Jobu 7:9 - Ika

⁹ Kẹ orukpu dọn e fọnpụ, fọnpụchanrịn — ẹrịra kẹ onyẹ jẹn imẹ ili ghalẹni e kinhẹn azụụn.

Jobu 7:9 ပူးပေါင်းရင်းမြစ်များ

Samuẹlụ Nke Ẹbụọ 12:23

Hụnnị ọ nwụnhụngụ nwan, kị m'e bumẹzini ọnụ? Nị m sa nwan ẹka wekinhẹn ẹ? Mmẹ burukọ a, o kinhẹnkọzị d'e kunrun m.”

Samuẹlụ Nke Ẹbụọ 14:14

K'o dọn mẹ ni mirin huye alị ọ lachanrịn, ẹrịra k'o dọn mẹ ni ẹnyi wụ ịhịan k'a nwụnhụnrịrị. Kanị Chuku ara wepụ ndụn ịhịan — kama, ọ chọ ụzọ o gi e wekinhẹn onyẹ ọ chụpụ, makẹ hụnyẹ gha a tọ ogbe.

Jobu 10:21

m gini d'a lashi ebe wẹ ghalẹni e jẹn a lụa, alị ẹkpa-ishi, gbagbu enwẹn ẹ ishi,

Jobu 11:8

Ihiẹn ẹ jẹnnahịn igwere elu — k'i k'a sa ẹka mẹ? Wẹ minahịn alị-mmọn — k'i k'a sa ẹka marịn?

Jobu 16:22

Makẹni ọ họdụ nwan ahụa ole, e jẹnmẹ m ebe wẹ ghalẹni a lụaha.

Jobu 17:13

Omẹni ili kẹ m te gi dọn ẹnya, omẹni imẹ ishi kẹ m gbamaye ihiẹn m gi e dinẹ,

Jobu 17:16

Ihiẹn ahụn k'e sọn m la mmọn? N'o sọn m nwan la ẹjan?”

Jobu 3:13

Nkẹ ẹhụ e fu m nwan ebe m dinẹ imẹ ili; nkẹ m hụ nwan ụran, e zu ikẹn —

Jobu 30:15

Egun hụ a tụ m, ọghọ m hụ a la lekẹ ebe ufere rị e bupụ ihiẹn, ihiẹn ile rị m mma ẹhụ e fopụgụọ kẹ orukpu.

Jobu 37:11

O mẹ mirin e jun ẹkpa mirin rị igwere; o mẹ amụma a a nọ imẹ orukpu e begbarị.

Ẹbụ-ọma 39:13

Dodo bupụ m ẹnya, nị m mụzị ẹmụ, m gini d'a la, a hụnbehi wẹ m.”

Azaya 26:14

A nwụnhụngụọ wẹ nwan, arịzị wẹ ndụn; mmọn wẹ lagụnị ekinhẹnkọ. Ịyụ ye wẹ afụnfụn, tikpọ wẹ; y'e finchanpụchanrịn ihiẹn ile w'e gi nyanhan wẹ.

Azaya 38:11

M sị, “Ya wụ ahụnkọzị m Osolobuẹ wụ Osolobuẹ imẹ alị ndị rị ndụn; eleghakọzị m ịhịan, arịkọzị m ndị bi elu-ụwanị.