Jerimaya 52:6 - Ika

⁶ Ogẹn o gi ru nke akpọhịn itenẹi imẹ ifọn nke ẹnọ imẹ ahụa hụ, ụkọ ihiẹn-oriri rị obodo ahụn a karịgụọ ẹka, nke wụnị ndị rị imẹ ẹ ahụnzịnị ihiẹn w'e ri.

Jerimaya 52:6 ပူးပေါင်းရင်းမြစ်များ

Ndị-nze Nke Ẹbụọ 25:3

Nke akpọhịn itenẹi imẹ ọnwan nke ẹnọ ahụa hụ, ihiẹn-oriri rị a kọ imẹ obodo hụ a karịgụọ ẹka, ndị obodo hụ enwọnzi ihiẹn wẹ k'e ri.

Azaya 3:1

Lee n'ẹ nwan! Di-nwọnni-ẹnyi, hụn wụ Osolobuẹ ihiẹn ile rị okpuru ẹ, e d'a napụ obodo Jerusalẹm lẹ alị Juda ile ihiẹn ile wẹ gi e dọn ẹnya: kẹ ihiẹn-oriri kẹ mirin,

Jerimaya 15:2

Wẹ sị ị, ‘Elebe kẹ ẹnyi jẹnkọ?’ Sị wẹ, ‘Lee ni ihiẹn Osolobuẹ ku, Ndị ọnwụn jẹnkọ d'e gbu, wẹ jẹnmẹ nị ọnwụn d'e gbu wẹ; ndị agha k'e gbu, wẹ jẹnmẹ nị agha d'e gbu wẹ; ndị ẹgụn jẹnkọ d'e gbu, wẹ jẹnmẹ nị ẹgụn d'e gbu wẹ; ndị wẹ jẹnkọ d'a kpụnrụn, wẹ jẹnmẹ ni wẹ d'a kpụnrụn wẹ.’

Jerimaya 19:9

M k'e mẹ wẹ ri ụmụ wẹ ikẹnnyẹ lẹ ikpoho, e ri wẹ ibe wẹ yeni ẹgụn, ogẹn ndị-iṅẹnrẹn wẹ hụn chọkọ wẹ ogbugbu e gi kehunmẹ wẹ ye imẹ obodoni!”

Jerimaya 21:9

Onyẹ ọwụlẹ hụn nọdị imẹ obodoni, ọpịa-agha mọbụ ẹgụn mọbụ eje-emu k'e gbu ẹ. Kanị, onyẹ ọwụlẹ hụn jẹn d'e we enwẹn ẹ ye ndị Babilọnụ hụn kehunmẹni ụnụ k'a rị ndụn; o k'a hụn isi wanahịn.

Jerimaya 25:10

M k'e wepụ ịghọghọ lẹ anwịnrịn imẹ alị ndịnị — hụn wụnị anụkọzị wẹ olu ikẹnnyẹ lẹ ikpoho rị a gba-ẹkụkwọ ẹfọ rị a sụọ ụsụọ, anụkọzị wẹ ukwere ọlọ lẹ odo; ahụnkọzị wẹ ukpẹ rị e nwun iwe ịhịan kaka.

Jerimaya 37:21

Ya kẹ eze wụ Zẹdikaya nọ sị wẹ bu Jerimaya che ezi-ọgwa ndị-nche, sị wẹ a gha ọdụ ndị brẹdi e wẹhẹn'ẹ ogbe brẹdi ohu ụhụọhịn-ụhụọhịn, d'e ru mgbe brẹdi gụchanrịn imẹ Jerusalẹm. Ezi-ọgwa ndị-nche hụ kẹ Jerimaya nọdịsọnmẹ.

Jerimaya 38:9

“Eze nwọnni m! Ẹfọ a jọka ikẹnnyẹ ndịnị mẹ Jerimaya onyẹ-amụma ihiẹnni ile wẹ mẹ ẹ. A tụgụọ w'a ye imẹ ọmị. Ẹgụn k'e gbu ẹ tọ ebẹhụ, makẹni ihiẹn-oriri arịzị obodoni.”

