Jobu 1:5 - Ika

⁵ Ụmụ Jobu rigụ oriri ndị ahụn, Jobu e zi ozi kpọ wẹ, fepụ wẹ ẹhụ kẹ Osolobuẹ dọn ku. Ụz'ụtụntụn biribiri ọ chụnnị onyẹ-onyẹ imẹ wẹ ẹjan w'a dụn ọkụn — makẹni, o ru ọ sị enwẹn ẹ, “Onyẹ maị kẹ ụmụ m e mẹgụọ njọ, kpọ Chuku iyi imẹ obi wẹ.” Ẹnịna kẹ Jobu e mẹ ogẹn ile.

Jobu 1:5 ပူးပေါင်းရင်းမြစ်များ

Jẹnẹsisi 22:3

Ya Ebraham nọ zọtẹnhin, kwademẹ jaki ẹ; ọ nọ weri madụ ẹbụọ imẹ ndị idibo ẹ, werizi Aziki nwa a; ọ nọ begiri nkụn wẹ k'e gi chụn ẹjan; ya wẹ nọ jẹnmẹ ebahụn teni hụn Chuku ghọsị a.

Jẹnẹsisi 6:5

Osolobuẹ a hụn a nị eje-ihiẹn hụn rị imẹ ịhịan rị a waye elu-ụwa lẹni eje-ihiẹn kẹ w'e ro ogẹn ile,

Jẹnẹsisi 8:20

Nụa nọ rụnnị Osolobuẹ ukpo wẹ n'a chụn ẹjan, werisọnmẹ anụ lẹ nnụnụ imẹ igunrun ndị ahụn Chuku sị wẹ asọlẹ, gi wẹ chụnnị Osolobuẹ ẹjan elu ukpo ahụn.

Ndị-nze Nke Ibuzọ 18:31

o weri ọmụma mmẹbụọ: o gi nọkin ẹnya ebọn ohu-ohu imẹ ụmụ Jekọpụ — onyẹ hụn Osolobuẹ sị, “Ẹfan ị k'a wụ Izrẹlụ”.

Ndị-nze Nke Ibuzọ 21:10

Ụnụ e bu ndị eje-ịhịan ẹbụọ che ihun ẹ, sị wẹ shịa ẹri nị Nabọtụ kpọ Chuku lẹ eze iyi. Wepụ n'a d'e gi ọmụma magbu ẹ.”

Ndị-nze Nke Ibuzọ 21:13

Ya ndị eje-ịhịan ẹbụọ nọ pụha, nọdị alị ihun ẹ, buokinmẹ ẹ ọnụ idẹnya ndị alị, a sị, “Nabọtụ a kpọgụọ Chuku lẹ eze iyi.” Ya kẹ ndị alị nọ gha imẹ obodo wepụ Nabọtụ, gi ọmụma magbu ẹ.

Nehemiah 12:30

Ndị nchụn-ẹjan lẹ ndị Livaị e dọngụ enwẹn wẹ nsọ, ya wẹ nọzị dọn ndị ọzọ ile họdụnị lẹ ọnụ-mgbọn ichẹn-ichẹn rị mgbọn Jerusalẹm nsọ, dọnzikwọ mgbọn lẹ enwẹn ẹ nsọ.

Jobu 1:11

Tịnpụ nwan ẹka mẹtụ ihiẹnni ile o nwọn — omẹni ọ kpọkọ ị iyi ihun i.”

Jobu 1:4

Ụmụ a ikẹnnyẹ a kpọyesọnmẹ oriri iwe wẹ — o ru onyẹ, o ru onyẹ. Wẹ kpọye, a kpọ wẹ umunẹ wẹ ikpoho ẹtịtọ hụ d'e sọn wẹ ri, ra.

Jobu 2:9

Nwunyẹ Jobu nọ sị Jobu, “Echẹn k'i kwọnkẹnmẹkwọ ebe i kwọndọn? Kpọ Chuku iyi n'ị nwụn!”

Jobu 27:10

Ihiẹn Onyẹ Hụ Nwọn Ikẹn Ile a sụọzị a? N'ọ sazị ẹka kpọku Chuku ogẹn ile?

Jobu 41:25

O helihụ, ẹhụ a mama dikẹn nni; O mẹhunmẹ k'o dọn e mẹhunmẹ, e gi wẹ egun gbama ọsọ.

Jobu 42:8

Weri ni nwan okẹn-efin ẹsa lẹ ebulu ẹsa d'e kunrun odibo m wụ Jobu; gi ni wẹ chụnnị enwẹn ụnụ ẹjan w'a dụn ọkụn — odibo m wụ Jobu e mẹni ụnụ ekpere, e gi m ufiri Jobu nụ ekpere hụ, amamgbe m'e ye ụnụ afụnfụn makẹ nzuzu ụnụ zuzu — makẹni ụnụ ekuni ihiẹn ụnụ ku banyeni m ọhụnma, kẹ odibo m wụ Jobu dọn ku.”

Jobu 6:14

“Ndụn gụ ịhịan, o furu nị ndị ọwụ a yen'ẹ ẹka, ọsụọn'a n'ọ rịzịnị a tụ egun Onyẹ Hụ Nwọn Ikẹn Ile.

Jobu 8:4

Omẹni ụmụ ị mẹ ẹ njọ, ya wụ nị o mẹgụọ wẹ gi isi buru njọ wẹ.

Ẹbụ-ọma 5:3

Euu Osolobuẹ, y'a nụ olu m ụtụntụn; ụtụntụn, m'a gwaghọsị ị mkpa m, e cheri i.

