Jerimaya 52:13 - Ika

¹³ Ọ dụn ụlọ-nsọ Osolobuẹ lẹ obi-eze lẹ ụlọ ile rị Jerusalẹm ọkụn — dụnkwama ụlọ ile rị mkpa ọkụn.

Jerimaya 52:13 ပူးပေါင်းရင်းမြစ်များ

Ndị-nze Nke Ibuzọ 9:8

Ọsụọkwọn'a nị Ụlọ-nsọnị rị nwan a la ẹnya, ndị ile ghafekọnị k'a gha a jụsọhị, a mụ ẹmụ, a sị, ‘Kị Osolobuẹ mẹni alịnị lẹ ụlọ-nsọnị ụdị ihiẹnni?’

Ndị-nze Nke Ẹbụọ 25:9

Ọ nọ mụ ọkụn ye Ụlọ-nsọ Osolobuẹ lẹ obi-eze lẹ ụlọ ile rị Jerusalẹm, dụnpụ ụlọ ile rị mkpa ọkụn.

Ihiẹn Mẹni Nke Ẹbụọ 36:19

Wẹ nọ yi Ụlọ-nsọ Chuku ọkụn, kụtu mgbọn Jerusalẹm, dụnpụ ụlọ ile rị mkpa rịn'a ọkụn, tikpọ ihiẹn ile rị mkpa rị ebẹhụ.

Ẹbụ-ọma 79:1

Chuku, ndị alị ọzọ a banhangụọ alị ị; e mẹrụgụọ wẹ Ụlọ-NSỌ ị, e tikpọgụọ wẹ Jerusalẹm, o họnrin mkpọkọ-mkpọkọ!!

Jerimaya 19:13

Ụlọ ndị rị Jerusalẹm lẹ obi-eze ndị-nze Juda jẹnkọ d'a rụ nọkẹ Tofẹtị ebeni, ụlọ ile wẹ nọ elu wẹ chụnyesọnmẹni ihiẹn ile rị igwere ẹjan nsẹnsi, nọ elu wẹ huyesọnmẹni mmọn ndị ọzọ manya.’ ”

Jerimaya 21:10

A kwademẹgụọ m nị m jẹnkọ d'e mẹ obodoni eje-ihiẹn, ẹlẹ ihiẹn rị mma — mmẹ wụ Osolobuẹ ku ẹ. M k'e bu obodoni che ẹka eze ndị Babilọnụ, o yi ẹ ọkụn!’

Jerimaya 21:14

Kanị, m jẹnkọ d'e ye ụnụ afụnfụn ihiẹn ụnụ mẹ. Mmẹ wụ Osolobuẹ ku ẹ. M k'a mụ ọkụn ye ẹgboko ụnụ hụ, ọkụn hụn k'a dụnpụ ihiẹn ile rị ebe ụnụ rị.’ ”

Jerimaya 22:14

Ọ sị enwẹn ẹ, ‘M jẹnkọ d'a tụnrụn obi-eze hi-ogbe, hụn nwọnsọnmẹ mmughẹ shịanị ibe-elu.’ O rụnyesọnmẹ ẹ windo shịanị, gi ibe osisi sida rigbu enwẹn ẹ mma makwama ẹhụ-ẹjan a, gi ihiẹn ma mma e nwun ufie-ufie tekwama a.”

Jerimaya 32:29

Ndị Babilọnụnị rị ụsụọ a maye obodoni ọgụn jẹnkọ nwan d'a banhan imẹ ẹ. Wẹ k'a mụ ọkụn ye ẹ, kpọ a ọkụn — ya lẹ ụlọ ndị rịn'a hụn ndị obodoni nọ elu wẹ mụye ni mmọn wụ Baalụ nsẹnsi, tụyesọnmẹni mmọn ichẹn-ichẹn manya, hụn wẹ gisọnmẹ kpasu m iwe.”

Jerimaya 34:22

M jẹnkọ nwan d'a kpọkinhẹn wẹ imẹ obodoni. Wẹ k'a lụsọn ẹ agha, weri ẹ, dụn a ọkụn. M k'e tikpọchanrịn obodo ile rị alị Juda, ịhịan ebikọzị a.’ ”

Jerimaya 38:23

“Wẹ k'e duru inyẹnmẹ i ile lẹ ụmụ ị ile jẹnni ndị Babilọnụ, ịyụ lẹ enwẹn i awanahịnkọ wẹ! Eze ndị Babilọnụ k'a nwụndọn i; wẹ k'a kpọ obodoni ọkụn.”

