Jobu 42:9 - Ika

⁹ Ya Ẹlifazị onyẹ Tẹmanị, Bidadị onyẹ Shu lẹ Zofa onyẹ Naama nọ mẹ ihiẹn Osolobuẹ sị wẹ mẹ; Osolobuẹ nọ gi ufiri Jobu kweri ihiẹn Jobu rịọ.

Jobu 42:9 ပူးပေါင်းရင်းမြစ်များ

Jẹnẹsisi 20:17

Ebraham nọ nwan mẹ ekpere, kpọku Osolobuẹ, Osolobuẹ nọ zụọ Abimẹlẹkị, zụọzịkwọ nwunyẹ ẹ lẹ igbọn ẹ ikpoho, wẹ nọ mụma ụmụ —

Jobu 2:11

Ogẹn ndị ọwụ Jobu ẹtịtọ wụ Ẹlifazị onyẹ alị Tẹmanị lẹ Bidadị onyẹ alị Shu lẹ Zofa onyẹ alị Naama gi nụ nsọngbu ile kunrunn'ẹ, ya wẹ nọ ghasọnmẹ iwe wẹ buli. Wẹ nọ zu, kweri ni wẹ d'e kele ẹ, rọkọ a obi.

Jobu 22:27

I mẹ ekpere kpọku ẹ, ọ nụ olu i; yụ nwẹn k'e mẹzu nkwa ndị i kwe ẹ.

Jobu 22:30

O k'a gbapụhadẹ onyẹ ẹka a rịlẹni ọchan, o k'a gbapụha a makẹni ẹka ị rị ọchan.”

Jobu 42:10

Ogẹn Jobu gi mẹgụnị ndị ọwụ a ekpere, Osolobuẹ nọ mẹ ihiẹn rịzịnị Jobu mma, yekinchanrịn a ihiẹn ile o nwọn mbụ ụzọ ẹbụọ-ẹbụọ.

Jobu 42:8

Weri ni nwan okẹn-efin ẹsa lẹ ebulu ẹsa d'e kunrun odibo m wụ Jobu; gi ni wẹ chụnnị enwẹn ụnụ ẹjan w'a dụn ọkụn — odibo m wụ Jobu e mẹni ụnụ ekpere, e gi m ufiri Jobu nụ ekpere hụ, amamgbe m'e ye ụnụ afụnfụn makẹ nzuzu ụnụ zuzu — makẹni ụnụ ekuni ihiẹn ụnụ ku banyeni m ọhụnma, kẹ odibo m wụ Jobu dọn ku.”

Ẹkịliziastisi 9:7

Gi nwan anwịnrịn rimẹ ihiẹn-oriri i, y'e gi ịghọghọ rama manya ị, makẹni Chuku a kwadọngụọ a.

Azaya 60:14

Ụmụ ndị te bịangbu ụnụ k'a bịa d'a kụnị ụnụ isi-alị; ndị ile e legberi ụnụ k'a kụzịkwọnị ụnụ isi alị; wẹ k'a kpọ ụnụ Obodo Osolobuẹ, Zayọnụ hụn wụ nke Onyẹ-nsọ alị Izrẹlụ.

Izikẹlụ 14:14

ọsụọkwọn'a nị madụ ẹtọnị rị alị hụ, Nụa lẹ Danẹlụ lẹ Jobu, enwẹn wẹ sụọ kẹ ezi-omumẹ wẹ k'a saẹka zụọpụha. Ya kẹ Osolobuẹ Nwọn Ihiẹn Ile ku.

Matiu 7:24

“Ya wụ, onyẹ nụ ihiẹn ndịnị m rị e ku, gi wẹ bi, hụnyẹ lẹ onyẹ marịn ihiẹn hụn tụn ụlọ a ye elu ọmụma wụ ohu:

Jọnụ 2:5

Nnẹ ẹ nọ sị ndị rị e jẹn ozi, “Ihiẹn ọwụlẹ ọ sị ụnụ mẹ, ụnụ e mẹ.”

Ọrụn Ndị-ozi 10:33

Ya m nọ zi wẹ d'a kpọ ị ozigbo. Y'e mẹkẹ i gi bịa. Ẹnyi ile rị nwan ihun Osolobuẹ ebeni kẹni ẹnyi nu ihiẹn ile Di-nwọnni-ẹnyi sị ị gwa ẹnyi.”

Ọrụn Ndị-ozi 9:6

Ka lihi nwan n'ị banye imẹ obodo; wẹ k'a gwa ị ihiẹn i k'e mẹ.”

Hibru 11:8

Okukwe kẹ Ebraham gi kweri ogẹn Osolobuẹ gi kpọ a, sị a shi ebe o jẹnkọ d'e ye ẹ; ọ nọ jẹnmẹ bụ ọ marịn ebe o jẹnkọ.