Jerimaya 39:2

d'e ru ahụa nke mmanaị eze wụ Zẹdikaya kịma. Nke akpọhịn itenẹi imẹ ifọn nke ẹnọ, wẹ nọ s'ẹka tikpọ mgbọn Jerusalẹm, banhan.

Ẹkwan 1:11

Ndị Juda ile hụ a sụn udẹn, ebe wẹ rị a chọ ihiẹn-oriri; e gi wẹ ihiẹn ndị rị mkpa wẹ dọnmẹ a gbarị ihiẹn-oriri, kẹni wẹ hụn ụzọ ri ndụn. Euu Osolobuẹ, lee k'ọ rị m nị hụn kẹ wẹ rị e legberi m.

Ẹkwan 5:10

Akpụkpọ-ẹhụ hụ a nụ ẹnyi ọkụn nọkẹ ẹnya-mgba yeni ẹgụn.

Izikẹlụ 14:13

“Nwa-ịhịan, alị mẹ m njọ ghahanị itikpọ nkwa wẹ gi Ẹfan m kwe, n'e bu m nụmanị alị hụ, mẹ wẹ ahụnzịlẹ ihiẹn w'e ri, zihẹni wẹ ụnwụn, gbu ịhịan lẹ anụmanụ rịn'a,

Izikẹlụ 14:21

“Mmẹ wụ Osolobuẹ Nwọn Ihiẹn Ile sị ẹrịra k'o k'a rị ogẹn m'e gi zihẹni Jerusalẹm eje-ihiẹn ẹnọnị m gi e ye afụnfụn — ọpịa-agha, ẹgụn, eje-anụ lẹ eje-emu, gi wẹ gbu ịhịan lẹ anụmanụ rị imẹ ẹ!

Izikẹlụ 31:1

O ru ụhụọhịn ibuzọ imẹ ifọn nke ẹtọ imẹ ahụa nke mmanaị wẹ kpụnhan ẹnyi alị Babilọnụ, Osolobuẹ nọ sị m,

Izikẹlụ 5:16

Ogẹn m'e gi zihẹn'i ẹgụn hụ e gbuni, gba ị ya nọkẹ eje-ụta, m k'a gba a hụn m'e gi tikpọ ị. M k'e mẹ ụnwụn mụ ọda-ọda imẹ i, mẹ ihiẹn-oriri kọ imẹ i ọda-ọda.

Izikẹlụ 7:15

“Ọpịa-agha hụ ogbe e gbu, emu lẹ ẹgụn hụ mmụlọ e gbu. Onyẹ shi ugbo, ọpịa-agha e gbu ẹ; onyẹ nọdị imẹ obodo emu lẹ ẹgụn e gbu ẹ.

Lẹvitikọsụ 26:26

Ogẹn m'e gi gbukin ụzọ ụnụ gha e nwọnhẹn ihiẹn-oriri, ikpoho iri sikọ d'e gi ite ohu sụọ shi ihiẹn-oriri ụnụ ile k'e ri. Wẹ k'a ghadẹ e keye ịhịan ya ẹkẹrẹ-ẹkẹrẹ; ụnụ k'e ri, ẹfọ ejunkọ ụnụ.

Zẹkaraya 8:19

“Osolobuẹ ihiẹn ile rị okpuru ẹ sị: Ọnụ ndị ahụn ụnụ e busọnmẹ ifọn nke ẹnọ lẹ ifọn nke isẹn lẹ ifọn nke ẹsa lẹ ifọn nke iri e bigụọ. Ogẹn hụ ile ụnụ te gi e bu ọnụ ndịnị jẹnkọ nwan d'a wụrụ nị ụnụ ndị Juda ogẹn ịghọghọ lẹ anwịnrịn lẹ mmẹmmẹ. A nị nị nwan ezioku lẹ udọn a sụọ ụnụ ụsụọ.”

Ditrọnọmi 32:24

M k'e zihẹni wẹ eje-ụnwụn hụn e wiwi ihiẹn, emu e rikpọ ịhịan ẹhụ lẹ eje-emu e gbuni. M k'e zijẹnni wẹ eje-anụ eze tụ nkọ, agwọ nwọnsọnmẹ eje-ẹdide.