Jọnụ 1:31 - Ika

³¹ E te marịn m'a, kanị m rị e mẹ mirin-Chukuni m rị e gi mirin e mẹ kẹni ndị Izrẹlụ marịn a.”

Jọnụ 1:31 ပူးပေါင်းရင်းမြစ်များ

Malakaị 3:1

Lee ẹ, m zila nwan onyẹ-ozi m n'o d'a kwanị m ụzọ. Ogẹn ahụn, Di-nwọnni ụnụ nwẹn ụnụ rị a chọ, a bịa Ụlọ-NSỌ a idẹnmizi; onyẹ-ozi hụ k'e mẹ oku nkwerigbama ụnụ rị e gi ẹnya ẹbụọ a chọ, lala! Ya kẹ Osolobuẹ ihiẹn ile rị okpuru ẹ ku.

Matiu 3:13

Ogẹnni kẹ Jizọsị gi gha Galili bịa Iyi Jọdanị d'e kunrun Jọnụ kẹni Jọnụ mẹ ẹ mirin-Chuku.

Matiu 3:6

Wẹ hụ e ku njọ wẹ mẹ, ọ hụ e mẹ wẹ mirin-Chuku imẹ Iyi Jọdanị.

Luku 1:17

O k'e buruni Di-nwọnni-ẹnyi ụzọ, gi agụngụn lẹ ikẹn onyẹ-amụma wụ Ẹlaịja mẹ ndị nẹdi bu obi wẹ che ebe ụmụ wẹ rị, mẹ ndị nnupụ-isi rogharị d'e bimẹ obibi ndị marịn ihiẹn, obibi ndị ezi-omumẹ. O k'e gi ẹ kwademẹ ịhịan makẹ ọbịbịa Di-nwọnni-ẹnyi.”

Jọnụ 1:30

Ịya kẹ m rị e ku ogẹn m gi sị, ‘M mẹmẹgụ, okẹnnyẹ ohu kanị m lala.’ Ịya ka m makẹni ọ rị arị nị wẹ d'a mụ m.

Jọnụ 1:32

Jọnụ shịa ẹri, sị, “M hụn Mmọn-nsọ k'ọ gha elu-igwee hidanla nọkẹ nduru, nọkwasị a.

Jọnụ 1:33

E te marịn m'a, kanị onyẹ hụn zi m d'e gi mirin mẹ ịhịan mirin-Chuku sị m, ‘Onyẹ i jẹnkọ d'a hụn kẹ Mmọn-nsọ hidan nọkwasị, ịya wụ onyẹ hụ jẹnkọ d'e gi Mmọn-nsọ mẹ ịhịan mirin-Chuku.’

Jọnụ 1:7

Ọ bịa d'a shịanị Ukpẹ hụ ẹri, kẹni ịhịan ile nụ ẹri ẹ, kweri.

Ọrụn Ndị-ozi 19:4

Pọlụ nọ sị, “Mirin kẹ Jọnụ gi mẹ ndị rogharịnị mirin-Chuku, kanị ọ hụ a gwa wẹ kwerini onyẹ hụ lalanị ogẹn ya lẹ enwẹn e gi rụngụ ọrụn a — ya wụ, wẹ kwerini Jesu.”