Jọnụ 14:26 - Ika

²⁶ kanị, Mmọn-nsọ, Onyẹ eyemẹka, hụn Chuku-Nẹdi jẹnkọ d'e gi ẹfan m zihẹ, jẹnkọ d'a kuzi ụnụ ihiẹn ile; o k'a nyanhannị ụnụ ihiẹn ile m gwa ụnụ.

Jọnụ 14:26 ပူးပေါင်းရင်းမြစ်များ

Ẹbụ-ọma 51:11

Achụpụlẹ m ebe ị rị; ewepụlẹ Mmọn-nsọ ị imẹ m.

Azaya 54:13

Osolobuẹ kẹ ụmụ ị jẹnkọ d'a mụnarịn, ihiẹn jẹnkọ d'a rịnị mmụ ị mma ọda-ọda.

Azaya 63:10

Kanị wẹ nọ femẹ isi, mẹ ize zemẹ Mmọn-nsọ Osolobuẹ. Ya Osolobuẹ nọ hutọ, họnrin eṅẹnrẹn wẹ — gidẹ ẹka a bunụmanị wẹ.

Matiu 1:18

Ẹnịna kẹ wẹ dọn mụ Jizọsị Onyẹ Nzụọpụha hụ Osolobuẹ tumẹ: Meri hụn jẹnkọ d'a mụn'a lẹ Josẹfụ a kwademẹchanrịngụọ nị wẹ lụ, kanị, nị wẹ d'a nọgbama, Meri a tụrụgụọ imẹ ghahanị ikẹn Mmọn-nsọ.

Matiu 1:20

Kanị, ogẹn o gi rị e ro ihiẹnni, ọ nọ rọhụn mmọn-ozi Di-nwọnni-ẹnyi k'ọ bịa d'e kunrun ẹ, sị, “Josẹfụ nwa Defidi, atụlẹ egun; lụma Meri, makẹni nwa ọ rị imẹ ẹ gha ẹka Mmọn-nsọ bịa.

Matiu 28:19

Jẹnmẹ ni nwan d'e mẹ ndị alị ile rị ichẹn-ichẹn wụrụ ndị e sọnni m; e gi ni ẹfan Nẹdi lẹ Nwa lẹ Mmọn-nsọ e mẹ wẹ mirin-Chuku.

Matiu 3:11

“Mmẹ nwẹn gi mirin-mmaka e mẹ ụnụ mirin-Chuku ụnụ gi a ghọsị nị ụnụ e rogharịgụọ. Kanị, onyẹ hụn sọnla m azụụn ka m ọhụnma-ọhụnma; erudẹni m onyẹ e bu akpụkụ a! Mmọn-nsọ lẹ ọkụn kẹ ya nwẹn k'e gi mẹ ọnụ mirin-Chuku.

Makị 12:36

Bụ Defidi lẹ enwẹn ẹ ku oku ghahanị ikẹn Mmọn-nsọ, sị, ‘Di-nwọnni-ẹnyi sị Di-nwọnni m, “Nọdị alị ẹka-nni m d'e ru mgbe m bugụ ndị iṅẹnrẹn i che okpuru ụkụ ị.” ’

Makị 13:11

Wẹ nwụnrụn ụnụ, we ụnụ shi ọgwa, ehuelẹ ni uhue ihiẹn ụnụ jẹnkọ d'e ku, ka ku ni ihiẹn ọwụlẹ Osolobuẹ jẹnkọ d'e ye ụnụ ogẹn hụ, makẹni ẹlẹ ụnụ jẹnkọ d'e ku kanị Mmọn-nsọ.

Luku 1:15

makẹni o k'a wụ okẹn ịhịan ẹnya Di-nwọnni-ẹnyi. Ọ rakọ manya ọwụlẹ mọbụ manya zeni. Wẹ gini d'a mụ a, Mmọn-nsọ k'e jun ẹ ghakwọrị imẹ ẹfọ nnẹ ẹ.

