11 Ọghọ rị a ẹhụ erọnkọ ụnụ egun? Egun ẹ e bukọ ụnụ ri?
Itẹn ile ụnụ rị a kpa wụhụ ntụn; Ikpe ụnụ rị e kin ezekarịnị ite-ụrụa.
Ha m ẹka ukun, y'e mẹbehi ihiẹn ndịnị ị rị e gi e rọn m egun;
Egun otikpọ Chuku k'e tikpọ m a tụ m atụ, egun Onyẹ Hụn Ọ Wụ anịnị m mẹ ihiẹn ndị nọ ẹrịra.
Ẹhụ hụ a ma m nni yeni egun i; uhi i hụ a tụ m egun.
okẹn egun k'a tụgbu wẹ. Euu Osolobuẹ, ẹka ị k'e mẹ wẹ gba nkịtịn nọkẹ ọmụma — d'e ru ni ndị nke i a ghafechanrịngụ, d'e ru ni ndị hụn i ṅọn a ghafegụ.
Osolobuẹ Hụn nwọn ikẹn ile sụọ k'a rị ụnụ nsọ ẹnya, ịya k'i k'a tụ egun ẹ; ịya wụ onyẹ i k'a manị piripiri,
Kanị, Osolobuẹ wụ Chuku nke-esi; ịya wụ Chuku hụn rị ndụn, Eze itẹbitẹ. O bumẹ olulu, elu-ụwa e mẹhunmẹ — onwọnni alị isi wẹ k'a saẹka che ọnụma a.
Osolobuẹ sị: Ụnụ atụkọ egun m? Egun m ara tu ụnụ? Mmẹ gi ẹjan gbọndọn ohimin, mgbọn itẹbitẹ o jẹnkọlẹni d'a saẹka fetu, ẹbi-mirin nwọn ikẹn kpọ-ntan kpọ-imọn, ọ sakọ ẹka ghafe ẹ; ya zụndẹ ụzụn ile o k'a zụn, ọ sakọ ẹka hughafe ẹ.
Atụlẹ ni egun ndị hụn sikọ d'a saẹka gbu ẹhụ bụ asa wẹ ẹka gbu umẹ-ndụn; ka tụ nị egun onyẹ hụ k'a saẹka tikpọ kẹ umẹ-ndụn kẹ ẹhụ imẹ ọkụn-mmọn.