Ọpụpụ 18:12

Ya Jẹtro nẹdi nwunyẹ Mozizi nọ wẹhẹ anụmanụ, gi ẹ chụnyeni Chuku ẹjan w'a kpọ ọkụn lẹ ẹjan ndị ọzọ; Ẹrọnụ lẹ ndị-ichẹn Izrẹlụ ile nọ bịa d'e du nẹdi nwunyẹ Mozizi ri ihiẹn-oriri ihun Chuku.

Ọpụpụ 19:10

Osolobuẹ nọ sị Mozizi, “D'e kunrun wẹ, n'ị dọn wẹ nsọ tannị lẹ eki. Sị wẹ sụ ẹkwa wẹ,

Ọpụpụ 24:5

Ya ọ nọ zi ikorọbịa Izrẹlụ, wẹ nọ chụn ẹjan w'a dụn ọkụn, gisọnmẹ okoro efin chụnyeni Osolobuẹ ẹjan-ekele.

Ẹkịliziastisi 9:10

Gi ikẹn i ile rụn ihiẹn ọwụlẹ ị hụn ị k'a rụn, makẹni, imẹ ili ebe ị lakọ, kẹ ọrụn kẹ iroro kẹ ịmarịn-ihiẹn kẹ akọ-lẹ-uche arịa.

Jerimaya 4:14

Heuu ndị Jerusalẹm, chanchanpụ nị eje-ihiẹn rị ụnụ obi, kẹni Osolobuẹ zụọpụha ụnụ. Ele mgbe kẹ ụnụ k'e robehi eje-ihiẹn imẹ obi ụnụ?

Izikẹlụ 14:14

ọsụọkwọn'a nị madụ ẹtọnị rị alị hụ, Nụa lẹ Danẹlụ lẹ Jobu, enwẹn wẹ sụọ kẹ ezi-omumẹ wẹ k'a saẹka zụọpụha. Ya kẹ Osolobuẹ Nwọn Ihiẹn Ile ku.

Luku 1:75

ẹnyi e gi ịrị-nsọ lẹ ezi-omumẹ e fe ẹ, ẹnyi e we nwụn.

Luku 18:7

Osolobuẹ emẹkọ wẹ ye ndị nke ẹ rị a kwanghọsị a uhinhin lẹ efinnaị ihiẹn runi wẹ? N'o biekẹ d'e yeni wẹ ẹka?

Jọnụ 11:55

Mmẹmmẹ-nghafe e rumẹgụọ ogẹnni. Ndị Ju bu ọda nọ gha ụmụ-alị ichẹn-ichẹn jẹn Jerusalẹm d'e fegụ ẹhụ kẹ iwu wẹ dọn ku.

Ọrụn Ndị-ozi 21:26

Ya kẹ Pọlụ nọ weri ikẹnnyẹ ndị ahụn, eki e fọn ya lẹ wẹ nọ jẹnmẹ d'e mẹ omẹnalị idọn-nsọ. E mẹgụ wẹ omẹnalị idọn-nsọ, ọ banye Ụlọ-nsọ d'e ku akpọhịn ole wẹ k'e gi dọn nsọ hụ wẹ kebe chụnnị onyẹ-onyẹ ẹjan.

Ọrụn Ndị-ozi 8:22

Rogharịkwọ nwan eje-ihiẹnni i mẹ, y'e mẹ ekpere, rịọ Di-nwọnni-ẹnyi; ikẹnkwọ ọ gbagharị ị iroroni.

Ndị Kọrẹntị Ibuzọ 4:5

Eke hanlẹ ni nwan eṅẹn ebe ogẹn kelẹni ru. Cheri ni nị Di-nwọnni-ẹnyi bịa. O jẹnkọ d'e wepụha ihiẹn rị imẹ ishi ifọn, o kpuchanrịn obi ile oghe. Ogẹn hụ, onyẹ-onyẹ a narịn ọjịja-mma run'ẹ ẹka Osolobuẹ.

Ndị Kọrẹntị Nke Ẹbụọ 11:2

Ẹnya hụn a fụ Osolobuẹ rị a fụ m makẹ ọnọdị ụnụ. Ụnụ wụ nwagbọọ m kwe okẹnnyẹ ohu sụọ nkwa. Okẹnnyẹ ahụn wụ Kraịstị. M kwe ẹ nkwa nị m jẹnkọ d'e we ụnụ ye ẹ ebe ụnụ kelẹni marịn okẹnnyẹ.

Ndị Ẹfẹsọsụ 6:18

E gi ni ekpere lẹ ịrịọ-Osolobuẹ e sọn ihiẹn ile, e mẹ ekpere ogẹn ile kẹ Mmọn-nsọ dọn chọ; mụnrụn nị ẹnya ebe ekpere rị, anịlẹ ni ndụn gụ ụnụ; e mẹni ni ndị nke Osolobuẹ ile ekpere.

Samuẹlụ Nke Ibuzọ 16:5

Samuẹlụ nọ sị, “Nsọngbu arịa; m bịa d'a chụnyeni Osolobuẹ ẹjan-ekele. Fe ni ẹhụ kẹ Osolobuẹ dọn ku, ụnụ a bịa d'e sọn m chụn ẹjan ahụn.” Ya kẹ Samuẹlụ nọ fe Jese lẹ ụmụ a ikẹnnyẹ ẹhụ, kpọ wẹ d'e du wẹ ri ẹjan-ekele hụ.