Jọnụ 13:17 - Ika

¹⁷ Ebe o mẹni ụnụ a marịnghọ ihiẹn ndịnị, Osolobuẹ jẹnkọ d'a gọzi ụnụ ụnụ mẹ wẹ.

Jọnụ 13:17 ပူးပေါင်းရင်းမြစ်များ

Jẹnẹsisi 6:22

Ya Nụa nọ mẹ ẹrịra; o mẹchanrịn ihiẹn ile Osolobuẹ sị a mẹ.

Ẹbụ-ọma 19:11

Uwẹ a kuzi odibo i; erere a rịka idọnmẹni wẹ.

Ọpụpụ 40:16

Mozizi mẹchanrịn ihiẹn ile kẹ Osolobuẹ dọn gwa a.

Itẹn 29:18

Omẹni oku Osolobuẹ arịa, ịhịan e bimẹ k'ọ sụọ wẹ; kanị ngọzi wụ nke ndị e dọnmẹ Iwu-Osolobuẹ.

Jerimaya 11:6

Ya kẹ Osolobuẹ nọ sị m, “D'a hị ihiẹnni imẹ obodo ndị rị alị Juda lẹ ọgbara-ogbe ile rị imẹ obodo Jerusalẹm, sị wẹ, ‘Gọn ni ntịn ihiẹn mmẹ lẹ ụnụ kwerigbama, ụnụ e gi ẹ e bi.

Izikẹlụ 36:27

M k'e bu Mmọn m che imẹ ndụn ụnụ, e mẹ ụnụ e dọnmẹ Iwu m, e gi usọnrọn m e bi.

Matiu 12:50

Makẹni, onyẹ hụn e mẹ uche Nẹdi m rị elu-igwee, ịya wụ nwẹnẹ m okẹnnyẹ, ịya wụ nwẹnẹ m okpoho, ịya wụ nnẹ m.”

Luku 11:28

Kanị Jesu nọ sị, “Mba, ndị nwọn ngọzi wụ ndị hụn a nụ oku Osolobuẹ, e gi ẹ e bi!”

Jọnụ 15:14

Ndị ọwụ m kẹ ụnụ wụ — omẹni ụnụ e mẹ ihiẹn m ku.

Ndị Rom 2:13

Makẹni ẹlẹ ndị a nụhụ ihiẹn Iwu ku kẹ Osolobuẹ e kuni ọhụnma kanị ndị e mẹ ihiẹn Iwu ku.

Ndị Galeshịa 5:6

Makẹni, imẹ Kraịstị wụ Jizọsị, ịkwa-ugun lẹ akwanị-ugun enwọnni ihiẹn ọ wụ. Ihiẹn rị mkpa wụ okukwe rị e gi ihiẹn-ọsụsụọ a ghọsị enwẹn ẹ.

Jemisi 1:25

Kanị omẹni ịhịan hụ e lee iwu hụ zu oke ịhịan gi e nwọnrin enwẹn ẹ, e lesọnmẹ, nị ẹlẹ onyẹ a nụgụ, a zọ, kanị ọ hụ e gi ẹ e bi, o sikọ d'a narịn ngọzi makẹni ọ hụ e mẹ ẹ.

Jemisi 4:17

Ya wụ, onyẹ marịn ihiẹn furu o k'e mẹ bụ o mẹn'ẹ, e mẹọlẹ njọ.

Rẹvẹleshọnụ 22:14

Ngọzi rịnị ndị ahụn sụ ẹkwa wẹ, kẹni wẹ nị wẹ ri mkpụrụ osisi ahụn e ye ndụn, kẹni wẹ gha ọnụ-mgbọn hụ banye imẹ obodo hụ.