Jọnụ 10:16 - Ika

¹⁶ M nwọn atụnrụn ndị ọzọ rịlẹni igunrunni. M jẹnkọ d'e wẹhẹzi wẹ; wẹ k'e gọn m ntịn. Wẹ ile a wụrụ igunrun ohu lẹ onyẹ-ndu ohu.

Jọnụ 10:16 ပူးပေါင်းရင်းမြစ်များ

Jẹnẹsisi 49:10

Ọkpọ-eze aghakọ Juda ẹka pụ, ọkpọ onyẹ-ọkịkị aghakọ a ngadan pụ — d'e ru mgbe onyẹ nwọn ọkpọ ahụn e gi bịa. Ndị alị ichẹn-ichẹn k'a gha e buhẹ ihiẹn d'a chann'a ẹnya, e sekpun'ẹ alị.

Ẹbụ-ọma 86:9

Ịyụ ke alị ile, Osolobuẹ, wẹ k'a bịa d'a kụnị ị isi-alị; wẹ k'a gha a ja ẹfan ị mma.

Ẹkịliziastisi 12:11

Oku ndị marịn ihiẹn ku nọ kẹ ẹgbe wẹ pịn hụn wẹ gi e du efin, wẹ kịgbama wẹ, wẹ nọsọnmẹ kẹ ntu wẹ kpọye ọhụnma — hụn gha ẹka Onyẹ-ndu anụ ohu bịa.

Azaya 11:10

Ogẹn hụ, Mkpọgụn Jese ahụn jẹnkọ d'e suepụhanị k'a wụrụnị alị ichẹn-ichẹn ahịma wẹ tumẹni wẹ hụn w'e gi e dọn ẹnya; ndị alị ichẹn-ichẹn jẹnkọ d'e buruhẹ ẹ, ebe o bi jẹnkọ d'e nwọn ọghọ ọda-ọda.

Azaya 43:6

M k'a sịzịkwọ ẹbamịn ọwụwa-ẹnyanwụn, ‘Hapụ wẹ nị wẹ la!’ sị ndịdan-mirin, ‘Egbọndọnkwọlẹ wẹ!’ Welụa nị ụmụ m ikẹnnyẹ rị ebe teni, lẹ ụmụ m ikpoho rị ebe ụwa ru —

Azaya 49:6

ọ sị: “Onwọnni ihiẹn ọ wụ n'ị wụhụ odibo m hụn k'e wekinhẹn ebọn Jekọpụ ọnọdị wẹ, hụn k'e wekinhẹn ndị Izrẹlụ m dọnmẹ ndụn; m k'e mẹzi i wụrụnị alị ndị ọzọ ile ukpẹ, kẹni i we nzụọpụha m ru ebe ile ụwa ru.”

Azaya 52:10

Osolobuẹ sikọ d'a ghọsị ẹka a rị nsọ idẹnya alị ndị ọzọ ile, elu-ụwa ile a hụn kẹ Chuku ẹnyi dọn a zụọpụha.

Azaya 56:8

Di-nwọnni-ẹnyi wụ Osolobuẹ, onyẹ hụn rị e welụa ndị Izrẹlụ wẹ kpụnshi alị ndị ọzọ, sị, “M k'e welụazị ndị ọzọ cheni wẹ, cheni ndị m welụagụ.

Izikẹlụ 34:12

Kẹ onyẹ e du atụnrụn rị igunrun atụnrụn dọn a chọ ndị kpapụnị, ẹrịra kẹ m k'a dọn chọ atụnrụn m. A zụọpụha m wẹ ebe-lẹ-ebe wẹ gbajẹn ụhụọhịn igwere fọnlẹni.

Izikẹlụ 34:23

“ ‘M k'e bu wẹ che okpuru onyẹ-ndu ohu, o lepụ wẹ ẹnya ọhụnma. Odibo m wụ Defidi rọ, ya nwọn du wẹ; ịya k'e lepụ wẹ ẹnya.

