1 “Ndụn a gụgụọ m, m'e d'a nwụnchu, ili rị nwan e che m.
Makẹni ọ họdụ nwan ahụa ole, e jẹnmẹ m ebe wẹ ghalẹni a lụaha.
Ogẹn m a gharịgụọ, ihiẹn ile m te bu obi a kpayịyagụọ, ihiẹn ile m chọ.
Ọnụ m rịdẹ nwan e shintụ nwunyẹ m; m rịdẹ nwan e ze ụmụ ẹfọ nnẹ m ize.
Kẹ ihiẹn ndịnị mẹgụ, Jobu nọ tọzị ahụa ọgụn-ẹsa; ọ tọ d'e ru n'ọ hụn ụmụ a lẹ ụmụ-ụmụ a d'e rudẹ agbọ nke ẹnọ.
Elee ndụn kẹ m nwọnzi m'e gi bi, hụn m k'e gi ufiri ẹ nwọnmẹ olilẹnya? Kị m'e gizi nwan ufiri ẹ bi, hụn m'e gi dinmẹ ndidin?
Ogẹn m hụ a gha ozigbo-ozigbo nọkẹ ẹka rị a kpa ẹkwa; o d'a gụnahịn m hụ kẹ oruru — bụ onwọnni ebe o weshikọ m.
Esọnkọ m ịhịan kpe jẹnrin ejẹn, atọkọ m olulu e bu, makẹni o ru ndụn m a gụchanrịn ịhịan — umẹ-ndụn ịhịan hụn m ke.
