Jọnụ 12:32 - Ika

³² Mmẹ nwẹn, ogẹn w'e gi gha alị weshi m elu, m jẹnkọ d'a dọrị ịhịan ile.”

Jọnụ 12:32 ပူးပေါင်းရင်းမြစ်များ

Samuẹlụ Nke Ẹbụọ 18:9

O mẹgụ, Absalọm nọ kunrun ndị-agha Defidi idẹnmizi. O nyinkọ anyịnyan-mulu ẹ; kẹ anyịnyan-mulu ẹ ghafekọ okpuru agalaba osisi-okuu hi ogbe, osisi ahụn nọ kọndọn Absalọm isi, Absalọm e kọnrin ebẹhụ, efeke — anyịnyan hụ o te nyinkọ a gbasọnmẹ.

Ẹbụ Solomọnụ 1:4

Weri m, nị ẹnyi pụ ozigbo-ozigbo! “Eze” m ya dodo we m shi mmughẹ ẹ. Nị ẹnyi gi ufiri i ghọghọ, ẹfọ a sụọ ẹnyi ụsụọ; ẹnyi k'a ja ihiẹn-ọsụsụọ ị mma karị manya. Ya haịndẹ ihiẹn i gi sụọ wẹ!

Azaya 11:10

Ogẹn hụ, Mkpọgụn Jese ahụn jẹnkọ d'e suepụhanị k'a wụrụnị alị ichẹn-ichẹn ahịma wẹ tumẹni wẹ hụn w'e gi e dọn ẹnya; ndị alị ichẹn-ichẹn jẹnkọ d'e buruhẹ ẹ, ebe o bi jẹnkọ d'e nwọn ọghọ ọda-ọda.

Azaya 49:6

ọ sị: “Onwọnni ihiẹn ọ wụ n'ị wụhụ odibo m hụn k'e wekinhẹn ebọn Jekọpụ ọnọdị wẹ, hụn k'e wekinhẹn ndị Izrẹlụ m dọnmẹ ndụn; m k'e mẹzi i wụrụnị alị ndị ọzọ ile ukpẹ, kẹni i we nzụọpụha m ru ebe ile ụwa ru.”

Hosia 11:4

Mmẹ gi eriri ẹfọma lẹ ihiẹn-ọsụsụọ du wẹ, a tọpụ m wẹ agbụn te rị wẹ olu, e hulụa m alị ye wẹ ihiẹn-oriri.

Ọgụngụn 21:9

Ya Mozizi nọ gi igwe-ụda kpụ agwọ, zumẹ ihiẹn, kọn agwọ hụ ye elu ẹ. Onyẹ ọwụlẹ agwọ ta weshi ẹnya elu lee agwọ igwe-ụda hụ, ọ rị ndụn.

Jọnụ 1:7

Ọ bịa d'a shịanị Ukpẹ hụ ẹri, kẹni ịhịan ile nụ ẹri ẹ, kweri.

Jọnụ 12:34

Ya kẹ igunrun hụ nọ sị a, “Iwu ẹnyi gwa ẹnyi nị Kraịstị jẹnkọ d'a rị ndụn jẹnrin ejẹn. Kị ị rị a sịnị nị wẹ sikọ d'e weshi Nwa nke Ịhịan elu? Onyẹ wụdẹ nwan Nwa nke Ịhịannị?”

Jọnụ 18:32

(Hụnnị kẹ oku Jesu gi bụn — oku o gi ghọsị ụdị ọnwụn o jẹnkọ d'a nwụn.)

Jọnụ 19:17

Ọ nọ buru obe ahụn wẹ sikọ d'e gi kpọgbu ẹ buli, gha imẹ obodo ahụn pụ, shi ebe w'a kpọ “Ebe-Okpokomisi.” (“Gọgọta kẹ w'a kpọ a ọnụ Hibru, asụsụ ndị Ju.”)

