5 Njọ ị rị e mẹ ọnụ ị e ku ihiẹn ọ rị e ku; ị rị e ku kẹ ndị ẹro.
gwa ị ihiẹn amamihiẹn wụ, makẹni ezigbo amamihiẹn nwọn azụụn ẹbụọ; ya m'ẹ n'ị marịn nị Chuku e yerudẹn'i afụnfụn kẹ njọ ị han.
Bụ ihiẹn ara mẹ ndị ohin lẹ ụlọ wẹ, onwọnzikwọnị ihiẹn e mẹ ndị a kpasu Osolobuẹ iwe — ndị hụn sị nị ẹka wẹ mẹni wẹ, nị ẹlẹ Chuku.
Oku-ọnụ ị rịdẹ nwan e mẹ ịhịan atụzịlẹ egun Osolobuẹ, e mẹ ịhịan e ro ihiẹn ọ chọ n'o ro ihun Chuku.
Ẹlẹ njọ ị bu ọda haịn? Ẹlẹ njọ ị tọ e mẹ haịn?
Ndị ọwụ Jobu ẹtịtọ hụ nọ nwan shịarịbehi Jobu oku makẹni o kubehini nị ẹka a rị ọchan.
Ya kẹ Ẹlihu nwa Barakẹlụ onyẹ ebọn Buzu, onyẹ ikpụlọ Ram, nọ bumẹni Jobu olulu makẹni Jobu hụ e ku ẹ ekushi ẹ ikẹn nị ịya mẹlẹni eje-ihiẹn ẹlẹ Chuku.
Ọ kpayịya ihiẹn ndị ẹro romẹ, amamgbe ihiẹn gha aghanị wẹ.
O gi ihiẹn ndị akọ romẹ a nwụn wẹ, ndị ẹro zugụ umẹ, o mẹ ẹ la iwi.
W'e sụọnchanpụ ire wẹ kẹ ọpịa-agha, e bu eje-oku wẹ wụ ọbara-ụta e zinmẹ,
Ire wẹ wụ eje ọbara-ụta e gbuni — ntụ-ntụ k'ọ tụsọnmẹ. Onyẹ-onyẹ hụ e gi ọnụ-ọma a gwa ibe ẹ oku, kanị imẹ obi ẹ, ọ hụ e shitọn'a ọnyan.
Ezigbo ịhịan a gha ezigbo ihiẹn o butọ imẹ obi ẹ e wepụha ezigbo ihiẹn; kanị eje-ịhịan a gha eje-ihiẹn o butọ e wepụha eje-ihiẹn. Makẹni, ihiẹn hụn jun imẹ obi kẹ ọnụ e ku.
Onyẹ sị n'ọ rị e fe Osolobuẹ bụ ara kwọndọn ire ẹ, ọ rị e dufie enwẹn ẹ; ofufe ẹ la iwi.
