Jobu 5:5 - Ika

⁵ Ndị ẹgụn e ripụ ihiẹn-ugbo ẹ, kẹ hụn ogun fịfịmadẹ; ọ hụ a gụn wẹ kẹ mirin nị wẹ weridẹ akụ-lẹ-ụba a.

Jobu 5:5 ပူးပေါင်းရင်းမြစ်များ

Ihiẹn Mẹni Nke Ẹbụọ 33:11

Ya Osolobuẹ nọ wẹhẹni wẹ ndị-isi agha eze Asiria lẹ ndị-agha wẹ d'e mẹ wẹ ihiẹn; wẹ nọ nwụnrụn Manasẹ, bu ukpo che ẹ imi, gi aba igwe-bronzu kpọdọn ẹ, we ẹ shi Babilọnụ.

Jobu 1:15

ndị Sabia nọ zụnbanhan, kpọnrin wẹ, gi ọpịa gbu idibo i — mmẹ sụọ wanahịn d'a gwa ị.”

Jobu 1:17

Odibo hụ eke kugụ kẹ onyẹ ọzọ bịazị, sị, “Ndị Kal'di alị Babilọnụ dọn enwẹn wẹ itu ẹtọ zụnbanhan igunrun anyịnyan-mkpukpuke i, kpụnrụn wẹ, gi ọpịa gbuchanrịn idibo i. Mmẹ sụọ wanahịn d'a gwa ị.”

Jobu 12:6

Bụ ihiẹn ara mẹ ndị ohin lẹ ụlọ wẹ, onwọnzikwọnị ihiẹn e mẹ ndị a kpasu Osolobuẹ iwe — ndị hụn sị nị ẹka wẹ mẹni wẹ, nị ẹlẹ Chuku.

Jobu 2:3

Ya Osolobuẹ nọ jụ Ekwensụ, “Y'e lekpọgụọ odibo m wụ Jobu? Onwọnni onyẹ nọ kẹ ya elu ụwa; onyẹ ezioku k'ọ wụ; onwọn nkọrịanị; ọ tụ egun Chuku, ara gi eje-ihiẹn mẹ ẹhụ. Echẹn k'o gikwọ hụn o gi, ọ sụọn'a nị i te nu m nị m tikpọ a bụ onwọnni ihiẹn o mẹ.”

Jobu 20:15

O k'a jụpụha akụ-lẹ-ụba o lue; Chuku k'e mẹ ẹfọ a gbọpụha wẹ.

Jobu 20:22

Ebe ẹfọ nọ junchanrịn a kẹ nsọngbu k'a nọ kunrun ẹ; eje-ụya k'o k'a hụn.

Jobu 22:10

Ịya haịn ọnyan gi fihunmẹ i, ya haịn egun eje-ihiẹn e mẹ idẹnmizi gi a tụgbu i,

Ẹbụ-ọma 109:11

Ndị-ụgwọ wẹ shin'ẹ ọnyan kwarị ihiẹn ile o nwọn; ndị ọ marịnlẹni wẹ kpọnrin ihiẹn ẹ ile.

Azaya 62:8

Osolobuẹ e kunọlẹ ẹka-ihiẹn ẹ, ẹka a hụn a kpa ikẹn, sị, “Onwọnzini ogẹn m'e gi bu ihiẹn-ugbo ị rụn ye ndị iṅẹnrẹn i ri; onwọnzini mgbe ndị alị ọzọ e gi narịn ị manya-ọhụn ị ta afụnfụn a,

Jerimaya 51:34

“Ndị Jerusalẹm sị, ‘Eze Babilọnụ e bugụọ ẹnyi ri; o bugụọ isusu tọnị ẹnyi, bu ẹnyi tọ nọkẹ okpokoro mkpu; o luepụgụọ ẹnyi lekẹ eje-anụ ohimin, o rigụọ ihiẹn ile wẹ a chọ rị ẹnyi ẹhụ rijun ẹfọ; ọ jụpụgụọ ẹnyi.’

Jerimaya 51:44

M jẹnkọ d'e ye Bẹlụ mmọn Babilọnụ afụnfụn, mẹ ẹ gbọpụ ihiẹn o lue. Alị ile erujẹnkọzị ebe ọ rị. Mgbọn Babilọnụ k'a dan!

Ẹkwan 2:16

Ndị-iṅẹnrẹn i ile hụ a mụ ị ẹmụ, a sị ị “Ọṅọị!” Wẹ hụ e ru i imi, a tan'ị nkwẹnrẹn-eze, a sị, “Ẹnyi e luepụgụọ a. Ọnwan wụ ụhụọhịn ahụn ẹnyi rị e che; ẹnyi a hụngụọ a nwan!”

Ẹkwan 2:5

Osolobuẹ e mẹgụọ kẹ eṅẹnrẹn; o luepụgụọ Izrẹlụ. O luepụchanrịngụọ obi-eze ile rịn'a, tikpọpụ ebe ile rịn'a w'a gbaban. O mẹgụọ ẹkwan lẹ ịkwan-ụya waye imẹ Nwagbọọ wụ Juda.

Hosia 8:7

“A kụngụọ wẹ ufere, ẹbi kẹ w'a ghọrị! Ọka wẹ kụn ebuni mban, o wepụhakọnị wẹ ihiẹn-oriri; o wepụhadẹ, itunmuye k'e ripụ a.

Ditrọnọmi 28:33

Ndị ị marịnlẹni k'e ri ihiẹn gha alị ị pụha, ihiẹn ẹka ị rụnpụha. Onwọnni ihiẹn ị k'a hụn karị eje-mmẹkp'ẹhụ y'e we nwụn.

Ditrọnọmi 28:51

Ndị-agha wẹ k'e ripụ ụmụ anụ ụnụ lẹ ihiẹn ụnụ kụn ugbo ụnụ, d'e ru n'e tikpọchanrịn wẹ ụnụ. Alatọkọnị wẹ ụnụ ọka ọwụlẹ mọbụ manya ọhụn mọbụ ofugbọn-olivu mọbụ ụmụ-efin mọbụ ụmụ-atụnrụn lẹ ụmụ-ewu ụnụ e we lachanrịn iwi.

Ndị Han Eṅẹn 6:11

Ya mmọn-ozi Osolobuẹ nọ bịa, nọdị alị ukun osisi okuu hụ rị Ọfra hụn wụ nke Jụashị onyẹ Abiẹza, ebe nwa Jụashị wụ Gidiọnụ warị ebe wẹ a nọ a pịnpụha manya vaịnị a kụkpọ ọka-witi, makẹ ndị Midianị gha a hụn ọka hụ.