Jọnụ 11:47 - Ika

⁴⁷ Ya ndị Itu-Farisi lẹ ndị-isi nchụn-ẹjan nọ kpọ ọgwa Ndị-isi Nkịkwama, sị, “Kị ẹnyi jẹnkọ d'e mẹ? Okẹnnyẹni rị a rụn ọrụn-atụmẹnya bu ọda!

Jọnụ 11:47 ပူးပေါင်းရင်းမြစ်များ

Matiu 26:3

Ogẹnni kẹ ndị-isi nchụn-ẹjan lẹ ndị-isi gizikwọ rị ọgwa Kayafasị wụ onyẹ-isi nchụn-ẹjan e zu.

Matiu 5:22

Kanị, m rị gwa ụnụ nị onyẹ budẹni nwẹnẹ ẹ olulu a kpọ w'a ikpe; onyẹ kpọ nwẹnẹ ẹ iyi, o jẹnkọ Ọgwa Ndị-isi; onyẹ sị ịhịan ‘Nzuzu,’ ọkụn-mmọn rị e che ẹ.

Makị 14:1

Ogẹn o gi họdụ akpọhịn ẹbụọ nị Mmẹmmẹ-Nghafe lẹ Mmẹmmẹ Brẹdi nwọnlẹni yisti ru, ndị-isi nchụn-ẹjan lẹ ndị-nkuzi Iwu hụ a chọ kẹ w'a dọn gi nzuzue nwụnrụn Jesu d'e gbu.

Luku 22:2

ndị-isi nchụn-ẹjan lẹ ndị-nkuzi Iwu rị a chọ nị wẹ gbu Jizọsị hụ a chọ kẹ w'a dọn mẹ ẹ, makẹni egun ndị alị rị a tụ wẹ.

Jọnụ 11:57

Ogẹn hụ, ndị-isi nchụn-ẹjan lẹ ndị Itu-Farisi e tigụọ iwu nị onyẹ marịn ebe Jesu rị ya bịa d'a gwa wẹ, kẹni wẹ nwụnrụn a.

Jọnụ 12:19

Ya ndị Itu-Farisi nọ nwan sị ibe wẹ, “Ụnụ hụ a hụn a?! Ihiẹn ile ẹnyi rị e mẹ a rị a danye kaka! Lee n'ẹ, ụwa ile e sọnmẹgụọ a!”

Jọnụ 2:11

Imẹ Kana rị Galili kẹ Jesu nọ rụn ọrụn-atụmẹnya ibuzọnị o gi ghọsị onyẹ ọ wụ, ndị nsọnmazụụn a nọ kwerin'ẹ.

Jọnụ 6:2

Igunrun hi-ogbe hụ e sọn ẹ, makẹni wẹ hụn ọrụn-atụmẹnya ndị ọ rị a rụnnị ndị emu rị a kụ.

Jọnụ 7:32

Ndị itu-Farisi a nụ kẹ igunrun hụ rị e ku ihiẹn ndịnị banyeni Jizọsị, ya ndị-isi nchụn-ẹjan lẹ ndị Itu-Farisi nọ zi ndị ụlakpa Ụlọ-nsọ d'a nwụnhan a.

Jọnụ 7:45

Ogẹn ndị-ụlakpa Ụlọ-nsọ ahụn ndị-isi nchụn-ẹjan lẹ ndị Itu-Farisi zi d'a nwụnhan Jizọsị gi nwan kinhẹn, wẹ nọ jụma wẹ, “Kị haịn ụnụ gilẹni wẹhẹ okẹnnyẹ hụ?”

Ọrụn Ndị-ozi 5:21

A nụ wẹ ihiẹnni, eki e fọnhụ, wẹ nọ banye Ụlọ-nsọ d'a kuzimẹ. Ogẹnni, onyẹ-isi nchụn-ẹjan nkẹ lẹ ndị ya lẹ wẹ wị a bịagụọ, kpọ Ọgwa Sahẹdrini, Ndị-isi Nkịkwama alị Izrẹlụ. Ya wẹ nọ zi ịhịan ụlọ-ngan d'e wẹhẹ Ndị-ozi hụ pụ-ichẹn.

Ọrụn Ndị-ozi 5:24

Onyẹ-isi ndị e lepụ Ụlọ-nsọ ẹnya lẹ Ndị-isi nchụn-ẹjan a nụ ihiẹnni, ọ gba wẹ ngharị-ẹnya, wẹ hụ a jụ enwẹn wẹ ihiẹn rị e mẹni.