Luku 1:35

Mmọn-ozi hụ nọ sị a, “Mmọn-nsọ jẹnkọ d'e hidankwasị ị; ikẹn Onyẹ Hụ Kachanrịnnị jẹnkọ d'e kpumẹ i. Ya wụ, nwa ị jẹnkọ d'a mụ k'a rị nsọ, wẹ k'a kpọ a Nwa Osolobuẹ.

Luku 1:41

Ogẹn Ẹlizabẹti gi nụ okele Meri, nwa rị a ẹfọ nọ tụshi elu. Mmọn-nsọ nọ jun Ẹlizabẹti.

Luku 1:67

Mmọn-nsọ nọ jun nẹdi ẹ wụ Zẹkaraya, ọ nọ bu amụmanị:

Luku 11:13

O mẹ nwan nị ụnụ ndị-njọ ma ye ụmụ ụnụ ihiẹn rị mma, nanị Nẹdi ahụn rị elu-igwee k'e yehan ndị rịọ a Mmọn-nsọ? O yekarịkọ ụnụ?”

Luku 2:25

Ogẹn hụ, o nwọn okẹnnyẹ ohu w'a kpọ Simiọnụ hụn bi Jerusalẹm. Onyẹ ezi-omumẹ k'ọ wụ; ara gi ofufe Osolobuẹ gu egu, e che ni Osolobuẹ zụọpụha ndị Izrẹlụ. Mmọn-nsọ nọyen'ẹ anọyeni.

Luku 24:49

Lee n'ẹ, m zilanị ụnụ Mmọn-nsọ ahụn Nẹdi m kwe nkwa a. Ka cherikwọ nị imẹ obodo ebeni d'e ru n'e yimẹgụ wẹ ụnụ ikẹn ahụn gha Elu-igwee bịa.”

Luku 3:22

Mmọn-nsọ nọ gi ẹhụ nduru hidan, bekwasị a. Olu nọ gha elu-igwee sị, “Ịyụ wụ ezi Nwa m; ihiẹn i a sụọka m.”

Jọnụ 1:33

E te marịn m'a, kanị onyẹ hụn zi m d'e gi mirin mẹ ịhịan mirin-Chuku sị m, ‘Onyẹ i jẹnkọ d'a hụn kẹ Mmọn-nsọ hidan nọkwasị, ịya wụ onyẹ hụ jẹnkọ d'e gi Mmọn-nsọ mẹ ịhịan mirin-Chuku.’

Jọnụ 12:16

Ndị nsọnmazụụn Jesu aghọtanị ihiẹnni ogẹn hụ, kanị, ogẹn Jesu gi nwụnhụngụ lihi nwọnrin ọghọ kẹ wẹ gi nyanhan nị Ẹkụkwọ-nsọ ku ihiẹnni banyen'ẹ lẹni e mẹghọnị w'a ihiẹn ndịnị.

Jọnụ 14:16

a rịọ m Chuku-Nẹdi, o zihẹni ụnụ onyẹ eyemẹka ọzọ n'o sọn ụnụ nọdị jẹnrin ejẹn.

Jọnụ 14:25

“A gwagụọ m ụnụ ihiẹn ndịnị hụnnị mmẹ lẹ ụnụ rị;

Jọnụ 15:26

“Onyẹ Eyemẹka ahụn Chuku-nẹdi k'e ye m zihẹni ụnụ bịa, ịya sikọ d'e ku oku m: Mmọn-nsọ hụn a ghọsị ezioku rọ, hụn gha imẹ Chuku-nẹdi lala.

Jọnụ 16:7

“Kanị nị m gwa ụnụ ezioku, erere ụnụ rọ nị m pụ apụ; makẹni, Onyẹ-eyemẹka ahụn abịakọ mmanị m lama alama. M lamagụ kẹ m'a nọ zihẹni ụnụ ya.

