Jobu 27:2 - Ika

² “Ma Chuku hụn jụ n'ọ hankọnị m eṅẹn; ma Onyẹ hụ Nwọn Ikẹn Ile hụn ye m ụyanị m rị e ri:

Jobu 27:2 ပူးပေါင်းရင်းမြစ်များ

Samuẹlụ Nke Ẹbụọ 2:27

Jụabụ nọ sị, “Ma Chuku, omẹni ẹlẹ hụn i ku ẹ, nkẹ a chụ wẹ umunẹ wẹ eki e we fọn.”

Ndị-nze Nke Ibuzọ 17:1

Ya kẹ Ẹlaịja onyẹ obodo Tishibẹ alị Gilẹdị nọ sị Eze wụ Ehabụ, “Ma Osolobuẹ wụ Chuku Izrẹlụ hụn m wụ onyẹ-ọrụn a, igirigi eziẹnkọ, mirin ezuekọ d'e ru ahụa m sị a mẹ!”

Ndị-nze Nke Ibuzọ 18:15

Ẹlaịja nọ sị a, “Ma Osolobuẹ nwọn ikẹn ile, hụn m rị e fe, m jẹnkọ d'e kunrunrịrị Ehabụ tannị.”

Ndị-nze Nke Ẹbụọ 4:27

Ogẹn o gi ru ebe odibo Osolobuẹ wụ Ẹlaịsha rị, ọ nọ fiedọn ẹ ụkụ. Gẹhazi nọ bịa n'o nupụ a. Kanị odibo Osolobuẹ nọ sị a, “Hapụ a ye! O nwọn ihiẹn rị a fụn'a ọda-ọda, kanị Osolobuẹ zuemẹni m'ẹ, Osolobuẹ eke gwa m ihiẹn ọ wụ.”

Jobu 10:3

Ọ sụọdẹ i nwan asụọ n'ị bịangbu ịhịan ra, e lelịa ihiẹn hụn i ke — bụ ị hụ a mụyeni eje-ndị lẹ eje ihiẹn wẹ rị e ro ẹmụ?

Jobu 16:11

Chuku e wegụọ m che ẹka ndị-ejẹ; ọ tụgụọ m ye ẹka ndị ẹfọ jọ.

Jobu 19:6

marịn nị nwan nị Chuku wụ onyẹ hụn mẹ m eje-ihiẹn, dọ ọnyan-ọga a kpu m.

Jobu 23:16

Chuku e mẹgụọ ndụn gụ m; Onyẹ Hụ Nwọn Ikẹn Ile e bugụọ egun che m ẹnya.

Jobu 34:5

Makẹni Jobu sị, ‘Ẹka m rị ọchan, kanị Chuku a hangụọnị m eje-eṅẹn.

Jobu 35:2

“Ọ hụghọ ị mma ẹnya? Ịyụ sị, ‘Ẹka m rị ọchan ebe Osolobuẹ rị.’

Jobu 40:8

Ị rị nwan a sị nị a ma m han eṅẹn ra? N'ị ma m ikpe ebe ị rị e kin nị ẹka ị rị ọchan?

Jobu 9:17

O gi ẹbiri ẹ gweriẹn m, a rụsọnmẹ m ẹhụ bụ onwọnni ihiẹn m mẹ.

Jobu 9:18

Ọ nịkọdẹ m kwọnru alị, kama o gigụọ nsọngbu wụ m ẹhụ.

Azaya 40:27

Kị haịn i gi e ku ẹnịna, ebọn Jekọpụ, kị haịn i gi e dẹnnwịnwịn, Izrẹlụ, a sị, “Osolobuẹ amarịn k'ọ rị m; Chuku m a lagụọ oku m tọ”?

Jerimaya 12:16

Kanị omẹni a mụnarịn wẹ ndị nke m, bimẹ kẹ ndị nke m nke-esi, kunmẹ ẹfan m, a sị, ‘Ma Osolobuẹ’ rịkẹ kẹ wẹ dọn kuzi ndị nke m ikun Baalụ mbụ, a wụrụ wẹ ndị nke m, a gha wẹ ihun.

