Jọnụ 10:28 - Ika

²⁸ M'e ye wẹ ndụn itẹbitẹ; alakọ wẹ iwi. Onwọnni onyẹ sikọ d'a napụ m wẹ.

Jọnụ 10:28 ပူးပေါင်းရင်းမြစ်များ

Jobu 17:9

K'osilẹrị, ndị ezi-omumẹ k'e kwọnkẹnmẹ hụn wẹ gi, ndị ẹka wẹ rị ọchan k'e zewaye.

Ẹbụ-ọma 31:5

E bu m mmọn m che i ẹka; dodo, zụọpụha m, Osolobuẹ hụn furu wẹ gi e dọn ẹnya.

Ẹbụ-ọma 37:28

Makẹni ndị e mẹ ihiẹn furuni a sụọ Osolobuẹ a sụọ; ọ latọkọ ndị nsọ a. O che wẹ nche jẹnrin ejẹn, kanị wẹ k'e gbupụ ụmụ ndị-njọ;

Itẹn 24:16

makẹni ọsụọn'a mgbe ẹsa kẹ onyẹ ezi-omumẹ dan, n'o lihighọkwọ, kanị eje-ihiẹn bịanị onyẹ eje-omumẹ, ọ dan.

Itẹn 4:18

Kanị ụzọ onyẹ ezi-omumẹ nọ kẹ eki rị e fọnni, hụn e fọnwaye ofọnwaye-ofọnwaye d'e runi o fọnchanrịn.

Azaya 27:3

Mmẹ wụ Osolobuẹ wụ onyẹ e lepụ a ẹnya; m'a gba a mirin ogẹn ile. M'e che ẹ nche uhinhin lẹ efinaị amamgbe w'e mẹ ẹ ihiẹn ọwụlẹ.

Azaya 45:17

Kanị Osolobuẹ k'a zụọpụha ndị Izrẹlụ, nzụọpụha hụn k'a rị jẹnrin ejẹn; d'e ru ọgụgụ ogẹn ụnụ afakọ, o kpuyekọ ụnụ!

Azaya 54:17

mmẹ rị a sị ị nị onwọnni ihiẹn-ọgụn ọwụlẹ wẹ rụntọn'ị k'e ru i ẹhụ, ọnụ ị k'e gburi ọnụ ọwụlẹ yụ lẹ ịya k'e kin ikpe. Ọnwan wụ ukuu idibo Osolobuẹ, hụnnị kẹ m gi a tụnị wẹ ụya. Ya kẹ Osolobuẹ ku.

Azaya 55:3

Gi ihiẹn m ku dọn, n'ị bịa d'e kunrun m, gọn m ntịn kẹni ị rị ndụn. M k'e kwe i nkwa hụn m k'e mẹsọnmẹ jẹnrin ejẹn, nkwa ihiẹn-ọsụsụọ m hụ ghalẹni a gụ, hụn m kwe Defidi.

Jerimaya 23:4

M k'e ye wẹ ndị-ndu k'e lepụ wẹ ẹnya, a tụbehi wẹ egun, mabehi piripiri. Onwọnni hụn k'e huni imẹ wẹ. Mmẹ wụ Osolobuẹ ku ẹ.”

Jerimaya 31:3

O nwọn ogẹn Osolobuẹ gi bịa d'e kunrun m, sị m, “Ihiẹn-ọsụsụọ ghalẹni a gụ kẹ m nwọn ebe ụnụ rị. Ya haịn m gilẹni e mẹbehi ụnụ kẹ ndị nke m.

Jerimaya 31:34

Ịhịan akuzikọzị ibe ẹ mọbụ sị nwẹnẹ ẹ, ‘Marịn Osolobuẹ,’ onyẹ-onyẹ jẹnkọ d'a marịn m, gha onyẹ-uku d'e ru onyẹ-nta, makẹni m jẹnkọ d'a gbagharị wẹ eje-ihiẹn wẹ mẹ; anyanhankọzị m njọ wẹ.”

Jerimaya 32:40

M k'e tumẹ Iwu k'a tọ jẹnrin ejẹn ye ẹgbata mmẹ lẹ wẹ — emẹbehikọ m wẹ mma; m k'e mẹ wẹ tụ egun m, makẹ wẹ gha a gbakitọzị m azụụn.

