Jobu 1:1 - Ika

¹ O nwọn okẹnnyẹ ohu bi alị Uzu; ẹfan a wụ Jobu. Okẹnnyẹni wụ onyẹ ezioku; onwọn nkọrịanị; ọ tụ egun Chuku; ara gi eje-ihiẹn mẹ ẹhụ.

Jobu 1:1 ပူးပေါင်းရင်းမြစ်များ

Jẹnẹsisi 10:23

Ụmụ Aram wụ Uzu lẹ Hulu lẹ Gẹta lẹ Mashi.

Jẹnẹsisi 17:1

Ogẹn Ebram gi rị ahụa ohu arịa ọgụn-isẹn, Osolobuẹ nọzị we enwẹn ẹ ghọsị Ebram, sị a, “Mmẹ wụ Chuku Hụn nwọn ikẹn ile; bi kẹ m dọn chọ; emẹkwọlẹ ihiẹn wẹ e gi kọrịanị ị —

Jẹnẹsisi 22:12

Ọ nọ sị Ebraham, “Emẹtụkwọlẹ nwa-ndu ahụn ẹka; emẹkwọl'a ihiẹn ọwụlẹ. Echẹn kẹ m marịn nị y'a tụ egun Chuku — ebe o mẹ ni y'a jụnị nị y'e yekọ m nwa ị, akpụ nwa ohu i nwọn.”

Jẹnẹsisi 36:28

Ụmụ Dishanị wụ Uzu lẹ Aranị.

Jẹnẹsisi 42:18

Nke akp'ọhịn ẹtọ, Josẹfụ nọ sị wẹ, “Nị m gwa ụnụ ihiẹn ụnụ k'e mẹ makẹ wẹ gha e gbu ụnụ, makẹni egun Chuku a tụ m a tụ:

Jẹnẹsisi 6:9

Ọnwan wụ akịkọ Nụa: Nụa wụ onyẹ ezi-omumẹ, ịya nwọnlẹni nkọrịanị ogẹn nke wẹ. Nụa e sọn Osolobuẹ.

Ndị-nze Nke Ẹbụọ 20:3

“Euu, Osolobuẹ, dodo, nyanhankwọ kẹ m dọn rị e sọnchanrịn ị ọhụnma-ọhụnma lẹ kẹ m dọn wechanrịn obi m ile ye i, e mẹ ihiẹn rị mma ẹnya ị.” Hezikaya nọ kwan ẹkwan ọda-ọda.

Ihiẹn Mẹni Nke Ibuzọ 1:17

Ụmụ-ikẹnnyẹ Shẹm wụ Ẹlam, Ashuru, Afakishadị, Ludu lẹ Aram. Ụmụ-ikẹnnyẹ Aram nwa Shẹm wụ Uzu, Hulu, Gẹta lẹ Mẹshẹki

Ihiẹn Mẹni Nke Ibuzọ 1:42

Ikẹnnyẹ Ẹza nwa Sẹẹ mụ wụ Bil'hanị, Zaavanị lẹ Jakanị hụn wụzị Akanị. Ikẹnnyẹ Dishanị nwa Sẹẹ mụ wụ Uzu lẹ Aranị.

Jobu 1:8

Ya Osolobuẹ nọ sị Ekwensụ, “Y'e lekpọgụọ odibo m wụ Jobu? Onwọnni onyẹ nọ kẹ ya elu ụwa; onyẹ ezioku k'ọ wụ; onwọn nkọrịanị; ọ tụ egun Chuku; ara gi eje-ihiẹn mẹ ẹhụ.”

Jobu 2:3

Ya Osolobuẹ nọ jụ Ekwensụ, “Y'e lekpọgụọ odibo m wụ Jobu? Onwọnni onyẹ nọ kẹ ya elu ụwa; onyẹ ezioku k'ọ wụ; onwọn nkọrịanị; ọ tụ egun Chuku, ara gi eje-ihiẹn mẹ ẹhụ. Echẹn k'o gikwọ hụn o gi, ọ sụọn'a nị i te nu m nị m tikpọ a bụ onwọnni ihiẹn o mẹ.”

Jobu 28:28

Ya ọ nọ sị ịhịan, ‘Ịtụ egun Osolobuẹ — ịya wụ amamihiẹn, ịjụ eje-ihiẹn — ịya wụ nghọta.’ ”

Jobu 4:6

Y'a nịkọ egun-Osolobuẹ rị imẹ i mẹ obi ru i alị? Y'e gikọ obibi nwọnlẹni nkọrịanị ị rị e bi nwọnrin olilẹnya?

