Jọnụ 12:34 - Ika

³⁴ Ya kẹ igunrun hụ nọ sị a, “Iwu ẹnyi gwa ẹnyi nị Kraịstị jẹnkọ d'a rị ndụn jẹnrin ejẹn. Kị ị rị a sịnị nị wẹ sikọ d'e weshi Nwa nke Ịhịan elu? Onyẹ wụdẹ nwan Nwa nke Ịhịannị?”

Jọnụ 12:34 ပူးပေါင်းရင်းမြစ်များ

Samuẹlụ Nke Ẹbụọ 7:13

Ịya wụ onyẹ hụn k'a tụn Ụlọ-nsọ Ẹfan m jẹnkọ d'a rị; m k'e mẹ ukpo alị-eze ẹ tọ jẹnrin-ejẹn.

Ẹbụ-ọma 110:4

Osolobuẹ e kungụọ enwẹn ẹ ku ẹ — o kuhutọkọ ọnụ: “Onyẹ nchụn-ẹjan k'ị wụ jẹnrin ejẹn, ụdị nke Mẹkizẹdẹkị.”

Ẹbụ-ọma 72:7

Ezi-omumẹ ya ghachanrịn ihun ogẹn nke ẹ; ihiẹn ya rị mma ọhụnma-ọhụnma, d'e ru mgbe ifọn tibehi.

Azaya 53:8

E kingụ w'a ikpe zinrinlẹni, wẹ nọ weri ẹ d'e gbu. Onyẹ k'e kumẹzi nwan oku ụmụ a? Wẹ gbuchu ẹ egbuchu elu-ụwanị; wẹ gi ufiri nnupụ-isi ndị nke m mẹ ẹ ihiẹn.

Azaya 9:7

Ọkịkị a lẹ Ọrịrịmma o k'e wẹhẹ agụkọ. O k'a nọ ukpo-eze Defidi kị alị-eze Defidi, e gi ezigbo-eṅẹn lẹ ezi-omumẹ a kwadọn ẹ, e kwọndọn ẹ — gha ogẹn ahụn jẹnmẹ, jẹnrin ejẹn. Adụdụ Osolobuẹ Onyẹ nwọn ikẹn ile k'a han ihiẹnni mẹ.

Daniẹlụ 2:44

“Ogẹn ndị-nze ndịnị k'e gi rị a kị, Chuku hụn rị elu-igwee k'e pumẹ alị-eze hụn wẹ jẹnkọlẹni d'e tikpọ mọbụ latọnị ndị ọzọ. O k'e tipịpịa alị-eze ndị hụ ile — arịkọzị wẹ; kanị ya nwẹn sikọ d'a rị jẹnrin ejẹn.

Daniẹlụ 7:14

Wẹ nọ ye ẹ ikẹn lẹ ọghọ lẹ ọkịkị hụn ihiẹn ile gi a rị okpuru ẹ; ndị ile rị ichẹn-ichẹn, ndị alị ile lẹ asụsụ ile hụ e fe ẹ. Ọkịkị a wụ ọkịkị jẹnrin ejẹn hụn jẹnkọlẹni d'a gụ. Alị-eze ẹ wụ hụn wẹ jẹnkọlẹni d'e tikpọ.

Daniẹlụ 7:27

Ogẹn ahụn kẹ wẹ jẹnkọ d'e gi we ọkịkị ile lẹ ikẹn lẹ ọghọ alị-eze ile rị okpuru igwere ye ndị-nsọ, ya wụ, ndị nke Onyẹ hụ Kachanrịnnị. Anị-eze lẹ ọkịkị a k'a tọ jẹnrin ejẹn, ndị ọkịkị ile k'e fe ẹ, e mẹ ihiẹn o ku.’

Maịka 4:7

E gi m ndị te wụ ngụrọ pumẹzi alị wẹ, gi ndị nwẹn m te jụ họnrin okẹn alị; mmẹ wụ Osolobuẹ a nọ Ugu Zayọnụ kị wẹ jẹnrin ejẹn.”

Matiu 16:13

Ogẹn Jizọsị gi banye ẹgbẹrẹ Sizaria-Filipi, ọ nọ jụ ndị nsọnmazụụn a sị, “Onyẹ kẹ wẹ sị nị ya kẹ mmẹ wụ Nwa nke Ịhịan wụ?”

Matiu 21:10

Ogẹn o gi nwan banye Jerusalẹm, ọ rịkẹ sị wẹ kpasu obodo hụ ile: Wẹ hụ a jụ, “Onyẹ wụ onyẹni?”

Matiu 8:20

Jizọsị nọ sị, “Ufu nwọn okporo ọ rụban; nnụnụ e fe elu nwọn ẹkụụ; kanị mmẹ Nwa nke Ịhịan enwọn ebe m'e buche isi.”

Jọnụ 10:34

Jesu nọ sị wẹ, “Ẹlẹ wẹ de ẹ imẹ Iwu ụnụ, sị, ‘E kugụọ m'a nị ụnụ wụ mmọn’?

Jọnụ 12:32

Mmẹ nwẹn, ogẹn w'e gi gha alị weshi m elu, m jẹnkọ d'a dọrị ịhịan ile.”

Jọnụ 15:25

Ihiẹn wẹ de imẹ iwu wẹ a bụngụọ nwan: nị, ‘Ize m rị e ze wẹ bụ onwọnni ihiẹn m mẹ.’

Jọnụ 8:28

Ya Jizọsị nọ sị, “Ogẹn ụnụ e gi weshi Nwa nke Ịhịan elu kẹ ụnụ k'a marịn nị m wụ Onyẹ M Wụ, nị m'ara gi uche m mẹ ihiẹn ọwụlẹ, kama, m rị a gwa ụnụ ihiẹn ndịnị kẹ Nẹdi m dọn kuzi m.

Ndị Rom 3:19

Ẹnyi a marịnghọ nị ihiẹnni ile Iwu ku, nị ndị rị okpuru Iwu k'ọ rị a gwa, kẹni ịhịan ile kinbehi, ụwa ile a rịọma Osolobuẹ dodo.

Ndị Rom 5:18

Ya wụ, kẹ akpụ njọ ohu hụ Adam mẹ dọn buhẹni ịhịan ile ikpe-ọmụma, ẹrịra kẹ akpụ ihiẹn rị mma ohu Kraịstị mẹ dọn nwan e mẹ Osolobuẹ e kuni ịhịan ọhụnma, e ye ịhịan ndụn.

Hibru 7:24

Kanị, Jesu nkẹ awụbehikọ onyẹ nchụn-ẹjan makẹni ọ rị arị jẹnrin ejẹn.