Makị 13:22

Ndị kpọ enwẹn wẹ Kraịstị lẹ ndị amụma-ntụ jẹnkọ d'a pụha. Wẹ jẹnkọ d'a rụnsọnmẹ ihiẹn ahịma lẹ ọrụn-atụmẹnya kẹni wẹ dufie ịhịan, kẹni wẹ dufiedẹ ndị Osolobuẹ họrị — omẹni o te k'a nị mẹ.

Luku 23:46

Ya Jesu nọ gi okẹn olu yi, “Baba, e bu m mmọn m che i ẹka!” O kugụ ihiẹnni, ọ nọ kwọnbepụ.

Jọnụ 10:29

Nẹdi m hụn we wẹ che m ẹka ka ihiẹn ile; onwọnni onyẹ jẹnkọ d'a saẹka wepụ wẹ ẹka Nẹdi m.

Jọnụ 11:25

Ya kẹ Jizọsị nọ sị a, “Mmẹ e weli ndị nwụnhụnnị; mmẹ e ye ndụn. Onyẹ kwerinini m, ọ sụọ n'a nị ọ nwụnhụn anwụnhụn, o sikọ d'a rị ndụn;

Jọnụ 14:19

“Ọ họdụ ẹkẹrẹ nị ụwa hụnbehi m; kanị ụnụ nwẹn k'a gha a hụn m. Makẹni m rị ndụn, ụnụ nwẹn k'a rịzị ndụn.

Jọnụ 17:2

nọkẹ kẹ i dọn bu ịhịan ile che okpuru ẹ kẹni o ye ndị ile i ye ẹ ndụn itẹbitẹ.

Jọnụ 18:9

(O ku ihiẹnni kẹni okunẹi o ku bụn: “Onwọnni hụn ọwụlẹ la iwi imẹ ndị hụn i ye m.”)

Jọnụ 3:36

Onyẹ hụn kwerini Nwa Osolobuẹ nwọn ndụn itẹbitẹ; onyẹ kwerilẹnini Nwa Osolobuẹ ahụnkọ ndụn; kama, iwe-lẹ-ọnụma kẹ Osolobuẹ k'e gi sọn ẹ.”

Jọnụ 4:14

Kanị onyẹ ra mirin m jẹnkọ d'e ye ẹ, onwọnni ogẹn ẹgụn mirin e gizi gụn a elu-ụwanị, mirin hụ k'e họnrindẹ isi-mirin imẹ hụnyẹ, a mụpụhan'a ndụn itẹbitẹ.”

Jọnụ 5:24

“M rị a gwa ụnụ ezioku, nị onyẹ nụ oku m kweyeni onyẹ zihẹni m, hụnyẹ e nwọngụọ ndụn itẹbitẹ. Amakọ w'a ikpe, kama, ọ ghagụọdẹ ọnwụn banye ndụn.

Jọnụ 6:27

Egizilẹ ni ufiri ihiẹn-oriri e wiwini a rụngbu enwẹn ụnụ, kanị ihiẹn-oriri hụn sikọ d'a rị jẹnrin ejẹn, e ye ndụn itẹbitẹ, ihiẹn-oriri ahụn Nwa nke Ịhịan jẹnkọ d'e ye ụnụ, makẹni Nwa nke Ịhịan kẹ Chuku-Nẹdi tumẹ.”

Jọnụ 6:37

“Ndị ile Nẹdi m ye m sikọ d'a bịa d'e kunrun m; achụpụkọ m onyẹ ọwụlẹ bịa d'e kunrunni m

Jọnụ 6:47

Ezioku kẹ m rị a gwa ụnụ, onyẹ ọwụlẹ kwerini e nwọngụọ ndụn itẹbitẹ.

Jọnụ 6:68

Saịmọnụ wụ Pita nọ za a, sị, “Di-nwọnni-ẹnyi, onyẹ kẹ ẹnyi burukọ? Ịyụ e ku oku ndị e ye ndụn itẹbitẹ.