Jerimaya 4:2

omẹni ụnụ hụ e gi ezioku lẹ ẹka rị mma lẹ ezi-omumẹ a sị, ‘Ma Osolobuẹ’ ụnụ gi e kun ẹfan m ogẹn ahụn alị ndị ọzọ e gi ẹfan Osolobuẹ gọzimẹ ibe wẹ, gi Osolobuẹ nyanma isi.”

Jerimaya 5:2

Ọsụọn'a wẹ kun ẹfan m, ntụ kẹ wẹ rịkwọ a tụ!”

Izikẹlụ 33:11

Sị wẹ nwan nị mmẹ, Osolobuẹ Nwọn Ihiẹn ile, sị, ‘Ma isi m, o mẹkwọ nị ọnwụn eje-ịhịan a sụọ m asụọ! Ihiẹn m chọ wụ n'o bihutọ ẹka, rị ndụn!! Bihutọ nị ẹka! La nị eje-obibi ụnụ tọ! Kị ụnụ ndị Izrẹlụ k'a nwụnnị?’

Ọgụngụn 14:21

Kanị, mmanị m nwụnhụn anwụnhụn, mmanị m wụbehi Osolobuẹ ọghọ a jun ụwa ile —

Rutu 3:13

Nọdị nwan ebeni uhinhinni; eki fọn, n'o kweri n'o k'e wuzon'i, ọ hụ mma, ya mẹ ẹ; kanị ọ sị ọ sakọ ẹka, ma Osolobuẹ, m k'e mẹ ẹ. Dinẹhụ nị eki fọngụ.”

Samuẹlụ Nke Ibuzọ 14:39

Ma Osolobuẹ hụn gbapụha Izrẹlụ, onyẹ mẹ njọ hụ jẹnkọ d'a nwụnrịrị, ọ sụọn'a Jonatanị nwa m rọ!” Kanị onwọnni onyẹ agha ku ihiẹn ọwụlẹ.

Samuẹlụ Nke Ibuzọ 14:45

Kanị wẹ ile nọ buche ọnụ, sị Sọlụ, “Nị Jonatanị nwụnhụn, Onyẹ nwẹn mẹ ihiẹn Izrẹlụ gi nwọnhẹn okẹn mgbapụhanị tannị? O mẹkọ! Ma Osolobuẹ, onwọnni akpụ ntutu ohu rị a isi jẹnkọ d'a dantọ alị, makẹni eyemẹka Osolobuẹ kẹ o gi mẹ ihiẹnni tannị.” Ẹrịra kẹ wẹ dọn zụọpụha Jonatanị, wẹ nọzilẹni gbu ẹ.

Samuẹlụ Nke Ibuzọ 20:21

M k'e zi nwata okẹnnyẹ ohu, sị, ‘Jẹn d'e wẹhẹ ọbara ndị hụ m gba.’ M sị nwata hụ, ‘Lee ẹ, ọbara ndị hụ rị ị azụụnnị; wẹhẹ wẹ,’ y'a pụha, ma Osolobuẹ, ya wụ nị nsọngbu arịa!

Samuẹlụ Nke Ibuzọ 25:26

“Hụnnị o mẹ nwan nị Osolobuẹ anịnị yụ wụ di-nwọnni m gbu ọchụn mọbụ gi ẹka ị mẹgwarị, ma Osolobuẹ, ma isi yụ nwẹn, ndị-iṅẹnrẹn i ile lẹ ndị ile rị a chọ yụ wụ di-nwọnni m njọ wẹ rị kẹ Nabalụ.

Samuẹlụ Nke Ibuzọ 25:34

Makẹni, ma Osolobuẹ wụ Chuku Izrẹlụ hụn haịn m gilẹni rụ ị ẹhụ, omẹni ẹlẹ hụn ị bịakẹnrin d'e kunrun m, o ke nwọn akpụ okẹnnyẹ ohu Nabalụ nwọn nkẹ a rị ndụn d'e ru ụtụntụn eki.”