Jona 3:6 - Ika

⁶ Makẹni, ogẹn eze Ninivẹ gi nụ ihiẹnni, ọ gha ukpo-eze ẹ lihi ọtọ, yipụ ẹwuru-nze, yiri ẹkwa-achọ, dịnọ ikpọn ntụn.

Jona 3:6 ပူးပေါင်းရင်းမြစ်များ

Ndị-nze Nke Ibuzọ 21:27

Ogẹn Ehabụ gi nụgụ ihiẹn ndịnị Ẹlaịja ku, ọ nọ tika ẹwuru ẹ, yiri ẹkpa-mkpụrụ hụn wụ ẹkwa-achọ, nọkẹ onyẹ njọ a rị e wutẹ; o bu ọnụ. O yi ẹkpa ahụn ranhịn; o mẹshịazịnị ẹhụ.

Jobu 2:8

Ya Jobu nọ gwọrị imẹ ikpọn-ntụn nke onyẹ ihiẹn mẹ, gi mpekele ite a kọ ẹhụ a.

Jobu 42:6

Ifẹnrẹn enwẹn m e mẹgbugụọ m; E rogharịgụọ m nwan, a gwọrị m imẹ uzunzun lẹ ntụn!”

Azaya 15:3

Wẹ yihụ ẹkwa-achọ a kwan imẹ ọgbara-ogbe wẹ yeni ihiẹn mẹni wẹ; kẹ ebe ịhịan a nọdị elu ụlọ kẹ ebe ile ịhịan e kokomẹ kẹ wẹ ile nọsọnmẹ e goo; e fiẹnrinhụ a kwan.

Jerimaya 13:18

“Osolobuẹ sị m, Sị eze rị a kịnị lẹ nnẹ ẹ, ‘Hidan nị ukpo-eze ụnụ, makẹni okpu-eze ụnụ ma mma jẹnkọ d'a gha ụnụ isi danpụ.’

Jerimaya 36:13

Maịkaya nọ gwachanrịn wẹ ihiẹn ile ọ nụ Baruku gụn, ihiẹn ile Baruku gụnnị ndị alị.

Jerimaya 36:24

Kẹ wẹ nụ ihiẹnni ile Jehudi gụn, onwọnni onyẹ mẹhunmẹni, onwọnni onyẹ dọwa ẹkwa ye enwẹn ẹ olu, kẹ eze kẹ idibo ẹ.

Jerimaya 6:26

“Heuu, ndị nke m, yiri ni ẹkwa-achọ, ụnụ e kperemẹ imẹ ntụn; kwan nị ụya kẹ onyẹ akpụ nwa-okẹnnyẹ ohu nwụnnahịn, makẹni onyẹ e tikpọnị lala idẹnmizi d'e tikpọ ẹnyi!”

Ẹkwan 2:10

Ndị-ichẹn rị imẹ Nwagbọọ wụ obodo Zayọnụ gwọrị nwan alị, gbachanrịn nkịtịn; a bụọgụọ wẹ uzunzun ye isi, yirisọnmẹ ẹkwa-achọ nke ndị ihiẹn mẹ. Ịgbagba Jerusalẹm rị nwan e bu ihun a kọma alị.

Ẹkwan 3:29

Ya welụachanrịn enwẹn ẹ alị budẹ ihun che ẹjan alị ikẹnkwọ n'ọ rịzịghọ mma.

Izikẹlụ 26:16

Ogẹn ahụn, ndị-nze alị ile rị ohimin a gha ukpo wẹ hidan, gbụ ẹkwa-nze wẹ lẹ ẹwuru rị mma wẹ ye ụsụọ, egun a wụrụ ẹkwa wẹ, akpakalị e họnrin ukpo wẹ, a mama wẹ piripiri, ihiẹn hụn mẹn'i a gụ wẹ ndụn.

Daniẹlụ 9:3

Ya m nọ bu ihun zinmẹ Di-nwọnni-ẹnyi wụ Chuku, mẹmẹ ekpere, rịọma a, e bu ọnụ, e yi ẹkwa-achọ wẹ gi a kwan ụya, e kpọn m ntụn ye isi nke onyẹ ihiẹn mẹ.

Maịka 1:10

Agwakwọlẹ ni wẹ ẹ imẹ obodo Gatị! Akwankwọlẹ ni ẹkwan kaka! Ndị rị Bẹt-Lafra, kperemẹdẹ ni alị!

Matiu 11:21

Ọ sị, “Ndị Korazini, o sikọ d'a fụ ụnụ ọrụn! Ndị Bẹtisaịda, o sikọ d'a fụ ụnụ ọrụn! Makẹni, omẹni alị Taya-lẹ-Sidọnụ mẹgbu enwẹn wẹ njọ kẹ wẹ te nọ rụn ọrụn-atụmẹnya ile wẹ rụn imẹ ụnụ, nkẹ o tekẹ ndị Taya-lẹ-Sidọnụ rogharị, yiri ẹkwa achọ, kpọn ntụn kpu enwẹn wẹ gi ghọsị nị e rogharịgụọ wẹ.

Luku 10:13

“Okẹn nsọngbu jẹnkọ d'a rịnị ndị obodo Korazini! Okẹn nsọngbu jẹnkọ d'a rịzịkwọnị ndị obodo Bẹtisaịda! Makẹni, omẹni imẹ alị Taya-lẹ-Sidọnụ kẹ wẹ nọ rụn ọrụn-atụmẹnya ndị wẹ rụn imẹ ụnụ, nkẹ o tekẹ ndị Taya-lẹ-Sidọnụ rogharịgụ, yiri ẹkwa-achọ, bụọ ntụn kpu enwẹn wẹ, nọdị akpakalị gi ghọsị n'e rogharịgụọ wẹ!