Ọrụn Ndị-ozi 7:59

Ogẹn wẹ gi rị a ma Stivini ọmụma, ọ nọ mẹ ekpere, sị, “Di-nwọnni-ẹnyi wụ Jesu, dodo nabanhan mmọn m!”

Ndị Rom 5:17

Omẹni njọ okẹnnyẹ ohu ahụn wụ Adam kẹ ọnwụn gi ghaha ẹka a d'a kịma, kị k'e mẹ ndị nabanhan okẹn ẹfọma Osolobuẹ lẹ ezi-omumẹ o ye ọfẹ? Ya wụ nị o k'e wẹhẹni wẹ ndụn, ẹlẹzi ọnwụn — wẹ k'a rịferi ndụn wụ ndụn ghahanị okẹnnyẹ ohu hụ wụ Jesu Kristi.

Ndị Rom 5:2

onyẹ hụn Osolobuẹ gha ẹka a gi okukwe ẹnyi webanhan ẹnyi ọnọdị ndị wẹ mẹni ẹfọma hụn ẹnyi turu nwan imẹ ẹ; ẹnyi rị nwan a ṅan makẹni ẹnyi rị e lee ẹnya ọghọ Osolobuẹ jẹnkọ d'e ye ẹnyi!

Ndị Rom 5:21

n'ọ wụrụ nị kẹ njọ dọn gi ọnwụn kị ẹrịra kẹ ẹfọma Osolobuẹ k'e dọnzi gi ezi-omumẹ ọ rị e ye ịhịan kị — gi ẹrịra mẹ ịhịan nwọnhẹn ndụn-itẹbitẹ ghahanị Di-nwọnni-ẹnyi wụ Jizọs Kraịstị.

Ndị Rom 5:9

Hụnnị Osolobuẹ gi ufiri ẹdeke Jesu kuni ẹnyi ọhụnma, ya wụ nị ẹnyi jẹnkọ d'a wanahịnchanrịn iwe-lẹ-ọnụma Osolobuẹ ghahanị Jesu.

Ndị Rom 6:23

Makẹni, ụgwọ njọ wụ ọnwụn, kanị ihiẹn-ọfẹ Osolobuẹ e ye wụ ndụn itẹbitẹ hụn rị imẹ Jizọs Kraịstị Di-nwọnni-ẹnyi.

Ndị Rom 8:1

Ya wụ, onwọnzini nwan ikpe hụn ma ndị rị imẹ Kraịstị wụ Jizọsị, ndị rịzịlẹni e bi kẹ ịhịan-mmaka kanị kẹ Mmọn-nsọ dọn chọ.

Ndị Rom 8:29

Osolobuẹ a marịngụọ wẹ n'o d'a kpọ wẹ. Ya ọ nọ họtọ wẹ n'o k'e mẹ wẹ wụrụ ndị rị kẹ Nwa a, kẹni Nwa a wụrụ nwa-ibuzọ imẹ ụmụ bụ ọda.

Ditrọnọmi 33:3

Eziẹ, ịyụ nwọn ihiẹn ọsụsụọ ndị nke i; ndị nsọ ile rị ị ẹka. Ụkụ ị kẹ wẹ ile a bịa d'e e gbu osekpu, oku i kẹ wẹ gi e dọn —

Ndị Filipi 1:6

O weghọ m ẹnya nị Onyẹ ahụn bidọn ọrụn-ọmanị imẹ ụnụ k'a gha a rụn a d'e ru n'ọ rụnchanrịn a Ụhụọhịn Kraịstị wụ Jizọsị k'e gi bịa.

Ndị Tẹsalonika Nke Ẹbụọ 2:13

Kanị, nke ụnụ, umunẹ ẹnyi, ndị rị Di-nwọnni-ẹnyi obi, ẹnyi k'a gha e yerịrị Osolobuẹ ekele makẹ ufiri ụnụ. Makẹni, Osolobuẹ họtọ ụnụ isi mbidọn nọkẹ ihiẹn-ugbo ibuzọ, kẹni ụnụ nwọn nzụọpụha, ghahanị odidọn-nsọ Mmọn-nsọ lẹ ikwerini ezioku.

