụn a ọ nọ elu-obe ye, hụn o gi wẹhẹ udọn.

Ndị Kolosị 3:15

A chọnị udọn ahụn Kraịstị e ye, e gi ẹ e lele ihiẹn ụnụ rị e mẹ, makẹni, ezioku-ezioku, ịya kẹ Osolobuẹ kpọnị ụnụ d'a rị ẹhụ ohu. A kpanmịn nị Osolobuẹ.

Ndị Tẹsalonika Nke Ẹbụọ 1:2

Ẹfọma lẹ udọn hụn gha ẹka Chuku Nẹdi ẹnyi lẹ Di-nwọnni-ẹnyi Jesu Kristi bịa ya rịnị ụnụ.

Ndị Tẹsalonika Nke Ẹbụọ 3:16

Di-nwọnni-ẹnyi lẹ enwẹn ẹ, Onyẹ hụn udọn gha ẹka a a bịa, ya ye ụnụ udọn ogẹn ile lẹ ụzọ ile. Di-nwọnni-ẹnyi ya nọyeni ụnụ ile.

Timoti Nke Ẹbụọ 1:7

Makẹni, Osolobuẹ eyeni ẹnyi mmọn egun, kama, mmọn ikẹn lẹ ihiẹn-ọsụsụọ lẹ ikwọndọn-enwẹn ịhịan k'o ye ẹnyi.

Hibru 13:20

Osolobuẹ hụn e ye udọn, Onyẹ hụn gha ọnwụn weli Di-nwọnni-ẹnyi wụ Jesu, okẹn onyẹ-ndu atụnrụn ahụn wẹ gi ẹdeke ẹ biye nkwerigbama itẹbitẹ Osolobuẹ ẹka;

Hibru 7:2

Ebraham nọ kebe ihiẹn ile ọ bulụa agha ụzọ iri, we ụzọ ohu ye Mẹkizẹdẹkị. Nke ibuzọ, ẹfannị wụ Mẹkizẹdẹkị wụ “Eze Ezi-omumẹ”. Ọzọzị, Mẹkizẹdẹkịnị wụzị eze Salẹm, ya wụ “Eze Udọn.”

Rẹvẹleshọnụ 1:4

Jọnụ rị e dejẹnni ụka ẹsa rị Ẹgbẹrẹ Eshịa ẹkụkwọnị. Ẹfọma lẹ udọn ya rịnị ụnụ, ẹfọma lẹ udọn onyẹ ahụn rị kikẹnni, Onyẹ ahụn rị mbụ, Onyẹ ahụn lalanị lẹ Mmọn ẹsa rị ihun ukpo ẹ

Rẹvẹleshọnụ 2:10

Atụlẹ ni egun afụnfụn ụnụ jẹnkọ nwan d'a ta. Lee ẹ, Ekwensụ e d'a tụ ụfọdụ imẹ ụnụ ngan kẹni wẹ gi ẹ lele ụnụ. Ụnụ k'a ta afụnfụn akpọhịn iri. Kwọnkẹnmẹ ni okukwe ụnụ d'e ru ọnwụn, e gi m ndụn wụ ndụn tu ụnụ ugọn.

Rẹvẹleshọnụ 21:8

“Kanị, ndị ụjọ lẹ ndị-ghẹrẹghẹrẹ lẹ ndị rụnị; ndị-izighẹ lẹ ndị ughẹrẹ; ndị ile a gwọ eje-ọgụn; ndị a rụa mmọn lẹ ndị-ntụ ile — wẹ ile shikọ d'a rị odiyiri ọkụn lẹ nsịn-ẹnyanwụn hụ, hụn wụ ọnwụn nke mgbe ẹbụọ.”