Jona 2:9 - Ika

⁹ Kanị mmẹ nwẹn k'e gi ẹbụ okele bịa d'a chụnyen'i ẹjan; m k'e mẹ ihiẹn m kwe i nkwa a. Ẹka ị Osolobuẹ sụọ kẹ nzụọpụha gha a bịa!!”

Jona 2:9 ပူးပေါင်းရင်းမြစ်များ

Jẹnẹsisi 35:3

Nị ẹnyi shi ni Bẹtẹlụ, ebe m k'a nọ rụnnị Osolobuẹ ukpo nchụn-ẹjan, Osolobuẹ hụn za m ekpere ogẹn m gi rị imẹ nsọngbu, a nọyeni m ebe ọwụlẹ m jẹn.”

Samuẹlụ Nke Ẹbụọ 15:7

O zu ahụa ẹnọ, Absalọm nọ sị eze, “Nị m jẹnru Hibrọnụ d'e mẹzu nkwa m kwe Osolobuẹ.

Jobu 22:27

I mẹ ekpere kpọku ẹ, ọ nụ olu i; yụ nwẹn k'e mẹzu nkwa ndị i kwe ẹ.

Ẹbụ-ọma 107:22

Wẹ chụnyesọnmẹn'ẹ ẹjan w'e gi a kpanmịn a; wẹ yimẹ oro ịghọghọ e ku ihiẹn ndị ọ rụn!

Ẹbụ-ọma 27:1

Osolobuẹ wụ ukpẹ m lẹ onyẹ hụn a zụọpụhanị m — onyẹ kẹ m k'a tụ egun ẹ? Imẹ Osolobuẹ kẹ wẹ nọ e che ndụn m nche — onyẹ kẹ m k'a tụ egun ẹ?

Ẹbụ-ọma 3:8

Ẹka Osolobuẹ kẹ nzụọpụha gha a bịa! Ngọzi i ya rịnị ndị nke i! Sẹla

Ẹbụ-ọma 50:14

Chụnyeni Chuku ẹjan-ekele, y'e mẹzuni Onyẹ Kachanrịnnị nkwa hụn i kwe ẹ;

Ẹbụ-ọma 50:23

Mkpamịn, ya wụ ezigbo ẹjan hụn e ye m ọghọ, a kwa ụzọ, m gi a ghọsị a nị Chuku a zụọpụha ịhịan.”

Ẹbụ-ọma 68:20

Chuku ẹnyi wụ Chuku hụn a zụọpụhanị; Osolobuẹ-nwọnni-ẹnyi e mẹ ịhịan a wanahịn ọnwụn.

Ẹbụ-ọma 95:2

Nị ẹnyi gi ni nkpanmịn bịa d'e kunrun ẹ; nị ẹnyi weshi olu elu bụn'a ẹbụ.

Azaya 45:17

Kanị Osolobuẹ k'a zụọpụha ndị Izrẹlụ, nzụọpụha hụn k'a rị jẹnrin ejẹn; d'e ru ọgụgụ ogẹn ụnụ afakọ, o kpuyekọ ụnụ!

Jerimaya 33:11

olu ndị rị a ghọghọnị lẹ ndị ẹfọ rị a sụọ ụsụọ, olu okẹnnyẹ rị a lụ nwunyẹ lẹ okpoho ọ rị a lụ, olu ndị rị e wẹhẹ oyiye imẹ ụlọ-Osolobuẹ d'a kpanmịn a, a sị, ‘Kpanmịn nị Osolobuẹ ihiẹn ile rị okpuru ẹ, makẹni Osolobuẹ a rịka mma; ara nwọnbehi ihiẹn-ọsụsụọ.’ Makẹni mmẹ wụ Osolobuẹ jẹnkọ d'e dọnzi alịnị, ọ rịzị mma k'ọ rị mbụ. Mmẹ wụ Osolobuẹ ku ẹ.”

Hosia 14:2

Gi ni arịrịọ jẹn d'e kunrun Osolobuẹ, sị n'a: “Dodo, gbagharị ẹnyi njọ ẹnyi, y'a nabanhan arịrịọ ẹnyi. Ẹnyi k'e gi ọnụ ẹnyi ye i oyiye, oyiye ọjịja-mma.

Jọnụ 4:22

Ụnụ amarịn onyẹ ụnụ rị e fe; kanị, ẹnyi nwẹn a marịnghọ onyẹ ẹnyi rị e fe, makẹni ẹka ndị Ju kẹ nzụọpụha gha lala.

Ọrụn Ndị-ozi 4:12

Onwọnni onyẹ ọzọ nzụọpụha gha ẹka a a bịa, makẹni onwọnni ẹfan ọzọ rị okpuru elu-igwee hụn Osolobuẹ ye ịhịan n'o gi nwọn nzụọpụha karị ẹfan Jesu.”

Ndị Rom 12:1

Umunẹ m, m rị nwan a rịọ ụnụ makẹni Osolobuẹ e mẹgụọnị ẹnyi omikẹn: gi ni ẹhụ ụnụ chụnyeni Osolobuẹ ẹjan rị ndụn, hụn rị nsọ, hụn k'a sụọn'a, nị ịya wụ ofufe furu ụnụ k'e fe ẹ.

Ditrọnọmi 23:18

Ewẹhẹkwọlẹ ni egho-ọrụn ịgbaraja okpoho mọbụ okẹnnyẹ d'e mẹzu nkwa ọwụlẹ imẹ ụlọ Osolobuẹ wụ Chuku ụnụ, makẹni wẹ ẹbụbụọ rụ arụ ẹnya Osolobuẹ wụ Chuku ụnụ.

Hibru 13:15

Nị ẹnyi ghama nị nwan ẹka Kraịstị a chụnyeni Osolobuẹ ẹjan hụn wụ ọjịja-mma, hụn wụ mkpụrụ ọ rị ghọrị ọnụ ndị rị a kpọku ẹfan a.

Rẹvẹleshọnụ 7:10

Wẹ hụ e gi okẹn olu e yi oro, a sị, “Nzụọpụha wụ nke Chuku ẹnyi, Onyẹ hụn nọdị ukpo-eze lẹ nke Nwa-ebulu hụ.”

Samuẹlụ Nke Ibuzọ 12:21

Ejẹnkwọlẹ ni d'e femẹ mmọn-lẹ-iyi ndị ahụn nwọnlẹni erere wẹ ban. Onwọnni ihiẹn rị mma wẹ k'a saẹka mẹni ụnụ, asakọ wẹ ẹka gbapụha ụnụ, makẹni onwọnni erere wẹ ban.