Jobu 5:9 - Ika

⁹ Ọ rụnsọnmẹ ihiẹn a tụ ẹnya, hụn wẹ ghalẹni asẹka a ghọta ọrụn-atụmẹnya wẹ ghalẹni as'ẹka a gụngụ.

Jobu 5:9 ပူးပေါင်းရင်းမြစ်များ

Jobu 10:16

M wepụhahụ isi, y'a chụ m kẹ ẹwọrọ dọn a chụ ihiẹn, mẹzi m ihiẹn — gizi m ghọsị ikẹn i hụn a tụ egun.

Jobu 13:1

“Ẹnya m a hụngụọ ihiẹnni ile, ntịn m a nụgụọ a, ghọta a!

Jobu 37:14

Jobu, gọn-ntịn n'ị nụ ọnwan: cheri, lekpọ ihiẹn a tụ ẹnya Chuku a rụnsọnmẹ.

Jobu 37:16

Y'a marịnghọ kẹ orukpu rị igwere dọn kọnrinsọnmẹ imẹ elu; ihiẹn a tụ ẹnya, hụn Onyẹ Hụ Nwọnzu amamihiẹn mẹmẹ?

Jobu 37:5

Olu Chuku wụ akpara a tụ ẹnya; o mẹsọnmẹ okẹn ihiẹn hụn ẹnyi ghalẹni as'ẹka a ghọta.

Jobu 42:3

Y'a jụghọ kẹ ‘Onyẹ wụ hụnnị rị e ku kẹ sị ọ marịnghọ uche m bụ ọ marịn ihiẹn ọ rị e ku?’ Eziẹ, e kughọ m ihiẹn m ghọtalẹni, okẹn ihiẹn ndị m marịnlẹni.

Jobu 9:10

Chuku e mẹsọnmẹ ahụnlele wẹ ghalẹni as'ẹka a ghọta, ọrụn atụmẹnya wẹ ghalẹni a s'ẹka a gụnmarịn.

Ẹbụ-ọma 139:18

M sị nị m gụnma wẹ, wẹ k'a ka ẹjan ọda! M tẹnhin, m hụkwọ ebe ị rị a hụn m!

Ẹbụ-ọma 145:3

Osolobuẹ e hikẹ ogbe; o furu w'a ja mma ọhụnma-ọhụnma! Osolobuẹ wụ Okẹn-ịhịan, w'a ra saẹka ghọta a?

Ẹbụ-ọma 40:5

Osolobuẹ wụ Chuku m — y'a rụnọlẹ ihiẹn a tụ ẹnya bu ọda i rotọnị ẹnyi; onwọnni onyẹ nọ kẹ ịyụ; m sị nị m gbama wẹ, wẹ k'a karị ẹka.

Ẹbụ-ọma 40:6

Kẹ ẹjan kẹ oyiye onwọnni hụn ị chọ, kama y'a shịapụgụọ m ntịn nị m ghọta; kẹ ẹjan w'a dụn ọkụn kẹ ẹjan-njọ onwọnni hụn ị chọ.

Ẹbụ-ọma 72:18

Ọjịja-mma ya rịnị Osolobuẹ wụ Chuku, Chuku ndị Izrẹlụ — hụn ịya sụọ a rụn ọrụn atụmẹnya.

Ẹbụ-ọma 86:10

Makẹni ị wụ onyẹ-uku, y'a rụnzịkwọ ọrụn-atụmẹnya; ịyụ sụọ wụ Chuku.

Ẹkịliziastisi 3:11

O mẹgụọ ihiẹn ile a rị mma ogẹn wẹ ru. O bugụọ iroro ihiẹn ile rị ihun che ịhịan obi bụ ịhịan asakọ ẹka ghọtachanrịn ihiẹn Chuku rụn gha mbidọn d'e ru ọgụgụ.

Azaya 40:28

Y'a marịn? Y'e ke nụ? Osolobuẹ wụ Chuku hụn rị jẹnrin ejẹn, Onyẹ hụn ke ebe ile ụwa ru. Ndụn agụkọ a, ẹhụ arọkọ a, onwọnni onyẹ marịn kẹ nghọta a han.

Ndị Rom 11:33

Euu! Osolobuẹ e mẹkẹnmẹkẹ ọdanfịn! Amamihiẹn ẹ lẹ akọ-lẹ-uche ẹ e mikẹ! W'a ra saẹka ghọta iroro ẹ! W'a ra saẹka ghọta k'o mẹ!