Jọnụ 12:26 - Ika

²⁶ Onyẹ chọ n'ọ gbanị m odibo ya sọnmẹ m, nị ebe m rị kẹ odibo m k'a rị; Nẹdi m jẹnkọ d'e ye onyẹ k'a gbanị m odibo ọghọ.

Jọnụ 12:26 ပူးပေါင်းရင်းမြစ်များ

Ẹbụ-ọma 17:15

Kanị mmẹ nwẹn, m jẹnkọ d'a hụn ihun i makẹni m rị ọchan; m tẹnhin, a hụn m ihun i, ẹfọ e jun m.

Ẹbụ-ọma 91:15

O k'a kpọku m, a za m'a, m k'a nọyen'ẹ ogẹn nsọngbu; m k'a zụọpụha a, ye ẹ ọghọ.

Itẹn 27:18

Onyẹ e lepụ osisi figi ẹnya k'e ri figi hụ, onyẹ e lepụ di-nwọnn'ẹ ẹnya k'e nwọnrin ọghọ.

Ọgụngụn 14:24

“Kanị, makẹni odibo m wụ Kalẹbụ nwọn agụngụn ichẹn, e gi obi ẹ ile e sọn m, m sikọ d'e weban a imẹ alị ahụn o jẹn, ebozo a k'e nwọnrin ẹ.

Ọgụngụn 32:11

‘Makẹni ewepụhanị wẹ obi sọnchanrịn m, onwọnni okẹnnyẹ ọwụlẹ rị nwa ahụa ọgụn shi elu hụn gha alị Ijiptu pụha hụn k'a hụn alị hụ m kun enwẹn ẹ kwe Ebraham lẹ Aziki lẹ Jekọpụ nkwa a —

Matiu 16:24

Ya Jizọsị nọ sị ndị nsọnmazụụn a, “Onyẹ chọ n'o sọn m, ya jụkwọ enwẹn ẹ, buru obe ẹ, sọnmẹ m.

Matiu 25:21

“Di-nwọnn'ẹ nọ sị, ‘Ezigbo odibo wẹ gi e dọn ẹnya! Y'e kwọndọngụọ ihiẹn mẹ ẹkẹrẹ ọhụnma. M jẹnkọ d'e ye i ihiẹn bu ọda lepụ ẹnya. Bịa d'e sọn di-nwọnn'i ghọghọ.’

Makị 8:34

Ọ nọ kpọzụnhan igunrun hụ lẹ ndị nsọnmazụụn a, sị wẹ, “Onyẹ chọ n'ọ wụrụ onyẹ nsọnmazụụn m sikọ d'a jụrịrị enwẹn ẹ, buru obe ẹ, sọnmẹ m.

Luku 12:37

O jẹnkọ d'a rịnị idibo ndị ahụn mma omẹni di-nwọnni wẹ lụakunrun wẹ ebe wẹ mụ ẹnya, e che ẹ. M rị a gwa ụnụ ezioku, o k'a sị wẹ ri ra, ọ kwademẹ gi ẹka a e buye wẹ y'a.

Luku 6:46

“Kị haịn ụnụ gi a kpọ m ‘Di-nwọnni-ẹnyi, Di-nwọnni-ẹnyi,’ bụ ụnụ ara mẹ ihiẹn m ku?

Luku 9:23

Ọ nọ sị wẹ, “Onyẹ chọ n'o sọn m, ya jụ enwẹn ẹ, buru obe ẹ ụhụọhịn ile, sọnmẹ m.

Jọnụ 10:27

Atụnrụn m e gọn m ntịn egọn; a marịnghọ m wẹ; w'e sọn m esọn.

Jọnụ 13:16

Ezioku kẹ m rị a gwa ụnụ, odibo ara ka onyẹ nwọnn'ẹ; onyẹ wẹ zi ozi ara ka onyẹ zin'ẹ.

Jọnụ 14:15

“Omẹni ihiẹn m a sụọghọ ụnụ, ụnụ jẹnkọ d'e mẹ ihiẹn m sị ụnụ mẹ,

Jọnụ 14:3

M jẹngụ d'a kwademẹni ụnụ ebe ụnụ jẹnkọ d'e bi, e kinhẹn m d'e weri ụnụ, kẹni ụnụ nwẹn rị ebe m rị.

Jọnụ 15:20

Nyanhan nị ihiẹn m gwa ụnụ, nị, ‘Odibo ara ka di-nwọnn'ẹ.’ Omẹni wẹ kpokpo m ekpokpo, wẹ sikọ d'e kpokpo ụnụ nwẹn; omẹni wẹ mẹ ihiẹn m ku, wẹ jẹnkọ d'e mẹzi ihiẹn ụnụ ku.

Jọnụ 17:24

“Baba! M chọ nị ndị ile i ye m sọn m rị ebe m rị, nị wẹ hụn ọghọ m, ọghọ hụn i ye m makẹni i nwọn ihiẹn-ọsụsụọ m n'i d'e kedẹ ụwa.

Jọnụ 21:22

Jizọsị nọ sị a, “Omẹni m chọ n'ọ rị ndụn d'e ru mgbe m bịa, ele hụn biri i? Sọnmẹ m!”

