Jerimaya 51:58 - Ika

⁵⁸ “Osolobuẹ ihiẹn ile rị okpuru ẹ sị, ‘Wẹ k'a kụtuchanrịn mgbọn Babilọnụ hụ nwọngbu enwẹn ẹ ulu, dụn ọnụ-mgbọn ẹ ahụn jẹngbu enwẹn ẹ elu ọkụn; alị ile rị a rụngbuhụ enwẹn wẹ mmaka, alị ile rịhụ a rụntọnị ọkụn.’ ”

Jerimaya 51:58 ပူးပေါင်းရင်းမြစ်များ

Ẹbụ-ọma 127:1

Omẹni Osolobuẹ atụnnị ụlọ, ndị rị a tụnn'a rị a tụn mmaka. Omẹni Osolobuẹ echeni obodo nche, onyẹ rị e che nche rị e chu ụran mmaka.

Azaya 13:2

Nọ elu òke fọnni weshi ihiẹn-ahịma elu; hị wẹ; fe wẹ ẹka nị wẹ zụnban ọnụ-mgbọn obodo ndị nwẹn wụ okẹn-ịhịan.

Azaya 47:13

Okẹn ndụnmọdụn hụ ile nwọnlẹni isi wẹ ye ụnụ a gụgụọ ụnụ ndụn! Ndị gi kokisẹ a gbanị ụnụ ẹfa wẹ pụha nwan d'e yeni ụnụ ẹka — ndị ahụn e lee okokisẹ wẹ bumẹni ụnụ amụma ifọn-ifọn, wẹ zụọpụha nwan ụnụ imẹ eje-ihiẹn lalanị nị ụnụ!

Azaya 65:23

Arụnkọ wẹ ọrụn ọlaliwi; amụkọ wẹ ụmụ k'a hụn uke. Makẹni wẹ k'a wụ ndị Osolobuẹ gọzi agọzi kẹ wẹ kẹ ụmụ wẹ.

Jerimaya 50:15

Yi ni n'ẹ oro-agha azụụn ile! Ọ rịọmagụọ dodo! Ụlọ-agha a ile a dangụọ! E tikpọchanrịn wẹ mgbọn ẹ! makẹni mmẹ wụ Osolobuẹ rị e mẹgwarị a. Mẹgwarị n'a! Mẹ n'ẹ ihiẹn o mẹ ndị ọzọ!

Jerimaya 51:30

“O ru ogẹn ahụn, ndị odogun-agha Babilọnụ k'a lụbehi agha, aghakọ wẹ ebe w'a warị pụha. Ndụn k'a gụchanrịn wẹ; wẹ k'a nọ kẹ ikpoho. Ndị lalanị k'a mụ ọkụn ye ụlọ wẹ ile, tigipụ ihiẹn ile wẹ gi kpọkin ọnụ-mgbọn wẹ.

Jerimaya 51:44

M jẹnkọ d'e ye Bẹlụ mmọn Babilọnụ afụnfụn, mẹ ẹ gbọpụ ihiẹn o lue. Alị ile erujẹnkọzị ebe ọ rị. Mgbọn Babilọnụ k'a dan!

Jerimaya 51:64

I mẹgụ a, sị, ‘Ẹnịna kẹ Babilọnụ k'a dọn zụnban alị, ọ pụhakọzị, yeni otikpọ m jẹnkọ d'e tikpọ a. Ẹhụ jẹnkọ d'a rọ wẹ.’ ” Ebeni kẹ ihiẹn Jerimaya ku ru.

Jerimaya 51:9

“Ịhịan k'a gha a sị, ‘Ẹnyi a zụọghọ Babilọnụ, kanị ọ nịnị zụọ; nị ẹnyi lan'a tọ; onyẹ-onyẹ ya la alị a. Makẹni afụnfụn Osolobuẹ rị e ye ẹ jẹnhan elu kẹ igwere, elumelu ẹ e jẹnhanghọ elu kẹ orukpu.’

Jerimaya 9:5

Ọwụ hụ e dufie ọwụ, onwọnni onyẹ e ku ezioku. E zingụọ wẹ ire wẹ ntụ; e mẹ wẹ njọ amazị wẹ hụn wẹ mẹkọ.

Ẹkwan 5:5

Ndị chọkọ isi ẹnyi e rugụọ ebe ẹnyi rị; ndụn a gụchanrịn ẹnyi, ẹnyi ara zu ikẹn.

Habakọkụ 2:13

Osolobuẹ ihiẹn ile rị okpuru ẹ ekugụọn'a, nị alị lụgbugụ enwẹn wẹ, ihiẹn wẹ rụn a la ọkụn? O kugụọn'a nị wẹ rụngbugụ enwẹn wẹ, ihiẹn wẹ rụn sikọ d'a la iwi?