Jobu 26:11 - Ika

¹¹ Chuku ban mban, ihiẹn ndị gidọn elu-igwee e mẹhunmẹ, makẹni mban a a tụgbu wẹ ẹnya.

Jobu 26:11 ပူးပေါင်းရင်းမြစ်များ

Samuẹlụ Nke Ẹbụọ 22:8

Alị e zinzin, mẹhunmẹ; igwere e mẹhunmẹ ru ebe ọ gha, e mẹhunmẹ ọda-ọda makẹni ize rị e ze ẹ.

Jobu 15:15

Omẹni Chuku egini ndị mmọn-ozi nsọ a dọn ẹnya; omẹni igwere lẹ enwẹn ẹ enwundẹni ẹnya a,

Jobu 26:10

Ịya tumẹ okẹn ye elu mirin; ịya tumẹ ebẹhụ ukpẹ lẹ ishi nọ kebe.

Jobu 26:12

Ikẹn ẹ k'o gi tinyụn ẹbiri-ohimin; amamihiẹn ẹ k'o gi jakịka eje-anụ ahụn wụ Rehabụ.

Ẹbụ-ọma 18:7

Alị e zinzin, mẹhunmẹ; ugu ile nọ zinzinru alị wẹ ile e mẹhunmẹ makẹni iwe we Osolobuẹ!

Nahum 1:5

Ugu hụn a, e mẹhunmẹ wẹ, elu òke hụn a, a rịnranpụ wẹ. Ọ pụha, elu-ụwa a mama piripiri, elu-ụwa lẹ ndị ile rịn'a!

Nahum 1:6

Ọ kpọma ọnụma, onyẹ k'a saẹka turu? Onyẹ k'a saẹka dingbu uwowo olulu ẹ? Iwe lẹ ọnụma a e hupụha rịkẹ ọkụn — Osolobuẹ e tikpọchanrịn ọmụma.

Hagaị 2:21

“Gwa Zerubabẹlụ, gọvanọ alị Juda, sị, ‘M'e d'e mẹhunmẹ elu-igwere lẹ ụwa.

Pita Nke Ẹbụọ 3:10

Kanị Ụhụọhịn Di-nwọnni-ẹnyi lala idẹnmizi nọkẹ ohin. O ru, igwere sikọ d'e gi okẹn ụzụn fopụ, ọkụn a rịnranpụ ihiẹn ile; ụwa lẹ ihiẹn ile ịhịan nọ imẹ ẹ mẹ a pụha ifọn.

Rẹvẹleshọnụ 20:11

Ya m nọ hụn ukpo-eze ọchan hi-ogbe lẹ onyẹ nọdị alị elu ẹ. Ụwa lẹ elu-igwere nọ gbaman'a ọsọ, onwọnzini ebe wẹ k'a nọdị.

Samuẹlụ Nke Ibuzọ 2:8

Ọ gha imẹ uzunzun e weshi ogbẹnnyẹ elu, a gha ikpọn-ntụn e weshi ndị elu rị a fụ elu. O ye wẹ ọnọdị imẹ ndị-isi, e mẹ wẹ e nwọnrin ezigbo ocho. Iyetọ gi ụwanị wụ nke Osolobuẹ, ịya bu ụwanị dọnmẹ elu ẹ.