Jerimaya 6:5

Pụha nị nwan nị ẹnyi gwarị (gwẹrụ) gi uhinhin maye ẹ, tikpọchanrịn ebe ile zeni rịn'a hụn w'a gbaban!”

Jerimaya 7:14

Ihiẹn m mẹ Shilo kẹ m jẹnkọ nwan d'e mẹ ụlọ hụ rị nwan a za ẹfan m, ụlọ-nsọ ahụn ụnụ gi e dọn ẹnya, ya lẹ alịnị m ye ụnụ lẹ ndị nẹdi ụnụ.

Ẹkwan 2:5

Osolobuẹ e mẹgụọ kẹ eṅẹnrẹn; o luepụgụọ Izrẹlụ. O luepụchanrịngụọ obi-eze ile rịn'a, tikpọpụ ebe ile rịn'a w'a gbaban. O mẹgụọ ẹkwan lẹ ịkwan-ụya waye imẹ Nwagbọọ wụ Juda.

Ẹkwan 2:6

Osolobuẹ e titugụọ Ụlọ-nsọ a nọkẹ ugbo-nta mmakalaka; o tikpọpụ ebe ya lẹ ndị nke ẹ nọ e zu. Osolobuẹ e mẹgụọ Zayọnụ zọ kẹ mmẹmmẹ nsọ kẹ Ụhụọkịn Ezumikẹn. O gigụọ olulu gbakitọ kẹ eze kẹ ndị nchụn-ẹjan rị Juda azụụn.

Ẹkwan 2:7

Di-nwọnni-ẹnyi a jụgụọ ukpo nchụn-ẹjan a, latọ Ụlọ-nsọ a. Ọ nịgụọ eṅẹnrẹn kụtu mgbọn obi-eze ichẹn-ichẹn rịn'a — a bangụọdẹ wẹ Ụlọ Di-nwọnni-ẹnyi wụ Osolobuẹ, nọ a yi oro mmẹri nọkẹ oro w'e yi Ụhụọhịn mmẹmmẹ nsọ.

Ẹkwan 2:8

Osolobuẹ e kughọ a n'o k'e tikpọrịrị mgbọn hụn ghahunmẹ Obodo Zayọnụ. Ọ ghọsịgụ n'ọ nọnị k'ọ chọ, o serini ẹka d'e ru n'o tikpọchanrịn a. Ọ la mgbọn ibuzọ lẹ nke ẹbụọ rịn'a tọnị wẹ tikpọ; wẹ ẹbụbụọ a dankpọpụ.

Izikẹlụ 16:41

Wẹ k'a dụn ụlọ ndị rị imẹ ị ọkụn, nọ idẹnya ikpoho bu ọda ye i afụnfụn. M k'e mẹ i gbabehi ịgbaraja, mẹ i kụbehi ndị hụ yụ lẹ wẹ gba a sụọ ụgwọ.

Izikẹlụ 24:21

Sị ebọn Izrẹlụ, “Lee ihiẹn Osolobuẹ nwọn ihiẹn ile ku: M'e d'e mẹrụ Ụlọ-nsọ m — ikẹn ụnụ hụn ụnụ gi a nyan isi, hụn a sụọ ụnụ ụsụọ olegha, a sụọ ụnụ ụsụọ obi. Wẹ k'e gi ọpịa-agha gbupụ ụmụ ụnụ ikẹnnyẹ lẹ ikpoho họdụ imẹ Jerusalẹm.

Emọsụ 2:5

M jẹnkọ d'e zi ọkụn ye Juda. Ọkụn ahụn jẹnkọ d'e ripụ ụlọ-agha ile zegbu enwẹn ẹ rị Jerusalẹm.”

Emọsụ 6:11

Osolobuẹ e kuọl'a: o k'e tikpọpụchanrịn kẹ ụlọ uku kẹ ụlọ nta!

Maịka 3:12

Ufiri ẹ, obodo Zayọnụ jẹnkọ d'a nọ kẹ ọfịa wẹ sụn dụkpọ, Jerusalẹm jẹnkọ d'e mẹ mkpọkọ-mkpọkọ; uguni ụlọ-nsọ rị elu ẹ jẹnkọ d'e họnrin ẹgboko rị elu ugu.

Zẹkaraya 11:1

Alị Lẹbanọnụ, gụnpụ ụzọ ị, kẹni ọkụn bu osisi sida jun imẹ i ri!

Matiu 24:2

Kanị Jizọsị nọ sị wẹ, “Ụnụ a hụn ihiẹn ndịnị? M rị a gwa ụnụ ezioku, onwọnni ogbe ọmụma ohu jẹnkọ d'a họdụ elu ibe ẹ; wẹ k'a kụtuchanrịn wẹ ile.”