Jobu 1:10 - Ika

¹⁰ Bụ y'a tụnhunmẹgụọ ya lẹ ezi-lẹ-ụlọ a lẹ ihiẹn ile o nwọn mgbọn? Y'a gọzigụọ ihiẹn ile o buche ẹka, anụ a a bagbarị alịnị ile.

Jobu 1:10 ပူးပေါင်းရင်းမြစ်များ

Jẹnẹsisi 15:1

Ihiẹn ndịnị e mẹgụ, Ebram nọ hụn ọhụn ebe Osolobuẹ nọ sị a, “Ebram, atụlẹ egun; mmẹ wụ akpaịn ị hụn e che i nche; m k'a kụ ị ụgwọ higbu enwẹn ẹ ogbe.”

Jẹnẹsisi 26:12

Ya Aziki gha nọdị alị ahụn rụn ugbo ahụa hụ, ihiẹn ugbo ẹ nọ mẹ ọhụnma-ọhụnma, bawaye ụzọ ọgụn-isẹn. Osolobuẹ a gọzi ẹ,

Jẹnẹsisi 30:30

Ihiẹn i bulẹni ọda kẹ m bịa a barapụgụọ; Osolobuẹ e gigụọ ihiẹn ile m buche ẹka gọzi i. Elee ogẹn kẹ m'e gi nwan mẹni ezi-lẹ-ụlọ m?”

Jẹnẹsisi 30:43

Ẹrịra kẹ Jekọpụ gi hi okẹn-ọdanfịn, ihiẹn-uriri ẹ lẹ idibo ẹ nọ barapụ, kẹ idibo-ikpoho kẹ idibo-ikẹnnyẹ, lẹzi anyịnyan-mkpukpuke ẹ lẹ jaki ẹ.

Jẹnẹsisi 39:5

Gha ogẹn ahụn Pọtifa gi bu ikpụlọ a lẹ ihiẹn ile o nwọn che ẹka Josẹfụ jẹnmẹ, Osolobuẹ nọ gi ufiri Josẹfụ mẹ ihiẹn masịnị ikpụlọ onyẹ Ijiptu ahụn; ngọzi Osolobuẹ hụ e sọn ihiẹn ile o nwọn, kẹ ụlọ kẹ ugbo.

Jẹnẹsisi 49:25

makẹni Chuku ahụn nẹdi i e fe e yen'i ẹka; makẹni Onyẹ ahụn nwọn ikẹn ile a gọzi i agọzi: kẹ ngọzi rị igwere kẹ ngọzi rị ohimin kẹ ngọzi ọmụmụ lẹ ọzụnzụn.

Jobu 1:3

O nwọn atụnrụn nnụ-uku ẹsa (7,000), anyịnyan-mkpukpuke nnụ-uku (3,000), okẹn-efin nnụ-uku (1,000) wẹ gi a rụn ugbo lẹ jaki ọgụn-isẹn kwasị nnụ (500). Idibo ẹ buzikwọ ọda. Ya kachanrịn ịhịan ile rị Ẹbamịn ọwụwa-ẹnyanwụn ụwa ọdanfịn e hi.

Jobu 29:2

“Omẹni m te nọ kẹ m nọ ifọn ole-lẹ-ole ghanị, kẹ m nọ ogẹn ahụn Chuku gi rị e lepụ m ẹnya,

Jobu 29:6

ogẹn mirin-ẹran efin m gi jun ụzọ ile, ogẹn alị zegbu enwẹn ẹ gi a mụpụhanị m ofigbọn-olivu.

Jobu 31:25

omẹkwọnị e gighọ m ufiri okẹn ihiẹn m nwọn ghọghọ, ufiri ihiẹn rị mma hụn ban m ẹka,

Jobu 42:12

Osolobuẹ gọzi Jobu karị k'ọ dọn gọzi ẹ mbụ. Jobu nọ nwan nwọn atụnrụn Nnụ uku mmẹnọ (14,000), anyịnyan-kamẹlụ nnụ-uku isin (6,000), okẹn-efin nnụ-uku ẹbụọ (2,000) wẹ gi a rụn ugbo lẹ onyẹnnyẹ jaki nnụ-uku (1,000).

Ẹbụ-ọma 107:38

Ọ gọzi wẹ, a mụba wẹ; ọ nịnị igwe efin wẹ belụa.

Ẹbụ-ọma 34:7

Mmọn-ozi Osolobuẹ e fihunmẹ ndị hụn a tụ egun Osolobuẹ; ọ gbapụha wẹ a gbapụha.