Jọnụ 2:22

Ogẹn Jesu gi ghagụ ọnwụn lihi, ndị nsọnmazụụn a nọ nwan nyanhan n'o kughọ ihiẹnni, wẹ nọ gi ihiẹn Ẹkụkwọ-nsọ ku lẹ ihiẹn Jesu ku dọn.

Jọnụ 20:22

O kugụ ihiẹnni, ọ nọ horokpu wẹ, sị, “Narịn nị Mmọn-nsọ.

Jọnụ 6:45

Wẹ de ẹ imẹ Ẹkụkwọ ndị-amụma nị, ‘Osolobuẹ sikọ d'a kuzi wẹ ile.’ Onyẹ hụn e gọn Chuku-Nẹdi ntịn, a mụnarịn a, jẹnkọ d'a bịa d'e kunrun m.

Jọnụ 7:39

Jizọsị gi ẹ e ku oku Mmọn-nsọ hụn ndị kwerinin'ẹ jẹnkọ d'e nwọnhẹn. Wẹ eke ye wẹ Mmọn-nsọ ogẹn hụ makẹni Jesu eke nwụnhụn lihi nwọnrin ọghọ a.

Ọrụn Ndị-ozi 1:2

d'e ru ụhụọhịn hụ wẹ weri ẹ shi elu-igwee, kẹ o gigụ ikẹn Mmọn-nsọ gwa ndị-ozi hụ pụ-ichẹn ọ họpụha ihiẹn wẹ jẹnkọ d'e mẹ.

Ọrụn Ndị-ozi 1:4

Ụhụọhịn ohu, ebe ya lẹ wẹ rị e ri ihiẹn-oriri, ọ nọ sị wẹ, “Aghakwọlẹ ni Jerusalẹm pụ; ka cheri ni onyẹ ahụn Nẹdi m kwe nkwa n'o k'e zihẹ, hụn m gwa ụnụ oku ẹ.

Ọrụn Ndị-ozi 1:8

Kama, ụnụ jẹnkọ d'e nwọnhẹn ikẹn ogẹn Mmọn-nsọ e gi hidankwasịgụ ụnụ, ụnụ a wụrụ ndị ọshẹri m imẹ Jerusalẹm lẹ imẹ Judia ile lẹ imẹ Sameria d'e ru ebe ụwa ru.”

Ọrụn Ndị-ozi 11:16

Ya m nọ nyanhan ihiẹn Di-nwọnni-ẹnyi ku: k'o dọn sị, ‘Mirin kẹ Jọnụ gi mẹ mirin-Chuku, kanị Mmọn-nsọ kẹ wẹ e gi mẹ ụnụ mirin-Chuku.’

Ọrụn Ndị-ozi 13:2

Ebe wẹ zu e fe Di-nwọnni-ẹnyi, e bu ọnụ, Mmọn-nsọ nọ sị, “Wepụha nị nị m Banabasị lẹ Sọlụ, nị wẹ hụn ụzọ d'a rụn ọrụn m kpọ wẹ d'a rụn.”

Ọrụn Ndị-ozi 13:4

Ogẹn Mmọn-nsọ gi nwan zipụ Banabasị lẹ Sọlụ, wẹ nọ shi Selusia, gi ụgbọ-mirin gha ebẹhụ shi alị Saịprọsụ ohimin nọhunmẹ.

Ọrụn Ndị-ozi 15:28

Makẹni ọ hụghọ Mmọn-nsọ lẹ ẹnyi lẹ enwẹn ẹnyi mma nị ẹnyi ebuyekọ ụnụ ibu ọzọ — wezụka ihiẹn ndịnị rị mkpa:

Ọrụn Ndị-ozi 15:8

Osolobuẹ hụn marịn obi ịhịan ile nọzị shịanị wẹ ẹri ghahanị iye wẹ Mmọn-nsọ k'o dọn ye ẹnyi.

