Jerimaya 52:9 - Ika

⁹ ndị-agha Babilọnụ nọ nwụn a, w'ẹ jẹnni eze Babilọnụ imẹ Ribla rị alị Hamatị, ọ nọ nọ ebẹhụ hangbu ẹ eṅẹn.

Jerimaya 52:9 ပူးပေါင်းရင်းမြစ်များ

Ndị-nze Nke Ibuzọ 8:65

Ya Solomọnụ nọ gi ẹrịra mẹ Mmẹmmẹ Ibi-imẹ-ọdụ nke ahụa hụ, ya lẹ ndị Izrẹlụ hụ ile; igunrun ahụn bugbu enwẹn ẹ ọda. Wẹ ghasọnmẹ alị Izrẹlụ ile bịa — ghakwọrị Lebo-Hamatị d'e ru Iyi Udu-mirin rị okẹn Izrẹlụ lẹ alị Ijiptu. Wẹ gi ọrọgbọ akpọhịn ẹsa mẹ mmẹmmẹ hụ ihun Osolobuẹ ebẹhụ, wezi akp'ọhịn ẹsa chen'ẹ — ọrọgbọ akp'ọhịn mmẹnọ gbegbegbe!

Ndị-nze Nke Ẹbụọ 23:33

Fẹro wụ Nẹko, eze alị Ijiptu nọ kpọkin ẹ ye ụlọ-ngan imẹ obodo Ribla rị alị Hamatị makẹ ọ ghazị a kị ọkịkị imẹ Jerusalẹm. Fẹro nọ be ndị Juda ẹkpa siliva uku ọgụn-isẹn lẹ ẹkpa goru uku ohu.

Ndị-nze Nke Ẹbụọ 25:6

ndị-agha Babilọnụ nọ nwụn a, w'ẹ jẹnni eze Babilọnụ imẹ Ribla. Wẹ nọ nọ ebẹhụ hangbu ẹ eṅẹn.

Ihiẹn Mẹni Nke Ẹbụọ 33:11

Ya Osolobuẹ nọ wẹhẹni wẹ ndị-isi agha eze Asiria lẹ ndị-agha wẹ d'e mẹ wẹ ihiẹn; wẹ nọ nwụnrụn Manasẹ, bu ukpo che ẹ imi, gi aba igwe-bronzu kpọdọn ẹ, we ẹ shi Babilọnụ.

Ihiẹn Mẹni Nke Ẹbụọ 8:3

Solomọnụ nọ jẹn obodo Hamatị-Zoba, gi ikẹn weri ẹ.

Jerimaya 21:7

O mẹgụ, m k'e we eze Juda wụ Zẹdikaya lẹ ịhaịmẹ ẹ lẹ ndị ile k'a wanahịn eje-emu hụ lẹ ọpịa-agha lẹ ẹgụn hụ lala imẹ obodoni ye Nebukadineza wụ eze ndị Babilọnụ lẹ ndị iṅẹnrẹn wẹ ndị ọzọ chọkọ wẹ ogbugbu. O jẹnkọ d'e gi ọpịa-agha gbu wẹ; o mẹkọnị wẹ omikẹn mọbụ ebere, o lekọdẹ wẹ ẹnya ihun. Ya kẹ Osolobuẹ ku.’

Jerimaya 39:5

Kanị ndị-agha Babilọnụ nọ chụ wẹ, kunrun Zẹdikaya imẹ alị-aradan Jẹriko. Wẹ nọ nwụndọn ẹ, we ẹ jẹnni Nebukadineza wụ eze Babilọnụ ebe ọ rị Ribla imẹ alị Hamatị, Nebukadineza nọ nọ ebẹhụ ma a ikpe.

Ẹkwan 4:20

Onyẹ hụn Osolobuẹ tumẹ — eze ẹnyi, hụn wụdẹ uzun ẹnyi e kun nọ dan ọnyan we — bụ ẹnyi te ro ni ẹnyi k'a nọ ẹka a, hụn isi imẹ alị ndị ọzọ!

Izikẹlụ 11:10

Ọpịa-agha k'e gbu ụnụ; m k'a nọ ebe alị Izrẹlụ ru — idẹnya ndị alị ọzọ — mẹshi ụnụ ikẹn. Ogẹn hụ, ụnụ a marịn nị m wụ Osolobuẹ.

Izikẹlụ 23:24

Wẹ k'e gi ihiẹn-ọgụn lẹ ụgbọ-ẹshin agha lẹ trọkụ-anyịnyan lẹ igunrun ndị agha ghasọnmẹ alị ichẹn-ichẹn bịa buruhẹ i; wẹ k'e gi akpaịn-uku lẹ akpaịn-nta lẹ okpu-agha igwe gha azụụn ile maye i. M k'e we i ye wẹ kin ikpe, e ye wẹ i afụnfụn kẹ wẹ e ye.

Ọgụngụn 13:21

Ya wẹ nọ shi alị ugu hụ, lelesọnmẹ kẹ ọ nọ, gha alị ọkpọ-nkụn Zini d'e rukwọrị Rehobu hụn rị ibẹka Lebo-Hamatị.

Ọgụngụn 34:11

ọ ghazị Shẹfam jẹnru Ribla rị ẹbamịn ọwụwa-ẹnyanwụn alị Aini, ghasọnmẹ mkpọtu ugu rịsọnmẹ mkpẹnrẹn ẹbamịn ọwụwa-ẹnyanwụn Ohimin Kinẹrẹti, Ohimin Galili;

Joshụa 13:5

alịnị kẹ ndị Gẹbalụ lẹ Lẹbanọnụ ile rị. Ebe o ru ẹbamịn ọwụwa-ẹnyanwụn wụ gha Baalụ-Gadị rị ukun Ugu Hẹmọnụ d'e ru Lebo-Hamatị.