Jobu 42:8 - Ika

⁸ Weri ni nwan okẹn-efin ẹsa lẹ ebulu ẹsa d'e kunrun odibo m wụ Jobu; gi ni wẹ chụnnị enwẹn ụnụ ẹjan w'a dụn ọkụn — odibo m wụ Jobu e mẹni ụnụ ekpere, e gi m ufiri Jobu nụ ekpere hụ, amamgbe m'e ye ụnụ afụnfụn makẹ nzuzu ụnụ zuzu — makẹni ụnụ ekuni ihiẹn ụnụ ku banyeni m ọhụnma, kẹ odibo m wụ Jobu dọn ku.”

Jobu 42:8 ပူးပေါင်းရင်းမြစ်များ

Jẹnẹsisi 20:17

Ebraham nọ nwan mẹ ekpere, kpọku Osolobuẹ, Osolobuẹ nọ zụọ Abimẹlẹkị, zụọzịkwọ nwunyẹ ẹ lẹ igbọn ẹ ikpoho, wẹ nọ mụma ụmụ —

Jẹnẹsisi 20:7

Wekinni nwan okẹnnyẹ ahụn nwunyẹ ẹ, makẹni onyẹ-amụma k'ọ wụ; o k'e mẹni i ekpere, y'a rị ndụn. Kanị omẹni y'e wekinn'ẹ azụụn, marịnkwọ n'i sikọ d'a nwụnhụnrịrị, yụ lẹ ndị nke i ile.”

Ihiẹn Mẹni Nke Ibuzọ 15:26

Makẹni Osolobuẹ yeni ndị Livaị hụ bu Ẹkpẹti Nkwerigbama Osolobuẹ ẹka, wẹ nọ gi okẹn-efin ẹsa lẹ ebulu ẹsa chụnnị Osolobuẹ ẹjan.

Ihiẹn Mẹni Nke Ẹbụọ 29:21

Wẹ nọ wẹhẹ okẹn-efin ẹsa, ebulu ẹsa, ụmụ-ebulu ẹsa, wẹhẹzikwọ mkpịn ẹsa wẹ k'e gi chụn ẹjan-njọ makẹ alị-eze ẹ lẹ Ụlọ-nsọ lẹ alị Juda. Eze nọ sị ndị nchụn-ẹjan hụn wụ ẹbozo Ẹrọnụ d'e gi wẹ chụn ẹjan elu ukpo nchụn-ẹjan Osolobuẹ.

Jobu 1:5

Ụmụ Jobu rigụ oriri ndị ahụn, Jobu e zi ozi kpọ wẹ, fepụ wẹ ẹhụ kẹ Osolobuẹ dọn ku. Ụz'ụtụntụn biribiri ọ chụnnị onyẹ-onyẹ imẹ wẹ ẹjan w'a dụn ọkụn — makẹni, o ru ọ sị enwẹn ẹ, “Onyẹ maị kẹ ụmụ m e mẹgụọ njọ, kpọ Chuku iyi imẹ obi wẹ.” Ẹnịna kẹ Jobu e mẹ ogẹn ile.

Jobu 1:8

Ya Osolobuẹ nọ sị Ekwensụ, “Y'e lekpọgụọ odibo m wụ Jobu? Onwọnni onyẹ nọ kẹ ya elu ụwa; onyẹ ezioku k'ọ wụ; onwọn nkọrịanị; ọ tụ egun Chuku; ara gi eje-ihiẹn mẹ ẹhụ.”

Jobu 22:30

O k'a gbapụhadẹ onyẹ ẹka a rịlẹni ọchan, o k'a gbapụha a makẹni ẹka ị rị ọchan.”

Jobu 35:8

Ịhịan nọ kẹ ịyụ sụọ kẹ njọ ị e mẹtụ; Ịhịan sụọ kẹ mma e mẹtụ.

Jobu 42:9

Ya Ẹlifazị onyẹ Tẹmanị, Bidadị onyẹ Shu lẹ Zofa onyẹ Naama nọ mẹ ihiẹn Osolobuẹ sị wẹ mẹ; Osolobuẹ nọ gi ufiri Jobu kweri ihiẹn Jobu rịọ.

Ẹbụ-ọma 103:10

Onwọnni ogẹn o gi mẹ ẹnyi ihiẹn hankẹ njọ ẹnyi, mọbụ mẹgwarị ẹnyi kẹ njọ ẹnyi han.

Ọpụpụ 18:12

Ya Jẹtro nẹdi nwunyẹ Mozizi nọ wẹhẹ anụmanụ, gi ẹ chụnyeni Chuku ẹjan w'a kpọ ọkụn lẹ ẹjan ndị ọzọ; Ẹrọnụ lẹ ndị-ichẹn Izrẹlụ ile nọ bịa d'e du nẹdi nwunyẹ Mozizi ri ihiẹn-oriri ihun Chuku.

Azaya 60:14

Ụmụ ndị te bịangbu ụnụ k'a bịa d'a kụnị ụnụ isi-alị; ndị ile e legberi ụnụ k'a kụzịkwọnị ụnụ isi alị; wẹ k'a kpọ ụnụ Obodo Osolobuẹ, Zayọnụ hụn wụ nke Onyẹ-nsọ alị Izrẹlụ.

Jerimaya 14:11

Osolobuẹ nọ sị m: “Emẹkwọlẹ ekpere n'ọ rịnị ndịnị mma.

