Jobu 5:13 - Ika

¹³ O gi ihiẹn ndị akọ romẹ a nwụn wẹ, ndị ẹro zugụ umẹ, o mẹ ẹ la iwi.

Jobu 5:13 ပူးပေါင်းရင်းမြစ်များ

Samuẹlụ Nke Ẹbụọ 15:31

A gwagụọ wẹ Defidi, sị, “Ahitofẹlụ rị ndị wẹ lẹ Absalọm gba zun'i umẹ.” Defidi nọ mẹ ekpere, sị, “Osolobuẹ dodo, mẹ ndụnmọdụn ọwụlẹ Ahitofẹlụ jẹnkọ d'e ye wụrụ nzuzu.”

Samuẹlụ Nke Ẹbụọ 15:34

Kanị, ị lakin Jerusalẹm, sị Absalọm, ‘Agụ, m jẹnkọ d'e fe i; e fegụọ m nẹdi i, kanị ịyụ kẹ m sikọ nwan d'e femẹ,’ ebẹhụ kẹ y'a nọ kpayịyanị m ndụnmọdụn Ahitofẹlụ jẹnkọ d'e ye.

Samuẹlụ Nke Ẹbụọ 17:23

Mgbe Ahitofẹlụ gi hụn a nị egini wẹ ndụnmọdụn a rụn ọrụn, ọ nọ nyinrin jaki ẹ, shi iwe ẹ rị obodo wẹ wụ Gilọnụ. O dọnmẹgụ ikpụlọ a ọhụnma, ọ nọ hogbu enwẹn ẹ. Ẹrịra k'o dọn nwụnhụn, wẹ nọ li ẹ ebe wẹ li nẹdi ẹ.

Ẹsta 7:10

Ya kẹ wẹ nọ gi ihiẹn Hamanị rụntọ n'o gi hogbu Mọdikaya, hogbu Hamanị lẹ enwẹn ẹ. Olulu eze nọ rọ.

Ẹsta 9:25

Kanị, mgbe Ẹsta gi jẹnburu eze, eze nọ ti iwu, detu ẹ, sị wẹ hụn a nị eje-ihiẹn ahụn Hamanị romẹni ndị Ju nọ isi ẹ bi, sịzịkwọ wẹ hogbu Hamanị, kọn ẹhụ ụmụ a ikẹnnyẹ ye ihiẹn wẹ gi e hogbu ịhịan.

Jobu 15:5

Njọ ị rị e mẹ ọnụ ị e ku ihiẹn ọ rị e ku; ị rị e ku kẹ ndị ẹro.

Jobu 37:24

Ya kẹ ịhịan ile gi a tụ egun ẹ, makẹni onwọnni ihiẹn ọ kpọ ndị ro n'a marịnka wẹ ihiẹn.”

Ẹbụ-ọma 18:26

onyẹ shịapụchanrịnn'ị ẹfọ, y'a shịapụchanrịnn'a ẹfọ; kanị, onyẹ gi ẹro sọn i, y'e gi uche sọn ẹ.

Ẹbụ-ọma 9:17

Ọnwụn wụ nke ndị-njọ — alị ile hụn zọ Osolobuẹ.

Itẹn 3:32

makẹni ize kẹ onyẹ ghẹrẹ-ghẹrẹ-ghẹrẹ e zedẹ Osolobuẹ, kanị nke onyẹ e dọnmẹ ẹka a ọchan, Osolobuẹ a gwad'a uche ẹ.

Azaya 19:3

Ndụn k'a gụchanrịn ndị Ijiptu — makẹni m k'e wiwipụ ihiẹn wẹ rotọ; wẹ k'e buru mmọn ndị hụ wẹ kpụ lẹ ndị-mmọn d'a jụ wẹ ihiẹn wẹ k'e mẹ, kẹ ndị a gba ẹfa kẹ ndị wẹ lẹ ndị-mmọn gba e ku.

Azaya 44:25

Mmẹ haịn ndị-amụma ntụ gi e ku ọzọ, ọzọ e mẹ, e mẹ ndị a hụn-ụzọ a nọ kẹ ndị ẹwobi; mmẹ haịn o gi arụnahịn ndị marịn ihiẹn, ihiẹn wẹ marịn e họnrin ihiẹn nwọnlẹni isi.

Jerimaya 18:18

O nwọn ndị sị, “Bịa nị, nị ẹnyi chọ ihiẹn ẹnyi e mẹ Jerimaya, makẹni, ẹnyi e nwọnghọ ndị nchụn-ẹjan a kuzi ẹnyi Iwu lẹ ndị marịn ihiẹn hụn a dụn ẹnyi ọdụn lẹ ndị-amụma e ku ọnụ Osolobuẹ. Pụha nị, nị ẹnyi gi ọnụ gbu ẹ; nị ẹnyi gọnbehi ni ntịn ihiẹn ọ rị e ku!”

Jerimaya 49:7

Nke alị Ẹdọm, lee ihiẹn Osolobuẹ ihiẹn ile rị okpuru ẹ ku: “Ndị marịn ihiẹn arịzịdẹ nwan imẹ Tẹmanị rị alị Ẹdọm ra? Ndị marịn ihiẹn rịn'a amazị ye ezigbo ndụnmọdụn ra? Amamihiẹn wẹ ile e wiwigụọ?

Jerimaya 8:8

Nanị ụnụ e dọn sị, “Ẹnyi a marịnghọ ihiẹn; Iwu Osolobuẹ hụ ebeni.” Bụ ndị-ntụ hụn a kuzini ụnụ ya e bugụọ a isi kpọma alị?

Jerimaya 8:9

Ndịnị ụnụ sị marịn ihiẹn jẹnkọ d'a fa! Ndụn k'a gụ wẹ; wẹ k'a danban ọnyan. Ebe o mẹni a jụgụọ wẹ oku Osolobuẹ, elee amamihiẹn kẹ wẹ nwọnzi?

Jerimaya 9:22

Sị wẹ, “Osolobuẹ sị: ‘Ozun ịhịan jẹnkọ d'e jun ụzọ ile nọkẹ nsịn-efin rịsọnmẹ ogige; wẹ k'e jun alị kẹ ọka wẹ betọsọnmẹ alị hụn wẹ kelẹni kpọnkikomẹ.’ ”

Ọgụngụn 22:25

Ogẹn jaki ahụn gi hụnzị mmọn-ozi Osolobuẹ, ọ nọ nyankụnma mgbọn, bịan Balaam ụkụ limẹn'ẹ. Ya Balaam nọ fịanzị a ihiẹn.

Luku 1:51

Ọ tịnpụgụọ ẹka a, kpa ikẹn, kpọnyịya ndị mpache lẹ ihiẹn wẹ rị e ro.

Ndị Kọrẹntị Ibuzọ 3:19

makẹni amamihiẹn ụwanị wụ nzuzu ẹnya Osolobuẹ. Ya haịn Ẹkụkwọ-nsọ gi sị, “Ọ nwụndọn ndị marịn ihiẹn lẹ ẹro wẹ.”