Ndị Rom 1:1

Mmẹ wụ Pọlụ de ẹkụkwọ-ozini. M wụ igbọn Jizọsị Kraịstị. Osolobuẹ kpọ m, tumẹ m onyẹ-ozi pụ-ichẹn makẹ Oziọma Osolobuẹ.

Ndị Rom 14:18

Onyẹ e fe Kraịstị ẹrịra kẹ ihiẹn ẹ a sụọ Osolobuẹ, ndị ọzọ e kuzi oku ẹ ọhụnma.

Ndị Kọrẹntị Nke Ẹbụọ 4:5

Makẹni ẹlẹ oku ẹnyi lẹ enwẹn ẹnyi kẹ ẹnyi rị e ku; ozi ẹnyi wụ nị Kraịstị wụ Jizọsị wụ Di-nwọnni-ẹnyi, nị ẹnyi nwẹn wụ idibo ụnụ makẹ ufiri Jizọsị.

Ndị Kọrẹntị Nke Ẹbụọ 5:8

Ẹghẹẹ, obi e ru ẹnyi alị, nke wụ nị ọ kadẹ ẹnyi mma nị ẹnyi gha imẹ ẹhụnị pụ, laburu Di-nwọnni-ẹnyi d'a nọdị ụlọ ẹnyi rị ebe ọ rị.

Ndị Galeshịa 1:10

M rịdẹ nwan a chọ nị ịhịan kuni m ọhụnma ra Osolobuẹ? Ra a chọmagụọ m nwan nị m mẹ n'ọ sụọ ịhịan? Omẹni echẹn kẹ m rị a chọ nị m mẹ n'ọ sụọ ịhịan, ya wụ nị ẹlẹ m igbọn Kraịstị.

Ndị Filipi 1:23

M ri e roshi azụụnnị, e roshi azụụnnị: k'ọ rị m, a la m ụwanị tọ d'e du Kraịstị nọdị, makẹni ọhụn ka mma.

Ndị Kolosị 3:24

ụnụ a marịnghọ nị Di-nwọnni-ẹnyi jẹnkọ d'e gi ihiẹn hụ o butọnị ndị nke ẹ kụ ụnụ ụgwọ. Kristi wụ Di-nwọnni-ẹnyi kẹ ụnụ gi ẹ e fe;

Ndị Kolosị 4:12

Ẹpafrasị onyẹ alị ụnụ hụn wụzị odibo Jesu Kristi e kele ụnụ. Ẹpafrasị e shini ụnụ ọnwụn ọda-ọda imẹ ekpere. Ọ rịọsọnmẹ Osolobuẹ n'o mẹ ụnụ turukẹnmẹ, ka-ẹhụ, marịn ihiẹn ụnụ rị e mẹ ebe ihiẹn ọwụlẹ wụ uche Osolobuẹ rị.

Pita Nke Ẹbụọ 1:1

Mmẹ, Simiọnụ wụ Pita, de ẹkụkwọ-ozini. M wụ igbọn Jizọsị Kraịstị; m wụzịkwọ onyẹ-ozi ẹ pụ-ichẹn. M rị e dejẹnni ndị Osolobuẹ ye ẹnyi lẹ wẹ okukwe ohu ahụn rị okẹn mkpa ghahanị ezi-omumẹ Jesu Kristi hụn wụ Osolobuẹ ẹnyi lẹ Onyẹ-nzụọpụha ẹnyi.

Jọnụ Ibuzọ 5:3

Kẹ ẹnyi dọn e nwọn ihiẹn-ọsụsụọ Osolobuẹ wụ nị ẹnyi rị e mẹ ihiẹn ọ sị ẹnyi mẹ — bụ ihiẹn ọ sị ẹnyi mẹ ẹlẹ ibu,

Judu 1:1

Mmẹ wụ Judu de ẹkụkwọ-ozini. M wụ igbọn Jesu Kristi. M wụzịkwọ nwẹnẹ Jemisi. M rị e dejẹnni ndị ahụn Osolobuẹ họrị, ndị ahụn rị Chuku-Nẹdi obi, ndị ahụn Jesu Kristi dọnmẹ:

Rẹvẹleshọnụ 14:4

Ndịnị wụ ndị gilẹni ikpoho mẹrụ enwẹn wẹ, wẹ wụ ikẹnnyẹ marịnlẹni ikpoho. W'e sọn Nwa-ebulu hụ ebe ọwụlẹ o jẹnkọ. Osolobuẹ lẹ Nwa-ebulu hụ a ghagụọ imẹ ịhịan ile gbapụha ndịnị nọkẹ mkpụrụ-ibuzọ.

Samuẹlụ Nke Ibuzọ 2:30

“Makẹ ufiri ẹ, Osolobuẹ, hụn wụ Chuku ndị Izrẹlụ, sị, ‘E te kwegụọ m nkwa nị ikpụnọ ị lẹ ẹbozo nẹdi i jẹnkọ d'a wụsọnmẹ ndị nchụn-ẹjan m.’ Kanị m sị ị nwan nị emẹkọzị m'a! Ndị ye m ọghọ kẹ m k'e ye ọghọ; ndị lelịanị m, e lelịa m wẹ.