Jobu 5:11 - Ika

¹¹ O bushi ndị e welụa enwẹn wẹ alị elu. O wepụha ndị rị a kwannị imẹ nsọngbu.

Jobu 5:11 ပူးပေါင်းရင်းမြစ်များ

Jobu 22:29

Wẹ wetu ịhịan alị, nị y'a sị, ‘Weli wẹ!’ Chuku a zụọ onyẹ ahụn wẹ welụa alị.

Jobu 36:7

Ẹnya a ara pụ ebe ndị ezi-omumẹ rị; o mẹ wẹ e sọn ndị nze a kị, e ye wẹ ọghọ jẹnrin ejẹn.

Jobu 8:7

Ihiẹn ile ị wụ mbụ k'a nọkẹsị onwọnni ihiẹn wẹ wụ, makẹni o k'a masịn'ị ọda-ọda ihun.

Ẹbụ-ọma 107:41

kanị ọ gbapụha ndị ụya rị e ri imẹ eje-ọnọdị, mẹ ikpụlọ wẹ ba ụba rịkẹ ihiẹn-uriri.

Ẹbụ-ọma 113:7

Ọ gha imẹ uzunzun e weli ogbẹnnyẹ; ọ gha ikpọn-ntụn e buli ndị elu rị a fụ,

Ẹbụ-ọma 91:14

Osolobuẹ sị, “Makẹni ihiẹn m sụọ a, m k'a zụọpụha a, bu ẹ dọnmẹ ebe eje-ihiẹn jẹnkọlẹni d'e ru ẹ ẹhụ makẹni ọ marịnghọ ẹfan m.

Izikẹlụ 17:24

Osisi ile rị ọfịa k'e gi ẹ marịn nị mmẹ wụ Osolobuẹ e welụa okẹn-osisi alị, e mẹ hụn mẹ ẹkẹrẹ e sueshi elu; m'e mẹ osisi ndụn a kpọ nkụn, e mẹ osisi ọkpọ-nkụn e du. Mmẹ wụ Osolobuẹ e kuọl'a; m k'e m'ẹ.’ ”

Luku 6:21

Ngọzi wụ nke ụnụ, ndị ẹgụn rị a gụn ogẹnni, makẹni ẹfọ k'e jun ụnụ! Ngọzi wụ nke ụnụ ndị rị a kwan ẹkwan ogẹnni, makẹni ụnụ sikọ d'a mụ ẹmụ.

Ditrọnọmi 33:27

Chuku rị ẹdẹi wụ igungun, ẹka itẹbitẹ ẹ hụ okpuru. O k'a chụpụnị ụnụ ndị iṅẹnrẹn ụnụ, a sị, ‘Tikpọ a!’

Jemisi 1:9

Ogbẹnnyẹ kwerini Kraịstị ya ghọghọma nị Osolobuẹ e bushigụọ a elu;

Pita Ibuzọ 1:3

Ọjịja-mma ya rịnị Osolobuẹ hụn wụ Chuku lẹ Nẹdi Onyẹ-nwọnni-ẹnyi wụ Jizọs Kraịstị! O gigụọ okẹn omikẹn ẹ mụdọnzi ẹnyi, mụ ẹnyi ye imẹ olilẹnya ọhụn rị ndụn ghahanị ịgha ọnwụn weli Jizọsị.

Pita Ibuzọ 5:10

Kanị, ụnụ tagụ afụnfụn ẹkẹrẹ ogẹn, Osolobuẹ onyẹ okẹn ẹfọma, hụn kpọ ụnụ d'e du ẹ nwọnrin ọghọ-itẹbitẹ ẹ hụn rị imẹ Kraịstị Jizọsị, k'e dọnzichanrịn nị ụnụ ihiẹn wiwini, mẹ ụnụ turu, mẹ ụnụ ze, mẹ ukun ruchanrịn ụnụ alị.