Jobu 4:19 - Ika

¹⁹ kị wụzị ịhịan hụn bi ẹhụ wẹ gi ụrụa kpụ, ẹhụ wẹ gi uzunzun gbe iyetọ a, hụn kadẹ nfe ogwepịa karị akpụkpa?!

Jobu 4:19 ပူးပေါင်းရင်းမြစ်များ

Jẹnẹsisi 18:27

Ebraham nọzị sị, “Ebe o mẹni a gwamagụọ m Di-nwọnni-ẹnyi oku, mmẹ hụn wụhụ ẹjan lẹ ntụn, nị m kumẹ nwan.

Jẹnẹsisi 2:7

Ya kẹ Osolobuẹ wụ Chuku nọ gi ẹjan rị alị kpụ ịhịan, ọ nị kwọn uzun wẹ gi a rị ndụn ye ẹ imi, ịhịan nọ wụrụ onyẹ rị ndụn.

Jẹnẹsisi 3:19

Ọbanje k'e sugụ ị i kebe hụn ihiẹn-oriri d'e ru mgbe i kin azụụn imẹ alị — makẹni alị kẹ m nọ weri i: ẹghẹẹ, ẹjan kẹ ị wụ; ẹjan kẹ y'a la.”

Jobu 10:9

Nyanhan n'ị kpụ m kẹ w'a kpụ ụrụa. N'i gizi m nwan họnrin uzunzun?

Jobu 13:12

Itẹn ile ụnụ rị a kpa wụhụ ntụn; Ikpe ụnụ rị e kin ezekarịnị ite-ụrụa.

Jobu 13:28

Ịhịan hụ a la iwi nọkẹ ihiẹn rehini, nọkẹ ẹkwa ẹkịka ri.

Jobu 14:2

Ọ pụha kẹ obobo, o shinwụn; ọ tọhụ ẹkẹrẹ kẹ onyinyọn, ọ ra tọ.

Jobu 22:16

Wẹ gi ufiri ẹ wepụ wẹ ebe ogẹn wẹ kelẹni ru, ide-mirin nọ huru iyetọ wẹ.

Jobu 25:6

kị wụzị ịhịan, hụn wụhụ ọhọrị — onyẹ ịhịan mụ, hụn wụhụ ndidọn.”

Jobu 33:6

Mmẹ lẹ ịyụ wụ ohu ẹnya Chuku; ẹjan kẹ wẹ gizi mẹmẹ mmẹ nwẹn.

Ẹbụ-ọma 146:4

Makẹni, mmọn ịhịan pụhụ, ịhịan e họnrinzi ẹjan, ihiẹn ile o romẹ a la iwi.

Ẹbụ-ọma 39:11

Y'e gi ufiri njọ ịhịan a jụgbọ wẹ, e ye wẹ afụnfụn; y'e ripụ ihiẹn wẹ kpatọ lekẹ ẹkịka — onyẹ-onyẹ wụhụ uzun mmaka. Sẹla

Ẹkịliziastisi 12:7

ẹjan a lakin anị ọ gha pụha, umẹ-ndụn a lakin ebe Chuku yen'ẹ rị.

Ndị Kọrẹntị Nke Ẹbụọ 4:7

Kanị Osolobuẹ buche ọrụn oziọmanị rị okẹn mkpa imẹ ẹnyi, ẹnyi ndị wụhụ ite-ụrụa e tikpọnị, kẹni o we ẹnya nị ikẹnni pụ-ichẹn ẹnyi gi a rụn a wụ nke Osolobuẹ, n'ọ ghanị ẹka ẹnyi bịa.

Ndị Kọrẹntị Nke Ẹbụọ 5:1

Makẹni ẹnyi a marịnghọ nị wẹ tikpọ ẹhụ ẹnyini, ọdụnị ẹnyi bi imẹ ẹ imẹ ụwanị, ẹnyi e nwọnghọ ụlọ Osolobuẹ tụn, ụlọ wẹ gilẹni ẹka tụn hụn rị imẹ elu-igwee, ụlọ hụn k'a rị jẹnrin ejẹn.

Pita Ibuzọ 1:24

Makẹni, Ẹkụkwọ-nsọ sị, “Ịhịan ile nọhụ kẹ ẹfịfịa; ọghọ ile rị ịhịan ẹhụ nọhụ kẹ obobo ẹfịfịa. Ẹfịfịa shinwụn, obobo a danpụ!