Ogẹn Mọdikaya gi marịn ihiẹn ile rị e mẹni, ọ nọ tika ẹwuru ye enwẹn ẹ olu, yiri ẹkpa-mkpụrụ wẹ gi a kwan ụya, kpọn ntụn kpu enwẹn ẹ, shi imẹ obodo hụ, e goo, a kwan ụya.
Ndị-ichẹn rị imẹ Nwagbọọ wụ obodo Zayọnụ gwọrị nwan alị, gbachanrịn nkịtịn; a bụọgụọ wẹ uzunzun ye isi, yirisọnmẹ ẹkwa-achọ nke ndị ihiẹn mẹ. Ịgbagba Jerusalẹm rị nwan e bu ihun a kọma alị.
Ya Joshụa nọ tika ẹkwa a, fiẹnrin alị, bu ihun kpumẹ alị ihun Ẹkpẹti Osolobuẹ d'e ru ogẹn ẹnyasị, kẹ ịya kẹ ndị-isi Izrẹlụ, kpọn uzunzun ye enwẹn wẹ isi.
A bụọ wẹ uzunzun ye isi, a kwan, e goo, a sị, “Heuu! Heuu! Ledẹ Obodo uku nwẹn ndị ile nwọn ụgbọ-mirin a gba imẹ ohimin gi ẹfe ẹ hi ọdanfịn! O gigụọ ube ohu, mgbahunmẹ ọkụrọkụ ohu, gba okpokoro!