Jobu 15:8 - Ika

⁸ Y'e jẹntughọ ọgwa Chuku, y'e gi marịn uche ẹ? I ro nị yụ sụọ nwọn amamihiẹn?

Jobu 15:8 ပူးပေါင်းရင်းမြစ်များ

Jobu 11:6

gwa ị ihiẹn amamihiẹn wụ, makẹni ezigbo amamihiẹn nwọn azụụn ẹbụọ; ya m'ẹ n'ị marịn nị Chuku e yerudẹn'i afụnfụn kẹ njọ ị han.

Jobu 12:2

“Ẹghẹẹ, ụnụ sụọ marịn ihiẹn, ụnụ nwụnhụn, amamihiẹn a nwụnhụn!

Jobu 29:4

Euu, omẹni m te rị kẹ m rị mbụ ogẹn ihiẹn gi rị a ghanị m, ogẹn ahụn Osolobuẹ gi rị e mẹ ikpụlọ m kẹ ndị nke ẹ;

Ẹbụ-ọma 25:14

Ndị a tụ egun Osolobuẹ k'ọ gwa uche ẹ, o mẹ wẹ a ghọta Iwu ẹ.

Itẹn 3:32

makẹni ize kẹ onyẹ ghẹrẹ-ghẹrẹ-ghẹrẹ e zedẹ Osolobuẹ, kanị nke onyẹ e dọnmẹ ẹka a ọchan, Osolobuẹ a gwad'a uche ẹ.

Jerimaya 23:18

Onyẹ imẹ wẹ nọdịtu ọgwa Osolobuẹ gọn ntịn, hụn w'e gi hụn ihiẹn ọwụlẹ mọbụ nụ ihiẹn Osolobuẹ ku? Onyẹ gọntu ntịn, nụ ihiẹn Osolobuẹ ku imẹ wẹ ile?

Emọsụ 3:7

Ezioku-ezioku, Di-nwọnni-ẹnyi wụ Osolobuẹ ara mẹ ihiẹn-anaị bụ ọ ghọsịgụnị idibo ẹ ndị-amụma ihiẹn o bu obi.

Matiu 11:25

Ogẹn hụ kẹ Jizọsị gi sị, “M rị a kpanmịn ị Baba, Onyẹ nwọn elu-igwee lẹ ụwa, makẹni i zuemẹni ndị marịn ihiẹn lẹ ndị nwọn uche ihiẹn ndịnị, we wẹ ghọsị ụmụ-ndu.

Matiu 13:11

Ọ sị wẹ, “Nke ụnụ, e yegụọ wẹ ụnụ oghere ịmarịn banyeni ihiẹn-nzuzue Alị-eze elu-igwee, kanị eyeni wẹ wẹ oghere hụ.

Matiu 13:35

Ịya kẹ ihiẹn onyẹ-amụma ku imẹ Ẹkụkwọ-nsọ gi mẹzu. Onyẹ-amụma sị, “M jẹnkọ d'a shịapụ ọnụ m lu ilu; m jẹnkọ d'a gha e ku ihiẹn zuerini, ihiẹn zueri kete wẹ gbelẹ iyetọ ụwa.”

Jọnụ 15:15

Arịzị m a kpọ ụnụ igbọn, makẹlẹ igbọn amarịn ihiẹn di-nwọnn'ẹ rị e mẹ. Ọwụ kẹ m kpọ ụnụ, makẹni a gwagụọ m ụnụ ihiẹn ile m nụ ọnụ Nẹdi m.

Ndị Rom 11:33

Euu! Osolobuẹ e mẹkẹnmẹkẹ ọdanfịn! Amamihiẹn ẹ lẹ akọ-lẹ-uche ẹ e mikẹ! W'a ra saẹka ghọta iroro ẹ! W'a ra saẹka ghọta k'o mẹ!

Ndị Rom 11:34

“Onyẹ marịn uche Di-nwọnni-ẹnyi? Onyẹ a dụn a ọdụn?

Ndị Kọrẹntị Ibuzọ 2:16

Ya kẹ Ẹkụkwọ-nsọ gi sị, “Onyẹ marịn obi Di-nwọnni-ẹnyi? Onyẹ k'a saẹka dụn a ọdụn?” Kanị ẹnyi nwẹn e nwọnghọ obi Kraịstị.

Ditrọnọmi 29:29

Ihiẹn ndị zuerini wụ nke Osolobuẹ wụ Chuku ẹnyi, kanị ihiẹn ndị pụha ifọn wụ nke ẹnyi lẹ ụmụ ẹnyi jẹnrin-ejẹn, nị ẹnyi hụn ụzọ sọn oku ile rị imẹ iwuni.