Ọrụn Ndị-ozi 16:6

Wẹ nọ fetu Ẹgbẹrẹ Frigia lẹ Galeshịa, ebe o mẹ ni Mmọn-nsọ anịnị wẹ ku oku-Chuku imẹ Ẹgbẹrẹ Eshịa.

Ọrụn Ndị-ozi 2:33

Osolobuẹ e weshigụọ a elu-igwee ebe ọghọ rị ẹka-nni Osolobuẹ; ọ nahangụọ Chuku-Nẹdi Mmọn-nsọ hụ Chuku-Nẹdi kwe nkwa a, ọ nọ nwan hupụha ihiẹnni ụnụ rị a hụn lẹ hụn ụnụ rị a nụ.

Ọrụn Ndị-ozi 2:4

Mmọn-nsọ nọ jun imẹ wẹ ile, wẹ nọ gi asụsụ alị ndị ọzọ kumẹ, e kushi ikẹn kẹ Mmọn-nsọ dọn ye onyẹ onyẹ.

Ọrụn Ndị-ozi 20:28

Lepụ nị nwan enwẹn ụnụ lẹ igunrun atụnrụn Mmọn-nsọ buche ụnụ ẹka ẹnya. O tumẹgụọ ụnụ ndị-ndu kẹni ụnụ du ụka Osolobuẹ, hụn Osolobuẹ gi ẹdeke ẹ nwọnhẹn.

Ọrụn Ndị-ozi 20:35

E gigụọ m ihiẹnni ile ghọsị ụnụ n'o furu ni ẹnyi a rụnshi ọrụn ikẹn ẹrịra e gi e yeni ndị zelẹni ẹka, a nyanhan oku Di-nwọnni-ẹnyi wụ Jesu lẹ enwẹn ẹ ku, sị, ‘Iyeni ka ngọzi a wụ karị ịnarịnnị.’ ”

Ọrụn Ndị-ozi 28:25

Wẹ wẹ dọkọ ndọndọ lakọ. Nị wẹ d'a lama, Pọlụ nọ ku oku ohuni: “Ezioku kẹ Mmọn-nsọ ku ogẹn o gi gwa ndị nẹdi ụnụ kanị oku ghahanị ọnụ onyẹ-amụma wụ Azaya, sị,

Ọrụn Ndị-ozi 5:3

Kanị Pita nọ sị, “Ananayasị, kị Ekwensụ nun'i tụ Mmọn-nsọ ntụ, mẹ i bu mgbube egho i re alị hụ tọ?

Ọrụn Ndị-ozi 7:51

“Ndị isi-ikẹn! Ndị kwalẹni ugun imẹ obi lẹ ntịn! Ogẹn ile kẹ ụnụ gi e gbọndọn Mmọn-nsọ, e mẹ kẹ ndị nẹdi ụnụ!

Ọrụn Ndị-ozi 7:55

Kanị Stivini Mmọn-nsọ jun imẹ ẹ nọ lee ẹnya elu-igwee, hụn ọghọ Osolobuẹ, hụnzị Jesu k'o turu ẹka-nni Osolobuẹ.

Ndị Rom 14:17

makẹni Alị-eze Osolobuẹ ẹlẹ oku ihiẹn-oriri lẹ ihiẹn-ọrịra kanị ezi-omumẹ, udọn lẹ ịghọghọ Mmọn-nsọ.

Ndị Rom 15:13

Osolobuẹ hụn e ye olilẹnya ya ye ụnụ ịghọghọ lẹ udọn mmagi-mmagi kẹ ụnụ dọn rị e gi ẹ e dọn ẹnya. Y'a mẹ ẹ, kẹni ụnụ nwọn olilẹnya, nwọn ẹ ọda-ọda, ghahanị ikẹn Mmọn-nsọ.

