Jobu 11:14 - Ika

¹⁴ i wepụchanrịn njọ ile rị ị ẹka, jụ nị eje-ihiẹn ọwụlẹ arịkọ iwe i,

Jobu 11:14 ပူးပေါင်းရင်းမြစ်များ

Jobu 22:23

I kinhẹn d'e kunrun Onyẹ Hụ Nwọn Ikẹn Ile, o k'e wekin i ọnọdị ị: omẹni y'e wepụghọ eje-ihiẹn iwe i,

Jemisi 4:8

Nọkunmẹ ni Osolobuẹ kẹni Osolobuẹ nọkunmẹ ụnụ. Kwọpụ nị ẹka ụnụ, ndị njọ! Chanchanpụ nị obi ụnụ, ndị obi-ẹbụọ!

Azaya 1:15

Ụnụ kịshidẹ ẹka elu mẹ ekpere, e bupụ m ụnụ ihun; ụnụ mẹkẹnmẹdẹ ekpere, egọnkọ m ụnụ ntịn. Ẹdeke jun ụnụ ẹka;

Ẹbụ-ọma 101:2

M k'e dọnrin ẹnya bi obibi nwọnlẹni nkọrịanị. Elee mgbe kẹ y'a bịa d'e kunrun m? M k'e gi obi kụrụ ọtọ bi iwe m.

Jobu 34:32

Kuzi m ihiẹn m ghalẹni as'ẹka a hụn; omẹni m mẹ eje-ihiẹn, emẹkọzị m’?

Jobu 22:5

Ẹlẹ njọ ị bu ọda haịn? Ẹlẹ njọ ị tọ e mẹ haịn?

Jobu 4:7

Lee nwan ẹnya: Onyẹ kẹ ẹka a rị ọchan latu iwi? Gwalele m: O nwọntughọ onyẹ ẹka a rị ọchan la ntikpọ?

Jẹnẹsisi 4:7

I mẹ ihiẹn rị mma, anabanhankọ m'ị? Kanị, omẹni y'e gini ẹka rị mma sọn ihiẹnni, lẹhụ, njọ warị ọnụmụzọ; ọ rị a chọ ị. Mẹrikwọ a!”

Samuẹlụ Nke Ibuzọ 7:3

Ya Samuẹlụ nọ sị ikpụlọ Izrẹlụ ile, “Omẹni obi ụnụ ile kẹ ụnụ gi kinla ebe Osolobuẹ rị, latọ nị nwan mmọn lẹ iyi alị ndị ọzọ ụnụ rị a ghọ lẹ onyẹnnyẹ-mmọn wụ Ash'ta wẹ kọmasọnmẹ, ụnụ e wechanrịn enwẹn ụnụ ye Osolobuẹ, femẹ ya sụọ. Ụnụ mẹ ẹ, ọ gbapụha ụnụ ẹka ndị Filistia.”

Ndị-nze Nke Ẹbụọ 17:13

Osolobuẹ gi ndị-amụma a ile lẹ ndị ile a hụn ụzọ o zihẹ gba Izrẹlụ Ẹbamịn ugu lẹ Juda mkpịnsịn-ẹka ẹnya, sị wẹ, “Gha nị eje-ụzọ ụnụ ghakọ pụha. Mẹmẹ ni ihiẹn m sị ọnụ mẹ lẹ uhi m yisọnmẹ — kẹ wẹ dọn rị imẹ Iwu ile m ye ndị nẹdi ụnụ dọnmẹ lẹ kẹ m dọnsọnmẹ gwa ụnụ ghahanị ọnụ ndị-idibo m ndị-amụma.”

Jobu 8:6

omẹni obi i a rịghọ ọchan lẹ ni y'a kụrụghọ ọtọ, Chuku k'e gi ufiri i lihi — kẹ hụnnị ihiẹn nọ ẹnịna, wekin i ọnọdị furuni i.