Jobu 9:21

Ọsụọn'a enwọn m ihiẹn w'e gi kọrịanị m, onwọnzini ihiẹn m kpọ enwẹn m; onwọnzini ihiẹn ndụn m wụ ẹnya m —

Ọpụpụ 18:21

Ka gha imẹ wẹ ile họrị ndị k'a saẹka kị — ikẹnnyẹ hụn a tụ egun Chuku, ikẹnnyẹ wẹ gi e dọn ẹnya hụn ghalẹni e ri egho azụụn; y'e tumẹsọnmẹ wẹ nị wẹ kị wẹ; ndị k'a kị madụ nnụ-uku nnụ-uku, ndị k'a kị ọgụn-isẹn ọgụn-isẹn, ndị k'a kị iri-kwasị-ọgụnnaị iri-kwasị-ọgụnnaị lẹ ndị k'a kị iri-iri.

Itẹn 14:16

Onyẹ nwọn uche e gi egun Osolobuẹ a gbanị eje-ihiẹn ọsọ; kanị nzuzu e mẹ isi-mgbaka, ara tu ihiẹn ọwụlẹ.

Itẹn 14:2

Onyẹ gi ezioku e bi a tụ egun Osolobuẹ, kanị onyẹ hụn gi ntụ e bi e legberi Osolobuẹ.

Itẹn 16:17

Ụzọ ọma hụn eje-ihiẹn rịlẹni kẹ ndị ezioku a gha; onyẹ hụn a kpachanpụ ẹnya e bi rị e che ndụn a nche.

Itẹn 16:6

Ihiẹn-ọsụsụọ lẹ ezioku kẹ ịhịan gi e mẹ wẹ a gbagharị a njọ; egun Osolobuẹ kẹ ịhịan gi a gbanị eje-ihiẹn ọsọ.

Itẹn 20:7

Onyẹ ezi-omumẹ e bi obibi nwọnlẹni nkọrịanị; o k'a rịnị mmụ a lalanị mma.

Itẹn 3:7

Erolẹ nị y'a marịnghọ ihiẹn — ka gi egun Osolobuẹ la eje-ihiẹn tọ.

Itẹn 8:13

Ịtụ-egun Osolobuẹ wụ ize-ize eje-ihiẹn; ize mpache lẹ nhọnrọn e ze m e ze, uwẹ lẹ eje-omumẹ lẹ oku rụnị.

Jerimaya 25:20

uwẹ lẹ ndị alị ọzọ ile rị alị wẹ; e yezighọ m ndị-nze alị Uzu lẹ ndị-nze alị ile rị ichẹn-ichẹn rị okpuru ndị Filistia — kẹ hụn kị Ash'kẹlọnụ kẹ hụn kị Gaza kẹ hụn kị Ẹkrọnụ lẹ ndị ile họdụ imẹ Ash'dọdụ;

Ẹkwan 4:21

Ghọghọmakwọ nwan, Nwagbọọ wụ alị Ẹdọm, ẹfọ ya sụọma ụnụ ndị bi alị Uzu ụsụọ. Kanị mkpu afụnfụnnị k'e ruzirịrị yụ nwẹn ẹka — y'a ra a, tụ, gbarị ọtọ.

Izikẹlụ 14:14

ọsụọkwọn'a nị madụ ẹtọnị rị alị hụ, Nụa lẹ Danẹlụ lẹ Jobu, enwẹn wẹ sụọ kẹ ezi-omumẹ wẹ k'a saẹka zụọpụha. Ya kẹ Osolobuẹ Nwọn Ihiẹn Ile ku.

Izikẹlụ 14:20

Ma isi mmẹ wụ Osolobuẹ Nwọn Ihiẹn Ile, ọsụọn'a nị Nụa lẹ Danẹlụ lẹ Jobu rị imẹ alị ahụn, asakọ wẹ ẹka zụọpụhadẹ ụmụ wẹ ikẹnnyẹ mọbụ ikpoho. Enwẹn wẹ sụọ kẹ ezi-omumẹ wẹ k'a saẹka zụọpụha.

Luku 1:6

Wẹ ẹbụbụọ wụ ndị ezi-omumẹ ẹnya Osolobuẹ; w'e dọnmẹchanrịn iwu lẹ ọdịnalị Di-nwọnni-ẹnyi, onwọnni hụn w'e gi kọrịanị wẹ —

Ditrọnọmi 18:13

Enwọnkwọlẹ ni ihiẹn w'e gi kọrịanị ụnụ ebe Osolobuẹ wụ Chuku ụnụ rị.

Jemisi 5:11

Eziẹ, ẹnyi a ja ndị din ndidin mma. Ụnụ a nụghọ kẹ Jobu dọn din ndidin; ụnụ a hụnzịghọ ihiẹn Di-nwọnni-ẹnyi mẹ ikpanzụụn, nị Di-nwọnni-ẹnyi e mẹkẹ ẹfọma lẹ omikẹn.

Pita Ibuzọ 3:11

Ya gbakịtọ eje-ihiẹn azụụn — mẹmẹ ihiẹn rị mma; ya chọma udọn, chụsọnmẹ ẹ.