Jobu 24:9 - Ika

⁹ Ịhịan hụ e weridẹ nwata nẹdi ẹ nwụnhụn wẹ kelẹni ha ẹran; wẹ hụ e gi ụmụ ndị igbẹnnyẹ e fieri ụgwọ.

Jobu 24:9 ပူးပေါင်းရင်းမြစ်များ

Ndị-nze Nke Ẹbụọ 4:1

Nwunyẹ onyẹ ohu rị itu ndị-amụma kwanburuhẹ Ẹlaịsha, sị a, “Odibo i wụ di m a nwụnhụngụọ. Y'a marịnghọ n'ọ gbaye Osolobuẹ ọda-ọda. Kanị, onyẹ o gi ụgwọ lala nwan d'e weri ụmụ m ikẹnnyẹ ẹbụọ n'o gi wẹ họnrin igbọn ẹ.”

Nehemiah 5:5

Umunẹ ẹnyi etuni nị ẹnyi lẹ wẹ wụ ẹhụ ohu lẹ ẹdeke ohu, nị ụmụ wẹ akanị ụmụ ẹnyi mma, w'e d'e mẹ ẹnyi re ụmụ ẹnyi ikẹnnyẹ lẹ ikpoho yeni oku egho; e gigụọdẹ wẹ ụfọdụ ụmụ ẹnyi ikpoho họnrin igbọn! Kanị onwọnni nwan ihiẹn ẹnyi k'a saẹka mẹ makẹni ugbo ẹnyi lẹ alị vaịnị ẹnyi a bangụọ ndị ọzọ ẹka.”

Jobu 22:6

Y'e gighọdẹ ihiẹn umunẹ i fieri ụgwọ, umunẹ i hụn nwọnlẹni ihiẹn wẹ mẹ; y'a gbụnarịnghọ ndị ẹkwa zulẹni ukun ẹwuru wẹ.

Jobu 24:10

Makẹni ẹkwa arịa, ọtọ kẹ w'a gba a ghahunmẹ; wẹ hụ a ghọlụanị ịhịan ọka, kanị ẹgụn hụ a gụn wẹ.

Jobu 24:8

Mirin e zue elu-ugu hụn a jụgbu enwẹn ẹ oyi a mare wẹ ẹhụ, e fiedọn wẹ ọmụma makẹni enwọn wẹ ebe w'a gbaban.

Jobu 29:12

Makẹni, m'a gbapụha ogbẹnnyẹ rị a kwan nị wẹ yen'ẹ ẹka, wẹ lẹ onyẹ nwọnlẹni nẹdi lẹ onyẹ e yen'ẹ ẹka.

Jobu 6:27

Nkẹ ụnụ a tụdẹ mkpọ gi weri nwa nwọnlẹni nẹdi; nkẹ ụnụ a hịụndẹ ọwụ ụnụ repụ a.

Azaya 3:14

Osolobuẹ a mama ndị-ichẹn lẹ ndị-ndu ndị nke ẹ ikpe: “Ụnụ haịn alị vaịnị m wụ Juda gi wiwi; ihiẹn ụnụ kwanarịn ndị-igbẹnnyẹ jun iwe ụnụ.

Ditrọnọmi 24:7

Wẹ hụn onyẹ zunrun onyẹ Izrẹlụ ibe ẹ, a kpa a kẹ igbọn mọbụ re ẹ, wẹ k'e gburịrị onyẹ ahụn zunrun ịhịan. Ụnụ k'e gi ọhụn wepụchanrịn eje-ihiẹn imẹ igunrun ụnụ.