Ndị Rom 15:16

hụn o gi tumẹ m onyẹ-ọrụn Kraịstị wụ Jizọsị imẹ igunrun ndị wụlẹni ndị Ju. M rị nwan a rụn kẹ onyẹ nchụn-ẹjan ghahanị izisọnmẹ oziọma Osolobuẹ, kẹni wẹ wẹhẹ ndị alị ndị ọzọ d'a wụrụ oyiye Osolobuẹ a nabanhan, oyiye hụn Mmọn-nsọ dọn nsọ.

Ndị Rom 5:5

bụ olilẹnyanị ekpuyekọ ẹnyi, makẹni Osolobuẹ nwọn ihiẹn-ọsụsụọ ẹnyi ọda-ọda — o hugụọd'a ye ẹnyi imẹ obi ghahanị Mmọn-nsọ a o ye ẹnyi.

Ndị Kọrẹntị Ibuzọ 12:3

M chọ nwan n'o we ụnụ ẹnya nị onwọnni onyẹ gi ikẹn Mmọn Osolobuẹ e ku hụn a sị, “Jesu arị mma.” Onwọnzikwọnị onyẹ k'a saẹka sị, “Jesu wụ Di-nwọnni-ẹnyi” mmanị Mmọn-nsọ mẹ ẹ ku ẹ.

Ndị Kọrẹntị Ibuzọ 6:19

Ụnụ amarịndẹ nwan nị ẹhụ ụnụ wụ Ụlọ-nsọ hụn Mmọn-nsọ rị imẹ ụnụ bi, Mmọn-nsọ Osolobuẹ ye ụnụ, nị ẹlẹ ụnụ nwọn enwẹn ụnụ?

Ndị Kọrẹntị Nke Ẹbụọ 13:14

Ẹfọma Di-nwọnni-ẹnyi Jesu Kristi lẹ ihiẹn-ọsụsụọ Osolobuẹ lẹ mmẹkọ Mmọn-nsọ ya nọyeni ụnụ ile.

Ndị Kọrẹntị Nke Ẹbụọ 6:6

ghahanị idọnmẹ obi ẹnyi ọchan lẹ amamihiẹn, ndidin lẹ igi ẹka rị mma e sọn ịhịan lẹ obibi Mmọn-nsọ rị a kị; ghahanị ihiẹn-ọsụsụọ gha akpakalị obi pụha;

Ndị Ẹfẹsọsụ 1:13

Ụnụ nwẹn e họnrinzighọ ndị nke Kraịstị kẹ ụnụ nụ oku hụ wụ ezioku, kweri — oziọma ahụn ụnụ gi nwọnrin nzụọpụha. Ụnụ e kwerigụnị Jesu, Osolobuẹ nọ bu Mmọn-nsọ o kwe nkwa a che imẹ ndụn ụnụ, gi ẹ yi ụnụ ahịma a,

Ndị Ẹfẹsọsụ 1:17

m'a rịọsọnmẹ Osolobuẹ Di-nwọnni-ẹnyi Jesu Kristi, Nẹdi hụn kachanrịnnị, n'o ye ụnụ mmọn ịghọta-ihiẹn, a ghọsịsọnmẹ ụnụ ihiẹn, kẹ ụnụ dọn rị a marịnwaye ẹ.

Ndị Ẹfẹsọsụ 4:30

Emẹkwọlẹ ni ihiẹn k'a fụ Mmọn-nsọ Osolobuẹ, makẹni ịya wụ ahịma Osolobuẹ ye (yi) ụnụ makẹ ụhụọhịn nzụọpụha.

Ndị Tẹsalonika Ibuzọ 4:8

Onyẹ jụ nwan n'o gikọ iwu ndịnị bi, ẹlẹ ịhịan k'ọ rị e legberi kanị Osolobuẹ hụn ye ụnụ Mmọn-nsọ a.

Timoti Nke Ẹbụọ 1:14

Chedọn ihiẹn-ọma ahụn wẹ buche i ẹka; mẹ ẹ ghahanị eyemẹka Mmọn-nsọ hụn bi imẹ ẹnyi.

