Jọnụ 1:18 - Ika

¹⁸ Onwọnni onyẹ hụntu Osolobuẹ, kanị akpụ Nwa ohu ọ mụ sụọ, hụn wụ Osolobuẹ, hụn ya lẹ Nẹdi ẹ rị, e mẹgụọ ẹnyi marịn Osolobuẹ.

Jọnụ 1:18 ပူးပေါင်းရင်းမြစ်များ

Jẹnẹsisi 16:13

Ya Haga nọ kpọ Osolobuẹ hụn gwa a oku “Ẹl-rọị”, hụn wụ “Chuku hụn rị e leghanị”, makẹni ọ sị, “Mmẹ gidẹ nwan ẹnya m hụn Onyẹ-hụn-e-leghanị m ra?”

Jẹnẹsisi 18:33

Osolobuẹ a gwagụ Ebraham oku, ọ nọ jẹnmẹ ebe o jẹnkọ, Ebraham nọ lashi iwe ẹ.

Ọpụpụ 23:21

Gọnkwọ a ntịn, e mẹ ihiẹn ọ sị ị mẹ. Agbakwọlẹn'a isi-akwanran. Ị gba isi-akwanran, ọ gbagharịkọkwọ ị, ebe o mẹni Ẹfan m k'o gi.

Ọpụpụ 24:10

wẹ nọ hụn Osolobuẹ Izrẹlụ. Ihiẹn rị kẹ mgbankpo wẹ gi ọmụma-safaya rụn rị a okpuru ụkụ — e nwun zaị kẹ igwere.

Itẹn 8:30

Mmẹ wụ ọkaa hụn o gi mẹmẹ wẹ, hụn e mẹ ẹfọ a sụọ a ụsụọ ụhụọhịn-ụhụọhịn, a nọ ihun ẹ a ghọghọ ogẹn ile —

Azaya 40:11

O k'e lepụ atụnrụn a ẹnya lekẹ onyẹ e du atụnrụn; ọ pa ụmụ atụnrụn rịn'a, a pa wẹ e che obi; o tu udọn e du ndị kị ụmụ.

Ẹkwan 2:12

Ụmụẹka hụ a sị nnẹ wẹ, “Kẹ ẹnyi k'e ri? Kẹ ẹnyi k'a ra?” hụn ahụn wẹ rị a sọhị nọkẹ ndị-agha wẹ rụ eje-ẹhụ, a dantọ ọgbara-ogbe rịsọnmẹ imẹ obodo; a nwụntọ ẹka nnẹ wẹ.

Ọgụngụn 12:8

M'e du ẹ e ku elee-m elee-i, a kpọpụ ihiẹn ẹfan, m'a ra gi ilu gwa a oku; Ọ hụndẹ kẹ Osolobuẹ nọ. Ya kẹ egun nọ nwan a nị ụnụ e kuja oku odibo m wụ Mozizi?”

Matiu 11:27

Nẹdi m e bugụọ ihiẹn ile che m ẹka. Onwọnni onyẹ marịn Nwa mmanị Chuku-Nẹdi sụọ; onwọnzikwọnị onyẹ marịn Chuku-Nẹdi wezụka Nwa lẹzi onyẹ ọwụlẹ Nwa chọ n'o mẹ ẹ marịn Chuku-Nẹdi.

Luku 10:22

Nẹdi m e bugụọ ihiẹn ile che m ẹka. Onwọnni onyẹ marịn onyẹ Nwa-Chuku wụ wezụka Chuku-Nẹdi; onwọnzikwọnị onyẹ marịn Chuku-Nẹdi wezụka Nwa a lẹ onyẹ ọwụlẹ Nwa a chọ n'o mẹ ẹ marịn a.”

Jọnụ 1:14

Oku Chuku nọ họnrin ịhịan, sọn ẹnyi biri elu-ụwa. Ẹfọma lẹ ezioku jun imẹ ẹ! Ẹnyi a hụnọlẹ ikpẹn ẹ, ikpẹn akpụ Nwa ohu Chuku-Nẹdi mụ rọ.

Jọnụ 12:41

Azaya ku ihiẹnni makẹni ọ hụngụọ ọghọ Jizọsị jẹnkọ d'e nwọn, ọ nọ ku oku Jizọsị.

Jọnụ 13:23

Onyẹ nsọnmazụụn a ohu, onyẹ ahụn ihiẹn ẹ a sụọ Jesu, nọsọn Jesu.

Jọnụ 14:9

Jesu nọ sị a, “Filipu, hụnnị ile mmẹ lẹ ụnụ rị, y'e ke marịn m? Onyẹ hụnnị m a hụngụọ Chuku-Nẹdi. K'ị rị a sịnị, ‘Ghọsị ẹnyi Chuku-Nẹdi’?

Jọnụ 17:26

E mẹgụọ m wẹ marịn ị; m k'a gha e mẹ wẹ a marịn ị, kẹni ihiẹn-ọsụsụọ m i nwọn hụn ụzọ rị imẹ wẹ lẹni mmẹ nwẹn rịzị imẹ wẹ.”

