Jerimaya 52:20 - Ika

²⁰ O buruzighọ adansụn ẹbụbụọ hụ lẹ tankị mirin uku ahụn lẹ okẹn-efin mmẹbụọ hụ wẹ kpụ hụn rị okpuru tankị hụ, buruzi trọkụ ndị ahụn. Solomọnụ mẹmẹ ihiẹn ndịnị makẹ ọrụn Ụlọ-nsọ Osolobuẹ. Bronzu wẹ gi kpụ ihiẹn ndịnị karị hụn w'a ma.

Jerimaya 52:20 ပူးပေါင်းရင်းမြစ်များ

Ndị-nze Nke Ibuzọ 7:25

Tankị hụ nọdị elu okẹn-efin mmẹbụọ wẹ kpụ: ẹtọ bu ihun zinmẹ ibe ẹbamịn-ugu, ẹtọ e bu ihun zinmẹ ẹbamịn ọwụwa-ẹnyanwụn, ẹtọ e bu ihun zinmẹ ẹbamịn ndịdan-mirin, ẹtọ ẹbamịn ọdịdan-ẹnyanwụn. Elu wẹ kẹ tankị ahụn rị, e busọnmẹ wẹ ibe ọdụndụn zinmẹ etintinnaị okpuru tankị hụ,

Ndị-nze Nke Ibuzọ 7:47

Solomọnụ amanị ihiẹn ndịnị, makẹni e bukẹzi wẹ ọda; amanị wẹ igwe-bronzu bann'a.

Ndị-nze Nke Ẹbụọ 25:16

Nke adansụn ẹbụbụọ hụ lẹ Tankị uku hụ lẹ trọkụ ndị hụ, ihiẹn igwe-bronzu ndịnị Solomọnụ mẹmẹ wẹ gi a rụn ọrụn Ụlọ-nsọ Osolobuẹ, igwe-bronzu ile wẹ gi mẹmẹ karị hụn w'a ma.

Ihiẹn Mẹni Nke Ibuzọ 22:14

“A lịlịmagụọ m butọ ẹkpa goru uku nnụ-uku ọgụn-isẹn (100,000), ẹkpa siliva uku ijẹri-uku lẹ igwe karị hụn w'a ma — kẹ igwe-bronzu kẹ igwe-mmaka, lẹzi akp'osisi lẹ ọmụma. I nwọn ikẹn buzi cheni wẹ.

Ihiẹn Mẹni Nke Ẹbụọ 4:18

Ihiẹn ndịnị ile Solomọnụ mẹmẹ e hikẹmẹkẹ, nke wụnị amazịnị wẹ igwe-bronzu bann'a.

Jerimaya 52:17

Ndị Babilọnụ hụ nọ gbukpọ adansụn igwe-bronzu ẹbụbụọ ahụn rị ihun Ụlọ-nsọ Osolobuẹ, trọkụ igwe-bronzu ndị ahụn afẹrẹ rịsọnmẹ lẹ tankị mirin uku igwe-bronzu hụ; wẹ nọ bu igwe-bronzu ndịnị ile la Babilọnụ.