Izikẹlụ 34:6

Atụnrụn m hụ a wahunmẹ ugu ile lẹ òke ile jẹn elu. Wẹ rị nwan ebe ile elu-ụwa, onwọnni onyẹ a jụ ukwere wẹ, onwọnni onyẹ a chọjẹnni wẹ.

Izikẹlụ 37:22

M k'e mẹ wẹ wụrụ alị ohu imẹ alị Izrẹlụ, elu-ugu rịsọnmẹ alị Izrẹlụ; eze ohu k'a kịma wẹ ile, onwọnzini ogẹn w'e gi wụrụ alị ẹbụọ mọbụ kebezi họnrin alị-eze ẹbụọ.

Izikẹlụ 37:24

“ ‘Odibo m wụ Defidi k'a wụrụ eze wẹ, wẹ ile e nwọnrin onyẹ-ndu ohu, e gi wẹ usọnrọn m tumẹni wẹ e bi, e dọnmẹ Iwu m.

Hosia 1:10

“K'osilẹrị, o ru ihun, ndị Izrẹlụ k'a barahị kẹ ẹjan rị ohimin, hụn wẹ ghalẹni a s'ẹka a gụnmarịn mọbụ a ma. Ezioku-ezioku, uwẹ kẹ Osolobuẹ rị nwan a sị, ‘ụnụ ẹlẹ ndị nke m.’ Kanị o ru ogẹn ahụn, uwẹ k'o k'a sịzị, ‘Ụmụ Osolobuẹ, Chuku hụn rị ndụn, kẹ ụnụ wụ!’

Zẹkaraya 2:11

O ru ogẹn hụ, alị bu ọda jẹnkọ d'a banyeni mmẹ wụ Osolobuẹ, e họnrin wẹ ndị nke m — e sọn m ụnụ biri.” Ogẹn hụ, ụnụ a marịn nị Osolobuẹ ihiẹn ile rị okpuru ẹ lẹ enwẹn ẹ zi mmẹ wụ Zẹkaraya d'a gwa ụnụ oku.

Matiu 17:5

Ebe ọ rị e ku ihiẹnni, orukpu rị e gbukeni nọ kpumẹ wẹ idẹnmizi. Olu nọ gha imẹ orukpu hụ sị, “Ọnwan wụ ezi Nwa m hụn ihiẹn ẹ a sụọ m; gọn n'ẹ ntịn!”

Luku 15:8

“Ra elee okpoho nwọn egho ọrụn akpọhịn iri, egho ọrụn akpọhịn e tuhu, hụn jẹnkọlẹni d'a mụye ukpẹ, zachanrịn mmụlọ iwe ẹ, chọ a ntan, chọ a imọn d'e ru n'ọ hụn a?

Jọnụ 10:11

“Mmẹ wụ ezigbo onyẹ-ndu atụnrụn: Ezigbo onyẹ-ndu atụnrụn e gi ufiri atụnrụn a e ye ndụn a.

Jọnụ 10:2

Kanị hụn gha ọnụmụzọ banye wụ onyẹ-ndu atụnrụn ndị hụ.

Jọnụ 10:27

Atụnrụn m e gọn m ntịn egọn; a marịnghọ m wẹ; w'e sọn m esọn.

Jọnụ 10:3

Ịya kẹ onyẹ nche a kpọpụnị ụzọ; ịya kẹ atụnrụn a e gọn ntịn olu ẹ. Ọ kpọ atụnrụn a ẹfan, o dupụha wẹ.

Jọnụ 10:4

O wepụhagụ atụnrụn a ile, o buruni wẹ ụzọ, e sọn wẹ ẹ, makẹni wẹ marịn olu ẹ.

Jọnụ 10:5

Esọnkọ wẹ onyẹ wẹ marịnlẹni; ọsọ kẹ w'a gbadẹn'a, makẹni amarịn wẹ olu ẹ.”

