Jerimaya 51:8 - Ika

⁸ Kanị Babilọnụ jẹnkọ nwan d'a dan idẹnmizi, wahị. Goo n'ẹ! Wẹhẹ ni n'ẹ ọgụn; ikẹnkwọ ọ dịnhịn!

Jerimaya 51:8 ပူးပေါင်းရင်းမြစ်များ

Azaya 21:9

Lee ẹ, okẹnnyẹ ohu gi ụgbọ-ẹshin lala — lẹ ẹshin ndị wẹ kwọngbama ẹbụọ-ẹbụọ dọnkpụkọn'a. Ihiẹn ọ shịarị m wụ, ‘Babilọnụ a dangụọ! Mmọn ile wẹ kpụ e gungwọnpụgụọ tọ alị!’ ”

Azaya 47:11

Eje-ihiẹn k'e kunrun i, y'a marịnkọ ọgụn y'e gi gwọpụ a; ọdakin k'e kunrun i, y'a sakọ ẹka gi ihiẹn ọwụlẹ gbarị isi i; okẹn eje-ihiẹn ị tụlẹni ẹnya a k'e kunrun i idẹnmizi.

Azaya 47:9

Kanị ihiẹn ẹbụbụọ ahụn k'e kunrun i — imẹ njube-ẹnya ohu, akpọhịn ohu — ụmụ a nwụnnahịn ị, di a nwụnnahịn ị! Wẹ k'e rukpumẹ i ọhụnma-ọhụnma; kẹ y'a gwọlẹ ọgụn ru, kẹ y'e buhanlẹ nshi.

Jerimaya 46:11

Ọ sụọkwọ ị jẹnmẹ Gilẹdị d'a chọrị ọgụn, ịyụ Ijiptu hụn kelẹni hụn ihiẹn, y'a dịnhịnkọ.

Jerimaya 48:20

O k'a sị ị, ‘Ụya e rigụọ Mụabụ; e tikpọgụọ w'a. Gomẹ ni; kwanma nị ẹkwan! Nọ nị mkpẹnrẹn Iyi-Anọnụ hị nị e tikpọgụọ wẹ Mụabụ.

Jerimaya 48:31

“M k'e goo Mụabụ; m k'a kwanị Mụabụ ile ẹkwan, m k'a kwannị alị Kiri-Harẹsẹti ẹkwan.

Jerimaya 50:2

Osolobuẹ sị, “Gi ẹ yi oro; gwa wẹ ya imẹ alị ichẹn-ichẹn. Weshi ihiẹn-ahịma elu hị a! Ekuhọdụkwọlẹ! Sị wẹ, ‘Wẹ k'e mẹri Babilọnụ weri; ifẹnrẹn k'e mẹ mmọn wẹ wụ Bẹlụ! Wẹ jẹnkọ d'e tikpọchanrịn mmọn wẹ wụ Maduku; ifẹnrẹn k'e mẹ ihiẹn ndị ahụn wẹ kpụ wẹ e fe; wẹ k'e tikpọchanrịn ihiẹn ndị ahụn ile wẹ a rụa.’

Jerimaya 51:41

“Ẹka m k'e bitụ Shẹshakị; wẹ k'a nwụndọn onyẹ nwẹn ụwa ile e ku oku ẹ! Babilọnụ k'a wụ ihiẹn a tụ egun ẹnya alị ndị ọzọ.

Jerimaya 8:22

Ọgụn arịzịdẹ nwan obodo Gilẹdị ra? Onyẹ a zụọ emu arịzịdẹ ebẹhụ? Kị haịn nwan nzụọrị gilẹni rị, kị haịn ẹhụ ndị nke m rụ gilẹni a la?”

Izikẹlụ 30:2

“Nwa-ịhịan, bu amụma sị: Osolobuẹ Nwọn Ihiẹn Ile sị: ‘Gomẹ ni! Makẹ eje-ụhụọhịn ahụn lalanị!’

Daniẹlụ 5:24

Ya haịn o gi nwan zihẹ ẹka hụ de ihiẹn hụ.

Daniẹlụ 5:31

Dariọsụ onyẹ Mẹdịa nọ weri alị-eze hụ kịma, ebe ọ rị nwa ahụa ẹbụọ kwasị ọgụn-ẹtọ.

Nahum 3:19

Y'a rụgụọ eje ẹhụ nwọnlẹni ọgụn! Eje-ẹhụ e gbuni rọ! Onyẹ nụ ihiẹn mẹn'i, ọ ghọghọma, makẹni onwọnni onyẹ i ye la.

Rẹvẹleshọnụ 14:8

Mmọn-ozi ọzọ, hụn mẹ ẹ ẹbụọ, nọ pụha, a sị, “Ọ dangụọ! Obodo uku ahụn wụ Babilọnụ a dangụọ! Okpoho ahụn mẹ alị ile ra manya a hụn wụ ịgbaraja a!”

Rẹvẹleshọnụ 18:2

Ọ nọ weshi olu elu sị, “Ọ dangụọ! Babilọnụ uku a dangụọ! Ọ wụrụọlẹ ebe eje-mmọn bi, ebe mmọn ile rụnị bi, ebe nnụnụ ile rụnị bi; ebe anụ ile rụnị w'a sọ bi.