Jọnụ 17:6

“E mẹgụọ m ndịnị ị gha imẹ ụwa weye m marịn ẹfan ị. Ịyụ nwọn wẹ, ị nọ we wẹ ye m; e mẹgụọ wẹ ihiẹn i ku.

Jọnụ 3:11

Ezioku kẹ m rị a gwa ị, ẹnyi rị e ku ihiẹn ẹnyi marịn, a shịa ẹri ihiẹn ẹnyi hụn, kanị ụnụ ara gi ẹri ẹnyi dọn.

Jọnụ 6:46

Ẹlẹ n'o nwọn onyẹ hụntu Chuku-Nẹdi wezụka onyẹ ahụn gha ebe ọ rị bịa; ịya sụọ hụntu Chuku-Nẹdi.

Ndị Kọrẹntị Nke Ẹbụọ 4:4

Mmọn rị a kị ụwanị e kẹnkingụọ ẹnya ndị kwerilẹni, amamgbe w'e legha ukpẹ oziọma rị a ghọsị wẹ banyeni onyẹ Kraịstị wụ; Kraịstị hụn o mẹ ni onyẹ hụnn'a a hụngụọ Osolobuẹ.

Ditrọnọmi 4:12

Osolobuẹ nọ gha imẹ ọkụn ahụn gwa ụnụ oku. Olu ẹ kẹ ụnụ nụ, onwọnni ihiẹn ọwụlẹ ụnụ hụn ụnụ e gi sị “Lee kẹ Osolobuẹ nọ.” Olu sụọ kẹ ụnụ nụ.

Ndị Kolosị 1:15

Ẹnya hụn Nwa a nị wụ Kraịstị a hụngụọ Osolobuẹ wẹ ghalẹni e legha; Kraịstị wụzịkwọ Nwa-ibuzọ, Onyẹ-isi hụn ihiẹn ile wẹ ke rị okpuru ẹ.

Timoti Ibuzọ 1:17

Eze Itẹbitẹ kẹ Osolobuẹ wụ! Eze ghalẹni a nwụn! Onyẹ wẹ ghalẹni e legha ẹnya! Chuku ohu sụọ rịnị! Mgbaye lẹ ọjịja-mma ya rịn'a jẹnrin ejẹn! Isẹẹ!

Timoti Ibuzọ 6:16

Ịya sụọ wụ onyẹ ghalẹni a nwụnhụn; Onyẹ hụn bi imẹ ukpẹ wẹ ghalẹni a s'ẹka a nọkunmẹ; Onyẹ ịhịan leghatulẹni hụn ịhịan jẹnkọlẹni d'a s'ẹka legha! Mgbaye lẹ ọkịkị itẹbitẹ wụ nke ẹ jẹnrin ejẹn! Isẹẹ.

Joshụa 5:13

Ogẹn Joshụa gi rị ẹhụ Jẹriko, o lee ẹnya, e lee okẹnnyẹ ohu turu ẹ ihun! Okẹnnyẹ hụ e sepụhagụọ ọpịa-agha kwọndọn. Joshụa nọ jẹnburu ẹ, sị a, “Ẹnyi k'i bịa d'e yeni ẹka ra ndị-iṅẹnrẹn ẹnyi?”

Jọnụ Ibuzọ 4:12

Onwọntuni onyẹ gi ẹnya a hụn Osolobuẹ, kanị omẹni ẹnyi nwọn ihiẹn-ọsụsụọ ibe ẹnyi, ya wụ nị Osolobuẹ bi imẹ ẹnyi, ihiẹn-ọsụsụọ a zuzikwọ oke imẹ ẹnyi.

Jọnụ Ibuzọ 4:20

Omẹni ịhịan sị, “M nwọn ihiẹn-ọsụsụọ Osolobuẹ,” bụ ọ hụ e ze ize ibe ẹ, onyẹ-ntụ k'ọ wụ. Makẹni, omẹni ịhịan enwọnni ihiẹn-ọsụsụọ ibe ẹ hụn ọ rị e legha, ọ sakọ ẹka nwọn ihiẹn-ọsụsụọ Osolobuẹ o leghatulẹni.

Jọnụ Ibuzọ 4:9

Osolobuẹ a ghọsịgụọ n'o nwọn ihiẹn-ọsụsụọ ẹnyi — ebe ọ nọ zihẹ akpụ Nwa a ohu imẹ ụwa, kẹni ẹnyi hụn ụzọ rị ndụn ghahan'a.

Jọnụ Ibuzọ 5:20

Ẹnyi a marịnghọ nị Nwa Osolobuẹ a bịagụọ, n'o yegụọ ẹnyi nghọta hụn ẹnyi e gi marịn onyẹ ahụn wụ Ezioku. Ẹnyi rị nwan imẹ onyẹ ahụn wụ Ezioku lẹ Nwa a wụ Jesu Kristi. Ịya wụ Osolobuẹ nke-esi lẹ ndụn-itẹbitẹ.