Jọnụ 14:20 - Ika

²⁰ O ru ụhụọhịn hụ, ụnụ jẹnkọ d'a marịn nị m rị imẹ Nẹdi m, nị ụnụ rị imẹ m, mmẹ nwẹn rị imẹ ụnụ.

Jọnụ 14:20 ပူးပေါင်းရင်းမြစ်များ

Jọnụ 10:38

Kanị omẹni m hụ a rụn wẹ, ọsụọn'a nị ụnụ egini oku m dọn, gi ni ọrụn-atụmẹnya ndị m rụn dọn, kẹni ụnụ marịn lẹ n'o we ụnụ ẹnya nị Chuku-Nẹdi rị imẹ m, mmẹ nwẹn rị imẹ Chuku-Nẹdi.”

Jọnụ 14:10

Ụnụ ekwerini nị m rị imẹ Chuku-Nẹdi lẹni Chuku-Nẹdi nkẹ rị imẹ m? Ẹlẹ uche m kẹ m rị a gwa ụnụ hụnnị ile, Chuku-Nẹdi hụn rị imẹ m rị a rụn ọrụn a.

Jọnụ 14:11

“Kweri ni ihiẹn m ku nị m rị imẹ Chuku-Nẹdi lẹni Chuku-Nẹdi nkẹ rị imẹ m. Kanị, omẹni ụnụ egikọ oku-ọnụ m kweri, gi ni nwan ihiẹn m rị a rụn kweri.

Jọnụ 16:23

O ru ogẹn hụ, ẹlẹ hụn ụnụ e gi jụmazị m ajụjụ. “Ezioku kẹ m rị a gwa ụnụ, ụnụ gi ẹfan m rịọ Chuku-Nẹdi ihiẹn, n'o yeghọ ụnụ ya.

Jọnụ 16:26

O ru ogẹn ahụn, ẹfan m kẹ ụnụ e gi rịọ. Asịnị m ụnụ nị mmẹ k'a rịọnị ụnụ Chuku-Nẹdi,

Jọnụ 17:11

Arịkọzị m nwan imẹ ụwa, kanị wẹ hụkwọ imẹ ụwa — mmẹ nwẹn lala d'e kunrun i. Nẹdi rị nsọ, gi ẹfan ị chemẹ wẹ, ẹfan ahụn i ye m, kẹni wẹ wụrụ ohu kẹ mmẹ lẹ yụ dọn wụ ohu.

Jọnụ 17:26

E mẹgụọ m wẹ marịn ị; m k'a gha e mẹ wẹ a marịn ị, kẹni ihiẹn-ọsụsụọ m i nwọn hụn ụzọ rị imẹ wẹ lẹni mmẹ nwẹn rịzị imẹ wẹ.”

Jọnụ 17:7

A marịngụọ wẹ nwan nị ihiẹn ile i ye m gha ẹka ị bịa,

Jọnụ 6:56

Onyẹ ri ẹhụ m, ra ẹdeke m, k'a rịsọnmẹ imẹ m, mmẹ lẹ enwẹn m a rịsọnmẹ imẹ ẹ.

Ndị Rom 16:7

Kele ni Andronikusu lẹ Junia, ndị Ju ibe m mmẹ lẹ wẹ wị jẹn ngan. Ndị-ozi pụ-ichẹn marịn wẹ ọhụnma-ọhụnma; uwẹ bu m ụzọ sọnmẹ Kraịstị.

Ndị Rom 8:1

Ya wụ, onwọnzini nwan ikpe hụn ma ndị rị imẹ Kraịstị wụ Jizọsị, ndị rịzịlẹni e bi kẹ ịhịan-mmaka kanị kẹ Mmọn-nsọ dọn chọ.

Ndị Kọrẹntị Ibuzọ 1:30

Osolobuẹ mẹ ụnụ gi nwan rị imẹ Kraịstị Jizọsị hụn wụ nwan amamihiẹn ẹnyi gha ẹka Osolobuẹ bịa lẹ ezi-omumẹ ẹnyi lẹ onyẹ ẹnyi gi rị nsọ lẹ onyẹ nzụọpụha ẹnyi.

Ndị Kọrẹntị Nke Ẹbụọ 12:2

A marịnghọ m onyẹ nke Kraịstị ohu wẹ weri shikwọrị elu-igwee nke ẹtọ ahụa mmẹnọ ghanị: kẹ imẹ anụ-ẹhụ k'o mẹ kẹ ẹlẹ imẹ anụ-ẹhụ, amarịn m; Osolobuẹ ya marịn.

Ndị Kọrẹntị Nke Ẹbụọ 13:5

Lekpọ nị enwẹn ụnụ, nị ụnụ marịn kẹ ụnụ hụ imẹ okukwe. Lele ni enwẹn ụnụ. Ụnụ amarịn nị Jizọs Kraịstị rị imẹ ụnụ? Ụnụ a marịnghọ nụ — mmanị ụnụ a dangụọ nlele hụ.

Ndị Kọrẹntị Nke Ẹbụọ 5:17

Ya wụ, onyẹ rị imẹ Kraịstị a wụrụọlẹ onyẹ wẹ kedọnzi; ihiẹn akan a gharịgụọ; lee ẹ, ihiẹn ile e họnringụọ nke ọhụn!

Ndị Kọrẹntị Nke Ẹbụọ 5:19

Ya wụ nị Osolobuẹ rị imẹ Kraịstị e dọnzi ẹgbata ya lẹ ụwa, ara gizi njọ wẹ e sọn wẹ, o we ozi idọnzi-ẹgbata ahụn che ẹnyi ẹka zisọnmẹ.

Ndị Galeshịa 2:20

A kpọgbugụọ wẹ mmẹ lẹ Kraịstị elu obe Kraịstị. Ẹlẹzi mmẹ rị ndụn, Kraịstị rị nwan ndụn imẹ m. Ndụnnị m rị nwan e bi imẹ ẹhụ, m rị e bi ẹ ghahanị igi Nwa Osolobuẹ e dọn ẹnya, onyẹ hụn nwọn ihiẹn-ọsụsụọ m, gi ufiri m we enwẹn ẹ ye.

Ndị Ẹfẹsọsụ 2:10

Ọrụn-ẹka Osolobuẹ kẹ ẹnyi wụ, ndị o ke imẹ Kraịstị wụ Jizọsị, kẹni ẹnyi hụn ụzọ e mẹ ihiẹn rị mma o ketọnị ẹnyi.

Ndị Kolosị 1:19

Makẹni, ọ sụọ Osolobuẹ n'o gi ihiẹn ile o gi wụrụ Osolobuẹ biri imẹ Kraịstị.

Ndị Kolosị 1:27

Ọ chọ nị ndị alị ọzọ marịn okẹn ihiẹn-omimini rịgbu enwẹn ẹ mma. Ihiẹn omimi hụ wụ nị ụnụ e nwọngụọ Kraịstị, lemẹ ni nwan ẹnya ọghọ hụ Osolobuẹ k'e ye.

Ndị Kolosị 2:9

Kanị, ihiẹn ile Osolobuẹ gi wụrụ Osolobuẹ zu oke ẹhụ Kraịstị.

Jọnụ Ibuzọ 4:12

Onwọntuni onyẹ gi ẹnya a hụn Osolobuẹ, kanị omẹni ẹnyi nwọn ihiẹn-ọsụsụọ ibe ẹnyi, ya wụ nị Osolobuẹ bi imẹ ẹnyi, ihiẹn-ọsụsụọ a zuzikwọ oke imẹ ẹnyi.