Jona 4:2 - Ika

² Ya Jona nọ mẹ ekpere sị Osolobuẹ, “Heuu Osolobuẹ! Ekuni m'ẹ nị m d'a gha ụlọ buli n'i jẹnkọ d'e mẹ ẹnịna? Ịya haịn m te gi gbashikọ Tashishi. Amarịnghọ m n'ị wụ Chuku hụn e ro ịhịan, n'i wụ Onyẹ-omikẹn; nị y'a ra bukẹnrin olulu; nị y'e nwọnkẹ ihiẹn-ọsụsụọ ịhịan, nị y'e rohutọ a latọ afụnfụn i te k'e ye ịhịan.

Jona 4:2 ပူးပေါင်းရင်းမြစ်များ

Ndị-nze Nke Ibuzọ 19:4

ya nwẹn nọ shi imẹ atụ, jẹn ijẹn akp'ọhịn ohu. O ru ukun ẹfịfịa brum ohu, ọ nọ nọdị alị okpuru ẹ, rịọma Osolobuẹ n'o weri ndụn a: “Euu, Osolobuẹ ọnwan e higụọ. Weri nwan ndụn m; akanị m ndị nẹdi m wẹ mma!”

Ẹbụ-ọma 103:8

Osolobuẹ e mẹ omikẹn, o mẹyeni ịhịan; ara bukẹnrin olulu, o mẹni ndị nke ẹ omikẹn.

Ẹbụ-ọma 145:8

Osolobuẹ e mẹyekẹni ịhịan; o mẹ omikẹn; ara bukẹnrin olulu; o nwọnkẹ ihiẹn-ọsụsụọ.

Ẹbụ-ọma 78:38

Kanị, makẹni ọ wụ onyẹ-omikẹn, ọ gbagharịsọnmẹ wẹ njọ; o tikpọchanrịnnị ebọn wẹ; ọ tọ e kwọndọn enwẹn ẹ, o gichanrịnnị olulu rị a obi sọn wẹ.

Ẹbụ-ọma 86:15

Kanị Osolobuẹ, ị wụ Chuku omikẹn hụn e mẹyeni ịhịan, Chuku hụn ghalẹni e bukẹnrin olulu, onyẹ okẹn ihiẹn-ọsụsụọ hụn e mẹsọnmẹ hụn run'ẹ.

Ẹbụ-ọma 86:5

Makẹni y'a rịka mma, Osolobuẹ; y'a gbagharị njọ; y'a ghọsị ndị a kpọkun'i ihiẹn-ọsụsụọ ọda-ọda.

Ẹbụ-ọma 90:13

Osolobuẹ dodo, elee mgbe k'i k'e webehi iwe, n'i mẹni idibo i omikẹn!

Ọpụpụ 32:14

Ya Osolobuẹ nọzilẹni mẹ ihiẹn ọ sị o k'e mẹ wẹ; o tikpọzịnị wẹ k'o te dọn ku.

Jerimaya 18:8

nị ndị ahụn m gwa oku e bihutọ ẹka, latọ eje-ihiẹn wẹ rị e mẹ, mmẹ nwẹn sikọ d'e rohutọ, emẹkọzị m wẹ ihiẹn m te sị nị m k'e mẹ wẹ.

Jerimaya 20:7

Jerimaya nọ sị, “Euu Osolobuẹ, y'e dufie m, m nọ kweyeni i; y'a karị m ẹka, nke i nọ bụn. Ẹmụ-ẹmụ kẹ w'a mụ m nwan uhinhin lẹ efinaị! Ịhịan ile hụ a mụ m ẹmụ!

Jerimaya 26:13

Ka bihutọ nị nwan ẹka, mẹbehi eje-ihiẹn; gọn ni Osolobuẹ wụ Chuku ụnụ ntịn, kẹni Osolobuẹ rohutọ, latọ ihiẹn ọ sị o k'e mẹ ụnụ.

Jerimaya 42:10

Omẹni ụnụ e rohutọ, nọdị alịnị, m sikọ d'a gọzi ụnụ; m k'a tụn ụnụ kẹ ụlọ, etikpọkọ m ụnụ; m k'a gbọma ụnụ, ehuepụkọ m ụnụ — makẹni ọ fụka m nị m mẹ ụnụ ihiẹnni ile m mẹ ụnụ.

Emọsụ 7:3

Ya kẹ Osolobuẹ nọ kụsị, sị, “Ihiẹnni emẹkọ.”

Emọsụ 7:6

Ya kẹ Osolobuẹ nọzị kụsị, sị, “Kẹ hụnnị emẹkọ.”

Jona 1:3

Kanị Jona nọ buli n'ọ gbashi alị Tashishi, gbapụnị Osolobuẹ. O shi Jọpa, nọ ebẹhụ chọrị ụgbọ mirin jẹnkọ alị Tashishi. Ọ kụ ụgwọ, banye, n'o sọn wẹ shi alị Tashishi, pụnị Osolobuẹ.

Jona 3:10

Ogẹn Osolobuẹ gi hụn ihiẹnni wẹ mẹ, hụn kẹ wẹ dọnmẹ latọsọnmẹ eje-omumẹ wẹ, ọ gharị, o mẹzini wẹ ihiẹn ọ sị o k'e mẹ wẹ.

Jona 3:9

Onyẹ marịn? Ikẹnkwọ Osolobuẹ e gharị, ikẹnkwọ olulu ẹ a rọ, ẹnyi a hụn isi.”

Maịka 7:18

Elee mmọn nọ kẹ yụ wụ Osolobuẹ, hụn a gbagharị njọ? Ịyụ hụn jẹnkọ d'e bupụ ẹnya njọ ndị nke i ndị nke hụn k'a họdụnị? Osolobuẹ ara wesọnmẹ iwe jẹnrin ejẹn, makẹni ihiẹn-ọsụsụọ wụ ihiẹn a sụọn'a.

Luku 10:29

Kanị Ọka-iwu hụ chọ n'o kuni enwẹn ẹ ọhụnma, ọ nọ sị Jesu, “Onyẹ wụ nwan ibe m?”

Ditrọnọmi 4:31

makẹni Osolobuẹ wụ Chuku ụnụ wụ Chuku omikẹn, ọ jụtọkọ ụnụ mọbụ gbupụ ụnụ mọbụ zọ nkwerigbama rị ẹgbata ịya lẹ ndị nẹdi ụnụ, hụn o gi ufiri ẹ kunni wẹ enwẹn ẹ.