Jọnụ 14:24 - Ika

²⁴ Onyẹ ọwụlẹ ihiẹn m ghalẹni a sụọ ara mẹ ihiẹn m ku — bụ oku ndịnị ụnụ rị a nụ ẹlẹ nke m, wẹ wụ nke Chuku-Nẹdi hụn zihẹni m.

Jọnụ 14:24 ပူးပေါင်းရင်းမြစ်များ

Matiu 19:21

Jizọsị nọ sị a, “Ị chọ n'i zu oke, jẹnmẹ, repụ ihiẹn i nwọn, y'e we egho ẹ ye ndị igbẹnnyẹ, gi ẹ nwọn akụ-lẹ-ụba imẹ elu-igwee, y'a bịa d'e sọnmẹ m.”

Jọnụ 14:10

Ụnụ ekwerini nị m rị imẹ Chuku-Nẹdi lẹni Chuku-Nẹdi nkẹ rị imẹ m? Ẹlẹ uche m kẹ m rị a gwa ụnụ hụnnị ile, Chuku-Nẹdi hụn rị imẹ m rị a rụn ọrụn a.

Jọnụ 14:15

“Omẹni ihiẹn m a sụọghọ ụnụ, ụnụ jẹnkọ d'e mẹ ihiẹn m sị ụnụ mẹ,

Jọnụ 14:25

“A gwagụọ m ụnụ ihiẹn ndịnị hụnnị mmẹ lẹ ụnụ rị;

Jọnụ 3:11

Ezioku kẹ m rị a gwa ị, ẹnyi rị e ku ihiẹn ẹnyi marịn, a shịa ẹri ihiẹn ẹnyi hụn, kanị ụnụ ara gi ẹri ẹnyi dọn.

Jọnụ 3:34

Makẹni onyẹ Osolobuẹ zihẹ rọ, o ku oku Osolobuẹ, ufiri nị Osolobuẹ eyen'ẹ Mmọn-nsọ yehọdụ.

Jọnụ 5:19

Jizọsị nọ sị wẹ, “Ezioku kẹ m rị a gwa ụnụ, Nwa asaẹka gi uche ẹ mẹ ihiẹn ọwụlẹ — mmanị ihiẹn ọ hụn Chuku-Nẹdi rị e mẹ; makẹni ihiẹn Chuku-Nẹdi mẹ kẹ Nwa a nkẹ e mẹ.

Jọnụ 5:38

oku ẹ arị imẹ ndụn ụnụ, makẹni ụnụ ekwerinini onyẹ o zihẹ.

Jọnụ 7:16

Jesu nọ sị wẹ, “Nkuzi m ẹlẹ nke m, nke onyẹ zini m rọ.

Jọnụ 7:28

Ogẹn Jesu gi rị a kuzi imẹ Ụlọ-nsọ, ọ nọ weshi olu elu, sị, “Eziẹ, ụnụ a marịngụọ kẹ mmẹ kẹ ebe m gha bịa, ẹlẹ ya?! Kanị ẹlẹ mmẹ zihẹ enwẹn m; onyẹ hụn zihẹni m furu w'e gi dọn ẹnya — ịya kẹ ụnụ marịnlẹni!

Jọnụ 8:26

M nwọn ihiẹn bu ọda nkẹ m'e ku ma ụnụ ikpe; kanị, onyẹ zihẹni m furu wẹ gi e dọn ẹnya, m'a gwahụ ụwa ihiẹn m nụ ọnụ a.”

Jọnụ 8:28

Ya Jizọsị nọ sị, “Ogẹn ụnụ e gi weshi Nwa nke Ịhịan elu kẹ ụnụ k'a marịn nị m wụ Onyẹ M Wụ, nị m'ara gi uche m mẹ ihiẹn ọwụlẹ, kama, m rị a gwa ụnụ ihiẹn ndịnị kẹ Nẹdi m dọn kuzi m.

Jọnụ 8:38

M rị e ku ihiẹn m hụn ẹka Nẹdi m; kanị ụnụ nwẹn rị e mẹ ihiẹn ụnụ nụ ọnụ nẹdi ụnụ.”

Jọnụ 8:42

Jizọsị nọ sị wẹ, “Omẹni Osolobuẹ te wụ Nẹdi ụnụ, nkẹ ihiẹn m a sụọ ụnụ, makẹni m gha ẹka Osolobuẹ bịa; ịya mẹ m nwan rị ebeni. Ẹlẹ mmẹ gi ihiẹn ẹka m bịa, ịya zihẹ m.