Jọnụ 3:14

“Kẹ Mozizi dọn weshi agwọ hụ elu imẹ atụ, ẹrịra kẹ wẹ k'e weshi Nwa nke Ịhịan elu,

Jọnụ 6:44

Onwọnni onyẹ k'a s'ẹka bịa d'e kunrun m mmanị Chuku-Nẹdi zihẹni m dọha a; m k'e weli hụnyẹ Ụhụọhịn ikpanzụụn.

Jọnụ 8:28

Ya Jizọsị nọ sị, “Ogẹn ụnụ e gi weshi Nwa nke Ịhịan elu kẹ ụnụ k'a marịn nị m wụ Onyẹ M Wụ, nị m'ara gi uche m mẹ ihiẹn ọwụlẹ, kama, m rị a gwa ụnụ ihiẹn ndịnị kẹ Nẹdi m dọn kuzi m.

Ndị Galeshịa 3:13

Kraịstị gbapụha ẹnyi imẹ abụmọnụ rị imẹ Iwu ghahanị igi ufiri ẹnyi wụrụ onyẹ wẹ bụ ọnụ. Makẹni, Ẹkụkwọ-nsọ sị, “Onyẹ ọwụlẹ wẹ hogbu elu osisi a wụrụọlẹ onyẹ wẹ bụ ọnụ.”

Timoti Ibuzọ 2:6

hụn we enwẹn ẹ ye, kẹni ọ wụrụ ihiẹn w'e gi gbapụha ịhịan ile. Osolobuẹ a shịagụọ ẹri banyeni ihiẹnni ogẹn furuni.

Hibru 2:9

Kama, ẹnyi rị a hụn Jizọsị, onyẹ ahụn Osolobuẹ mẹ nị ndị mmọn-ozi karị a ẹkẹrẹ ogẹn, kẹni o gi ufiri ẹfọma Osolobuẹ nwụndọnni ịhịan ile ọnwụn; o kpurugụọ nwan ọghọ lẹ mgbaye nọkẹ okpu-eze makẹni ọ tagụọ afụnfụn nwụnnị ẹnyi ọnwụn.

Pita Ibuzọ 2:24

Kraịstị lẹ enwẹn ẹ gi ẹhụ a buru njọ ẹnyi, bu ẹ shi elu osisi ahụn, kẹni ẹnyi wụrụ ndị nwụnnahịn njọ, gi ndụn ẹnyi mẹmẹ ihiẹn Osolobuẹ chọ. Ẹhụ wẹ rụsọnmẹ ẹ kẹ ẹnyi gi dịnhịn.

Pita Ibuzọ 3:18

Makẹni, Kraịstị gi ufiri njọ tazịkwọ afụnfụn, nwụn, (mgbe ohu k'ọ nwụn, ọ nwụnkọzị), Onyẹ rị ọchan hụn nwụnnị ndị njọ ọnwụn — kẹni ọ hụn ụzọ wẹhẹ ẹnyi ile ebe Osolobuẹ rị. Wẹ gbu ẹ, ọ nwụnhụn kẹ ịhịan, kanị Chuku nọ mẹ mmọn a rị ndụn,

Jọnụ Ibuzọ 2:2

Ya lẹ enwẹn ẹ wụ ẹjan wẹ gi wepụ njọ ẹnyi; ẹlẹdẹ njọ ẹnyi sụọ, kanị njọ ụwa ile.

Rẹvẹleshọnụ 5:9

Ya wẹ nọ bụ ẹbụ ọhụn, sị, “Ịyụ furu hụn k'e weri ẹkụkwọ hụ, hụn k'a tọpụ eriri ndị hụ wẹ gi kẹnmẹ ẹ; makẹni wẹ gbu i, ị nọ gi ẹdeke i gbapụhanị Osolobuẹ ịhịan imẹ ebọn ile lẹ asụsụ ile lẹ ndị ile lẹ alị ile.