Taịtọsụ 3:5

ọ nọ zụọpụha ẹnyi, ẹlẹ ihiẹn rị mma ẹnyi mẹ haịn, kanị, omikẹn ẹ; o gi ịmụdọnzini ẹnyi chanchan ẹnyi, o mẹ ẹnyi wụrụ ndị ọhụn ghahanị Mmọn-nsọ,

Hibru 10:15

Mmọn-nsọ nkẹ a shịazịghọ ẹri. O bu ụzọ sị,

Hibru 2:4

Chuku lẹ enwẹn ẹ nọzị shịa ẹri ghahanị ihiẹn-nghọsị lẹ ọrụn atụmẹnya ichẹn-ichẹn lẹ oyiye Mmọn-nsọ o yesọnmẹ k'o dọn chọ.

Hibru 3:7

Ya wụ, nọkẹ kẹ Mmọn-nsọ dọn ku, “Ụnụ nụ olu Osolobuẹ tannị,

Hibru 9:8

Mmọn-nsọ gi ihiẹn ndịnị a ghọsị nị omẹni echẹn kẹ wẹ rịkwọ e fe ofufe Ọdụ-ofufe ibuzọ hụ, ụzọ wẹ gha a banye ebahụn rị nsọ eke pụha.

Pita Ibuzọ 1:12

Osolobuẹ nọ ghọsị wẹ nị ẹlẹ wẹ, nị ụnụ kẹ wẹ rị e zitọnị ozi. Ụnụ a nụgụọ a nwan ọnụ ndị wẹhẹni ụnụ oziọma ghahanị ikẹn Mmọn-nsọ ahụn Osolobuẹ gha elu-igwee zihẹ. Ndị mmọn-ozi nkẹ a chọka nị wẹ leghadẹ ihiẹn ndịnị!

Pita Nke Ẹbụọ 1:21

makẹni, onwọnni ihiẹn rị imẹ Ẹkụkwọ-nsọ gha uche ịhịan pụha. Kama, Mmọn-nsọ nu ndị kuni, wẹ nọ ku ihiẹn gha ebe Osolobuẹ rị bịa.

Jọnụ Ibuzọ 2:20

Nke ụnụ, udẹn Mmọn-nsọ hụn Onyẹ hụ rị nsọ te ụnụ rị imẹ ndụn ụnụ, ụnụ a marịnghọ ihiẹn ile.

Jọnụ Ibuzọ 2:27

O mẹ nke ụnụ, udẹn Mmọn-nsọ a hụn rị imẹ ndụn ụnụ a kuzi ụnụ ihiẹn ile, ẹlẹzi hụn ụnụ e gi chọmazị onyẹ k'a kuzini ụnụ. Ihiẹn udẹn Mmọn-nsọ a kuzi ụnụ wụ ezioku — ntụ arị a. Mẹ ni nwan ihiẹn ọ kuzi ụnụ: nọdị nị imẹ Kraịstị.

Jọnụ Ibuzọ 5:7

Ya wụ nị wẹ rị ẹtọ rị a shịa ẹri [elu-igwee: Chuku-Nẹdi lẹ Oku Osolobuẹ lẹ Mmọn-nsọ, wẹ ẹtịtọ wụ ohu;

Judu 1:20

Nke ụnụ ezi umunẹ m, e sue ni imẹ Okukwe ahụn rịchanrịn nsọ ụnụ rị e sọn; e mẹ ni ekpere kẹ Mmọn-nsọ dọn chọ.

Rẹvẹleshọnụ 2:11

Onyẹ nwọn ntịn ya nụ ihiẹn Mmọn-nsọ rị a gwa ụka rị ichẹn-ichẹn! Onyẹ mẹri, ọnwụn nke ẹbụọ erukọ a ẹhụ.’