Jerimaya 15:1

Osolobuẹ nọ sị m: “Ọsụọn'a nị Mozizi lẹ Samuẹlụ turu ihun m a rịọ m, omikẹn ndịnị emẹkọ m. Sị wẹ gha m ihun pụ! Wẹ jẹnmẹ!

Izikẹlụ 14:14

ọsụọkwọn'a nị madụ ẹtọnị rị alị hụ, Nụa lẹ Danẹlụ lẹ Jobu, enwẹn wẹ sụọ kẹ ezi-omumẹ wẹ k'a saẹka zụọpụha. Ya kẹ Osolobuẹ Nwọn Ihiẹn Ile ku.

Izikẹlụ 45:23

Ọrọgbọ akpọhịn ẹsa ahụn wẹ gi e mẹ mmẹmmẹ ahụn, onyẹ-ọkịkị sikọ d'e wẹhẹ okẹn-efin ẹsa lẹ ebulu ẹsa ẹhụ wẹ zu oke ụhụọhịn-ụhụọhịn. Wẹ k'e gi wẹ chụnyeni Osolobuẹ ẹjan w'a dụn ọkụn. O k'e wẹhẹ wẹ lẹ mkpịn wẹ e gi chụn ẹjan-njọ.

Ọgụngụn 23:1

Balaam nọ sị, “Mẹmẹni m ukpo ẹsa w'a nọ chụn ẹjan ebeni, ụnụ a kwademẹni m efin ẹsa lẹ ebulu ẹsa.”

Ọgụngụn 23:14

Ọ nọ w'ẹ shi ogige Zofim hụn rị mkpọnụnụ ugu Pisga, nọ ebẹhụ mẹmẹ ukpo nchụn-ẹjan ẹsa, gi efin ohu lẹ ebulu ohu chụnyesọnmẹ ẹjan elu ukpo nchụn-ẹjan ndị ahụn.

Ọgụngụn 23:29

Balaam nọ sị, “Mẹmẹ ni m ukpo nchụn-ẹjan ẹsa ebeni, y'a kwademẹni m efin ẹsa lẹ ebulu ẹsa.”

Matiu 3:17

Ya kẹ olu nọ gha elu-igwee sị, “Ọnwan wụ ezi Nwa m, hụn ihiẹn ẹ a sụọ m ọhụnma-ọhụnma.”

Ndị Ẹfẹsọsụ 1:6

Osolobuẹ mẹ ẹ kẹni wẹ ja Osolobuẹ mma o gi mẹni ẹnyi okẹn ẹfọmanị ghahanị ezi Nwa a!

Timoti Nke Ẹbụọ 4:14

Alẹzanda hụn a kpụ ụzụn kọpa mẹ m eje-ihiẹn ọda-ọda. Di-nwọnni-ẹnyi jẹnkọ d'a kụ a ụgwọ ihiẹn o mẹ.

Hibru 10:4

makẹni ẹdeke okẹn-efin lẹ ewu as'ẹka wepụ njọ.

Hibru 7:25

Ufiri ẹ, k'o gi a sa ẹka a zụọpụha ndị ghaha ẹka a d'e kunrun Osolobuẹ, a zụọpụha wẹ d'e ru isi ẹ, makẹni ọ rịsọnmẹ ndụn, a rịọdọnni wẹ Osolobuẹ.

Jemisi 5:14

Onyẹ kẹ emu rị a kụ imẹ ụnụ? Ya kpọ ndị-isi ụka nị wẹ mẹn'ẹ ekpere, gi ẹfan Di-nwọnni-ẹnyi tankpu ẹ udẹn-olivu.

Jemisi 5:16

A gwaghọsị nị nwan ibe ụnụ njọ ụnụ mẹ, e mẹni ni ibe ụnụ ekpere, kẹni ụnụ hụn ụzọ dịnhịn. Ekpere onyẹ ezi-omumẹ nwọn ikẹn ọda-ọda; ọ rụnka.

Jọnụ Ibuzọ 5:16

Onyẹ hụn nwẹnẹ ẹ k'ọ rị e mẹ njọ, njọ hụn ghalẹni ẹ buhẹ ọnwụn, ya mẹn'ẹ ekpere, Chuku k'e ye nwẹnẹ ẹ hụ ndụn — ọnwan wụ nke ndị hụn mẹ njọ ghalẹni e buhẹ ọnwụn. Njọ e buhẹ ọnwụn rị arị: asịnị m ụnụ mẹni onyẹ mẹ ọhụn ekpere.

Jọnụ Ibuzọ 5:6

Jizọs Kraịstịnị gi mirin lẹ ẹdeke ghọsị onyẹ ọ wụ. Ẹlẹ mirin sụọ, kanị mirin lẹ ẹdeke. Mmọn-nsọ lẹ enwẹn ẹ rị a shịa ẹrini, makẹni Mmọn-nsọ wụ Onyẹ ezioku.

Rẹvẹleshọnụ 3:9

“Lee ẹ! M k'e wẹhẹ ndị ụlọ-ofufe Ekwensụ ahụn, ndị ntụ ahụn a kpọ enwẹn wẹ ndị Ju bụ ẹlẹ wẹ ndị Ju, a bịa wẹ ụkụ ị d'a kụnị ị isi alị, kẹni wẹ hụn ụzọ marịn nị ihiẹn i sụọ m.

Samuẹlụ Nke Ibuzọ 25:35

Ya Defidi nọ narịn a ihiẹn ndị ahụn o buhẹ, sị a, “Ihiẹn emẹ i; a la. A nụgụọ m ihiẹn i ku, e kwerigụọ m.”