Jọnụ 11:52

Ẹlẹdẹ ndị Ju sụọ kẹ Jesu sikọ d'a nwụndọnni, n'o gizighọ ọnwụn a wegbama ndị nke Osolobuẹ ile rị ebe ọwụlẹ.

Jọnụ 17:20

“Ẹlẹ ndịnị rị ebeni sụọ kẹ m rị e mẹni ekpereni; kama, m rịzị e mẹni ndị hụn jẹnkọ d'e gi ufiri ozi wẹ k'e zi kwerini m,

Jọnụ 6:37

“Ndị ile Nẹdi m ye m sikọ d'a bịa d'e kunrun m; achụpụkọ m onyẹ ọwụlẹ bịa d'e kunrunni m

Ọrụn Ndị-ozi 15:14

Simiọnụ e kugụọ kẹ Osolobuẹ dọn mẹni ndị alị ọzọ ẹfọma mẹ ụfọdụ imẹ wẹ wụrụ ndị a za ẹfan a.

Ọrụn Ndị-ozi 18:10

makẹni m rị ị azụụn. Onwọnni onyẹ k'e mẹtụ ị ẹka, mẹ i ihiẹn ọwụlẹ, makẹni m nwọn ndị bu ọda imẹ obodoni.”

Ọrụn Ndị-ozi 22:14

Ya ọ nọ sị, ‘Osolobuẹ ndị nẹdi ẹnyi a họrịgụọ ị n'ị marịn uche ẹ, n'ị hụn Onyẹ hụ Rị-ọchan, nụzịkwọ kẹ o gi olu ẹ gwa ị oku.

Ndị Rom 11:25

Umunẹ m, m chọ nị ụnụ marịn ihiẹn-omimini, amamgbe ụnụ e ro nị ụnụ ka ndị ọzọ mkpa. Isi-akwanran Izrẹlụ k'e ruhụ ogẹn ndị wụlẹni ndị Ju banlanị e gi zu ọnụ.

Ndị Tẹsalonika Nke Ẹbụọ 2:13

Kanị, nke ụnụ, umunẹ ẹnyi, ndị rị Di-nwọnni-ẹnyi obi, ẹnyi k'a gha e yerịrị Osolobuẹ ekele makẹ ufiri ụnụ. Makẹni, Osolobuẹ họtọ ụnụ isi mbidọn nọkẹ ihiẹn-ugbo ibuzọ, kẹni ụnụ nwọn nzụọpụha, ghahanị odidọn-nsọ Mmọn-nsọ lẹ ikwerini ezioku.

Hibru 13:20

Osolobuẹ hụn e ye udọn, Onyẹ hụn gha ọnwụn weli Di-nwọnni-ẹnyi wụ Jesu, okẹn onyẹ-ndu atụnrụn ahụn wẹ gi ẹdeke ẹ biye nkwerigbama itẹbitẹ Osolobuẹ ẹka;

Pita Ibuzọ 2:10

Ogẹn mbụ, ụnụ “ẹlẹ ndị nke Osolobuẹ”, kanị, ụnụ a wụrụọlẹ nwan ndị nke ẹ; “omikẹn ẹ ete runi ụnụ ẹka mbụ”, kanị omikẹn ẹ e rugụọ nwan ụnụ ẹka.

Pita Ibuzọ 2:25

Ụnụ te rị a kpahu kẹ atụnrụn, kanị ụnụ e kinhẹngụọ nwan d'e kunrun onyẹ hụn e du ụnụ kẹ atụnrụn, onyẹ hụn e lepụ umẹ-ndụn ụnụ ẹnya.

Pita Ibuzọ 5:4

kẹni, Onyẹ-isi ndị-ndu atụnrụn bịa, o gi okpu-eze ọghọ ahụn ghalẹni a fapụ tu ụnụ ugọn.

Rẹvẹleshọnụ 3:20

“Lee ẹ, m turu nwan ọnụmụzọ a dụ ẹka, onyẹ nụ olu m gụnpụ ụzọ, a banhan m d'e kunrun ẹ, e sọn m'ẹ ri, o sọn m ri.