Timoti Ibuzọ 1:16

Kanị, ufiri ẹ kẹ Osolobuẹ gi mẹni m omikẹn, mmẹ hụn kachanrịn njọ e mẹ, kẹni Kraịstị wụ Jizọsị gi m ghọsịchanrịn ndidin zu oke, gi m mẹ ihiẹn nleri, kẹni ndị ọzọ k'e kwerin'ẹ gi ẹ marịn nị wẹ nwẹn sikọ d'e nwọnzi ndụn itẹbitẹ.

Timoti Nke Ẹbụọ 1:12

ufiri ẹ kẹ m gizi rị a ta afụnfụn ẹnịna. Kanị ifẹnrẹn arị e mẹ m, makẹni a marịnghọ m onyẹ m gi dọn ẹnya; a marịnzịghọ m n'o k'a s'ẹka chedọn ihiẹn m buche ẹ ẹka d'e ru Ụhụọhịn ahụn.

Hibru 7:25

Ufiri ẹ, k'o gi a sa ẹka a zụọpụha ndị ghaha ẹka a d'e kunrun Osolobuẹ, a zụọpụha wẹ d'e ru isi ẹ, makẹni ọ rịsọnmẹ ndụn, a rịọdọnni wẹ Osolobuẹ.

Pita Ibuzọ 1:5

O gi nwan ikẹn o gi wụrụ Osolobuẹ e dọnmẹ ụnụ, ghahanị okukwe ụnụ, kẹni nzụọpụha o wela ọgụgụ-ogẹn hụn ụzọ ru ụnụ ẹka.

Jọnụ Ibuzọ 1:2

Ndụn hụ pụha hụn w'e legha. Ẹnyi a hụnghọ a. Ẹnyi hụ e ku ẹ, a gwa ụnụ oku ndụn itẹbitẹ hụ ya lẹ Chuku-Nẹdi rị, hụn pụha nị ẹnyi legha a.

Jọnụ Ibuzọ 2:19

Ezioku rọ nị imẹ igunrun ẹnyi kẹ ndịnị gha pụ, kanị, ẹlẹ wẹ ndị nke ẹnyi. Makẹni, omẹni wẹ wụ ndị nke ẹnyi, nkẹ e sọn wẹ ẹnyi nọdị. Kanị, ọpụpụ wẹ pụ imẹ igunrun ẹnyi k'o gi wechanrịn ẹnya nị ẹlẹ wẹ ndị nke ẹnyi.

Jọnụ Ibuzọ 2:25

o kweọlẹ ẹnyi nkwa ndụn itẹbitẹ.

Jọnụ Ibuzọ 5:11

Ọnwan wụ ẹri hụ Osolobuẹ shịa: Osolobuẹ e yegụọ ẹnyi ndụn itẹbitẹ, imẹ Nwa a kẹ ndụn itẹbitẹ hụ rị.

Judu 1:1

Mmẹ wụ Judu de ẹkụkwọ-ozini. M wụ igbọn Jesu Kristi. M wụzịkwọ nwẹnẹ Jemisi. M rị e dejẹnni ndị ahụn Osolobuẹ họrị, ndị ahụn rị Chuku-Nẹdi obi, ndị ahụn Jesu Kristi dọnmẹ:

Judu 1:21

E dọnmẹ ni enwẹn ụnụ hụn ihiẹn ụnụ e gi a sụọ Osolobuẹ, kẹ ụnụ dọn rị e che omikẹn Di-nwọnni-ẹnyi wụ Jizọs Kraịstị, hụn k'e wẹhẹni ụnụ ndụn itẹbitẹ.

Judu 1:24

Ọjịja-mma ya rịnị Osolobuẹ, onyẹ hụn k'a s'ẹka mẹ ụnụ adanlẹ, mẹ ụnụ wụrụ ndị nwọnlẹni ntụpọ, ụnụ e gi ịghọghọ turu ihun ya lẹ Ọghọ a,

Samuẹlụ Nke Ibuzọ 2:9

O k'e chemẹ ndị-nsọ a ebe-lẹ-ebe wẹ jẹnkọ, kanị ndị-njọ jẹnkọ d'a nwụntọ imẹ ishi, nwụnyụn ẹnya. Ẹlẹ akwanran kẹ ịhịan gi e mẹri;