Jerimaya 52:27 - Ika

²⁷ Eze Babilọnụ nọ gbu wẹ ebẹhụ, imẹ Ribla rị alị Hamatị. Ẹrịra kẹ wẹ dọn wepụ ndị azụụn Juda alị wẹ, kpụn wẹ shi alị ọzọ.

Jerimaya 52:27 ပူးပေါင်းရင်းမြစ်များ

Samuẹlụ Nke Ẹbụọ 8:9

Mgbe Towu hụn wụ eze Hamatị gi nụ nị Defidi e mẹrigụọ ndị-agha Hadadeza ile,

Ndị-nze Nke Ẹbụọ 17:20

Ya kẹ Osolobuẹ nọ nwan jụ ụmụ Izrẹlụ ile; ọ nọ mẹshimẹ wẹ ikẹn, ọ nị wẹ e gbu wẹ a kwarị ihiẹn wẹ d'e ru nị ọ chụpụdẹ wẹ ihun ẹ.

Ndị-nze Nke Ẹbụọ 17:23

Osolobuẹ e we wepụ wẹ ihun ẹ, owepụ ahụn o gisọnmẹ ndị amụma ndị idibo ẹ ile gwatọ wẹ. E wepụ wẹ nwan ndị Izrẹlụ Ẹbamịn ugu alị wẹ, kpụnrụn wẹ shi Asiria, wẹ hụ nwan ebẹhụ d'e ru tannị.

Ndị-nze Nke Ẹbụọ 23:27

Osolobuẹ nọ sị, “M k'e wepụzị Juda ihun m kẹ m dọn wepụ ndị Izrẹlụ rị Ẹbamịn ugu; m k'a jụzịkwọ Jerusalẹm, obodo hụn m họrị lẹ ụlọ-nsọnị hụn m te sị, ‘Ebẹhụ kẹ ẹfan m k'a rị.’ ”

Azaya 24:3

Osolobuẹ k'e mẹ ụwa ile la iwi, kpọnpụchanrịn ihiẹn ile rịn'a. Ya kẹ Osolobuẹ ku!

Azaya 27:10

E mẹrigụọ wẹ obodo nwẹn wẹ te tụnhunmẹ mgbọn, mẹ ẹ gba okpokoro; o họnringụọ ebe wẹ gbatọ, ebe wẹ latọ nọkẹ atụ; mmụ-efin k'a rị ebẹhụ, a kpa nni, e dinẹsọnmẹ ebẹhụ, e ripụ ẹhụhụọ rịsọnmẹ agalaba osisi ebẹhụ.

Azaya 43:28

M jẹnkọ nwan d'a fa ndị okẹn ịhịan rị imẹ Ụlọ-nsọ ụnụ, m k'e gi Jekọpụ họnrin ihiẹn wẹ k'e tikpọ, ẹghẹẹ, e we m Izrẹlụ ye wẹ kpari.”

Jerimaya 13:19

“Wẹ sikọ d'a kpọkinchanrịn obodo ndị rị imẹ Nẹgẹvụ onwọnni onyẹ k'a kpọpụnị wẹ. Wẹ jẹnkọ d'a kpụnrụnchanrịn ndị Juda ile shi alị ọzọ — ahọdụkọ wẹ.

Jerimaya 20:4

Makẹni, Osolobuẹ sị, ‘M k'e mẹ i ihiẹn k'a tụ kẹ yụ kẹ ndị-ọwụ ị egun. Ndị-iṅẹnrẹn wẹ k'a nọ idẹnya ị gi ọpịa-agha gbu wẹ. M k'e we ndị Juda ile ye eze ndị Babilọnụ mẹri, ọ kpụnrụn ndị ọ k'a kpụnrụn shi Babilọnụ, o gi ọpịa-agha gbu ndị o k'e gbu.

Jerimaya 21:7

O mẹgụ, m k'e we eze Juda wụ Zẹdikaya lẹ ịhaịmẹ ẹ lẹ ndị ile k'a wanahịn eje-emu hụ lẹ ọpịa-agha lẹ ẹgụn hụ lala imẹ obodoni ye Nebukadineza wụ eze ndị Babilọnụ lẹ ndị iṅẹnrẹn wẹ ndị ọzọ chọkọ wẹ ogbugbu. O jẹnkọ d'e gi ọpịa-agha gbu wẹ; o mẹkọnị wẹ omikẹn mọbụ ebere, o lekọdẹ wẹ ẹnya ihun. Ya kẹ Osolobuẹ ku.’

Jerimaya 39:10

Kanị, ọ nọ latọ ụfọdụ ndị igbẹnnyẹ imẹ Juda, ndị hụn nwọnlẹni ihiẹn ọwụlẹ; ọ nọ yesọnmẹ wẹ alị vaịnị lẹ ugbo.

Jerimaya 39:9

Nebuzaradanị hụn kị ndị-agha e che eze Babilọnụ nche nọ kpụnrụn ndị họdụ imẹ obodo Jerusalẹm shi Babilọnụ, wẹ lẹ ndị we enwẹn wẹ ye ẹ kẹ ndị Babilọnụ kelẹni banye imẹ Jerusalẹm lẹ ndị ọzọ ile.

Jerimaya 52:9

ndị-agha Babilọnụ nọ nwụn a, w'ẹ jẹnni eze Babilọnụ imẹ Ribla rị alị Hamatị, ọ nọ nọ ebẹhụ hangbu ẹ eṅẹn.

Izikẹlụ 33:28

M k'e mẹ alị Izrẹlụ gba okpokoro, mẹ ẹ la iwi, ikẹn ẹ ahụn o gi a họnrọn a gụ; ugu ndị rị Izrẹlụ k'a gba okpokoro makẹni onwọnzini onyẹ k'a ghazị elu wẹ.

Maịka 4:10

A fịkọkwọ nwan, obodo Zayọnụ; nọkẹ onyẹ imẹ rị e mẹ, makẹni ụnụ k'a pụgụ nwan obodoni, ranhịngụ ogbe, gha ebẹhụ shi alị Babilọnụ. Ebẹhụ kẹ w'a nọ gbapụha ụnụ; ebẹhụ kẹ Osolobuẹ k'a nọ gbapụha ụnụ ẹka ndị-iṅẹnrẹn ụnụ.

Ditrọnọmi 28:36

Osolobuẹ k'a chụ ụnụ lẹ eze ụnụ hụn ụnụ tumẹ shi alị ụnụ lẹ ndị nẹdi ụnụ marịnlẹni. Ụnụ k'a nọ ebẹhụ fe mmọn, mmọn ndị wẹ gi osisi lẹ ọmụma mẹmẹ.

Ditrọnọmi 28:64

O ru ẹ, Osolobuẹ k'e feyịya ụnụ ye imẹ alị ile rị elu-ụwa, gha isi ẹ ohu d'e ru isi ẹ hụn ẹbọ, ụnụ a nọ ebẹhụ fe mmọn-lẹ-iyi hụn ụnụ lẹ ndị nẹdi ụnụ marịnlẹni, mmọn-lẹ-iyi ndị wẹ gisọnmẹ osisi lẹ ọmụma tụ!

Ditrọnọmi 4:26

m rị nwan a kpọ elu-igwee lẹ ụwa nị wẹ shịagbu ụnụ ẹri tannị, nị ụnụ mẹ ẹ, wẹ k'e kpọnchanpụkẹnrin ụnụ alị ahụn ụnụ fetukọ Iyi Jọdanị d'e weri. Ụnụ ebibiekọ ebahụn kaka; wẹ k'e gbuchanrịn ụnụ kọkọrọkọ.