Jobu 2:8 - Ika

⁸ Ya Jobu nọ gwọrị imẹ ikpọn-ntụn nke onyẹ ihiẹn mẹ, gi mpekele ite a kọ ẹhụ a.

Jobu 2:8 ပူးပေါင်းရင်းမြစ်များ

Samuẹlụ Nke Ẹbụọ 13:19

Tama nọ nwan bụọ ntụn ye isi, dọka ẹwuru-ọma hụ o te yi. Ọ nọ kị ẹka kwasị isi lama, kwankọ ẹkwan ọda-ọda, lakọ.

Ẹsta 4:1

Ogẹn Mọdikaya gi marịn ihiẹn ile rị e mẹni, ọ nọ tika ẹwuru ye enwẹn ẹ olu, yiri ẹkpa-mkpụrụ wẹ gi a kwan ụya, kpọn ntụn kpu enwẹn ẹ, shi imẹ obodo hụ, e goo, a kwan ụya.

Ẹsta 4:3

Azụụn ọwụlẹ iwu eze ru, ndị Ju rị ebẹhụ a kwanma ụya, e bu ọnụ, a kwan ẹkwan, e goo. Ndị bu ọda imẹ wẹ e yiri ẹkpa-mkpụrụ wẹ gi a kwan ụya, dinẹsọnmẹ ikpọn-ntụn.

Jobu 2:9

Nwunyẹ Jobu nọ sị Jobu, “Echẹn k'i kwọnkẹnmẹkwọ ebe i kwọndọn? Kpọ Chuku iyi n'ị nwụn!”

Jobu 42:6

Ifẹnrẹn enwẹn m e mẹgbugụọ m; E rogharịgụọ m nwan, a gwọrị m imẹ uzunzun lẹ ntụn!”

Ẹbụ-ọma 38:5

Ẹtẹ m hụ a ba, e rehi, e shin yeni njọ m zuzu mẹ.

Ẹbụ-ọma 38:7

ukun rị e nwun m ọkụn; ẹhụ arịzị m ikẹn.

Azaya 61:3

ọ sị m d'a tụnị ndị ụya rị e ri imẹ Zayọnụ ụya: mmẹ d'e kpumẹ wẹ okpu ma mma gi nọkin ẹnya ntụn wẹ bụọyesọnmẹ isi, mmẹ hu ịghọghọ kpu wẹ ẹhụ kẹ udẹn, gi nọkin ẹnya ẹkwan, mmẹ mẹ ọjịja-mma Osolobuẹ jun wẹ ọnụ, gi nọkin ẹnya agụngụn onyẹ ndụn gụ. Wẹ k'a kpọ wẹ okẹn-osisi rị a ghọsị ẹka Osolobuẹ, ihiẹn Osolobuẹ kụn n'o ghọsị ọghọ a.

Jerimaya 6:26

“Heuu, ndị nke m, yiri ni ẹkwa-achọ, ụnụ e kperemẹ imẹ ntụn; kwan nị ụya kẹ onyẹ akpụ nwa-okẹnnyẹ ohu nwụnnahịn, makẹni onyẹ e tikpọnị lala idẹnmizi d'e tikpọ ẹnyi!”

Izikẹlụ 27:30

Wẹ k'e weshi olu elu, kwannị ị ẹkwan ọda-ọda; e kpọn uzunzun e ye isi, e kpere imẹ ntụn.

Jona 3:6

Makẹni, ogẹn eze Ninivẹ gi nụ ihiẹnni, ọ gha ukpo-eze ẹ lihi ọtọ, yipụ ẹwuru-nze, yiri ẹkwa-achọ, dịnọ ikpọn ntụn.

Matiu 11:21

Ọ sị, “Ndị Korazini, o sikọ d'a fụ ụnụ ọrụn! Ndị Bẹtisaịda, o sikọ d'a fụ ụnụ ọrụn! Makẹni, omẹni alị Taya-lẹ-Sidọnụ mẹgbu enwẹn wẹ njọ kẹ wẹ te nọ rụn ọrụn-atụmẹnya ile wẹ rụn imẹ ụnụ, nkẹ o tekẹ ndị Taya-lẹ-Sidọnụ rogharị, yiri ẹkwa achọ, kpọn ntụn kpu enwẹn wẹ gi ghọsị nị e rogharịgụọ wẹ.