Ẹbụ-ọma 5:12

Makẹni yụ wụ Osolobuẹ a gọzi ndị ezi-omumẹ a gọzi; y'e gi ọhụnma e gbọnhunmẹ wẹ rịkẹ akpaịn.

Ẹbụ-ọma 71:21

I k'e bushiwaye m elu; ị k'a kasịzị m obi.

Ẹbụ-ọma 80:12

K'i tikpọnị nwan mgbọn i tụnhunmẹ vaịnị hụ ị kụn, hụn ndị ile ghafekọnị gi nwan rị a ghọrị a?

Ẹbụ-ọma 90:17

Ọhụnma Osolobuẹ wụ Chuku ẹnyi ya ru ẹnyi ẹka; ya mẹ ihiẹn ẹnyi buche ẹka ghanị ẹnyi; ya dodo mẹ ihiẹn ẹnyi buche ẹka gha ihun!

Itẹn 10:22

Ngọzi Osolobuẹ e mẹ ịhịan a wụrụ ọdanfịn ara we nsọngbu e chen'ẹ.

Azaya 5:2

Ọ dụkpọ alị a, kpọnpụchanrịn ọmụma junn'ẹ, gbọ ezigbo vaịnị ye ẹ. Ọ tụn ụlọ-nche ye imẹ ẹ, nọzịkwọ ọmụma rị alị tụ ebe wẹ nọ a pịnpụha manya vaịnị. Ọ nọ tụma ẹnya ogbe vaịnị rị mma, kanị ọ mịn'a vaịnị rịlẹni mma.

Azaya 5:5

Nị m gwa nwan ụnụ ihiẹn m k'e mẹ alị vaịnị m: m k'e wepụ ihiẹn m gi gbọnhunmẹ ẹ, e wiwi w'ẹ; e tikpọpụ m mgbọn ẹ, a zọtịta w'a.

Zẹkaraya 2:5

mmẹ nwẹn k'a wụrụ mgbọn rị e nwun ọkụn, fihunmẹ ẹ. Mmẹ k'a wụzịkwọ ọghọ a. Ya kẹ Osolobuẹ ku.’ ”

Zẹkaraya 2:8

Makẹni, Osolobuẹ ihiẹn ile rị okpuru ẹ hụn gi ufiri ọghọ a zi m, e kuọlẹ oku ndị hụn gbu ụnụ kwarị ihiẹn ụnụ. Ọ sị nị onyẹ ọwụlẹ mẹtụ ụnụ ẹka mẹtụ nwa-ẹnya a ẹka!

Ditrọnọmi 33:11

Euu, Osolobuẹ, dodo gọzi ẹ imẹ ihiẹn ile ọ ma mẹ, ya nị ọrụn-ẹka a sụọ ị ụsụọ. Kpagichanrịn ogelemazụụn ndị ile a lụsọn ẹ ọgụn lẹ ndị ize ẹ e ze makẹ wẹ ghazị e lihi ọtọ.”

Ditrọnọmi 33:27

Chuku rị ẹdẹi wụ igungun, ẹka itẹbitẹ ẹ hụ okpuru. O k'a chụpụnị ụnụ ndị iṅẹnrẹn ụnụ, a sị, ‘Tikpọ a!’

Ditrọnọmi 7:13

Ihiẹn ụnụ k'a sụọ a, ọ gọzi ụnụ, mẹ ụnụ ba ụba. O k'e gi ụmụ gọzi ẹkpa-nwa ụnụ, gi ihiẹn-ugbo gọzi alị ụnụ — kẹ ọka kẹ manya ọhụn kẹ ofugbọn-olivu, gi ụmụ-efin gọzi igunrun efin ụnụ, gi ụmụ atụnrụn gọzi igunrun atụnrụn ụnụ, imẹ alị ahụn o kunni ndị nẹdi ụnụ kanị enwẹn ẹ n'o k'e ye ụnụ.

Pita Ibuzọ 1:5

O gi nwan ikẹn o gi wụrụ Osolobuẹ e dọnmẹ ụnụ, ghahanị okukwe ụnụ, kẹni nzụọpụha o wela ọgụgụ-ogẹn hụn ụzọ ru ụnụ ẹka.

Samuẹlụ Nke Ibuzọ 25:16

Wẹ wụ ụgba wẹ gi gbahunmẹ ẹnyi uhinhin lẹ efinnaị, ogẹn hụ ẹnyi gi nọkunmẹ wẹ e du atụnrụn ẹnyi.