Jerimaya 51:56 - Ika

⁵⁶ Onyẹ e tikpọnị lala d'a maye Babilọnụ; wẹ k'a nwụndọn ndị odogun-agha a, tigipụ ụta wẹ, makẹni Chuku hụn e mẹgwarịnị kẹ Osolobuẹ wụ: o sikọ d'e mẹgwarịrịrị.

Jerimaya 51:56 ပူးပေါင်းရင်းမြစ်များ

Jẹnẹsisi 49:24

Kanị ụta ya nwẹn gi ẹka amahihieni, echẹn kẹ ẹka a zekwọ, makẹni ẹka Dikẹn hụ Jekọpụ gi dọn ẹnya kwọndọn ẹ; makẹni Onyẹ ahụn e du ẹnyi kẹ atụnrụn kwọndọn ẹ, Onyẹ hụn wụ Ọmụma Izrẹlụ;

Ẹbụ-ọma 137:8

Ịyụ nwẹn wụ Babilọnụ, hụn wẹ k'e tikpọ! Ngọzi ya rịnị onyẹ jẹnkọ d'e mẹgwarị ị ihiẹn i mẹ ẹnyi.

Ẹbụ-ọma 37:15

Kanị ọpịa-agha wẹ k'e zupu wẹ lẹ enwẹn wẹ akpobi; ụta wẹ k'e gungwọnpụ.

Ẹbụ-ọma 46:9

Ọ mẹ wẹ a lụbehi agha imẹ ụwa ile; ọ kpagisọnmẹ ụta, e gungwọnpụ obo, a dụn akpaịn ọkụn.

Ẹbụ-ọma 76:3

Ebẹhụ k'ọ nọ kpagipụ ụta ndị iṅẹnrẹn lẹ akpaịn lẹ ọpịa-agha wẹ ọgụn nọ bi. Sẹla

Azaya 21:2

Ihiẹn ọ ghọsị m imẹ Ọhụn m hụn a jọka njọ: ẹro-ẹro lẹ ntikpọ-ntikpọ rịchanrịn a; Ndị Ẹlam, mayeni wẹ ọgụn! Ndị Mẹdịa, kehunmẹni wẹ! M jẹnkọ nwan d'a kụsị udẹn ile o mẹ ndị rị okpuru ẹ a sụn.

Azaya 34:8

Makẹni Osolobuẹ a kayegụọ ụhụọhịn o k'e mẹgwarị; ọ kayegụọ ahụa o k'e gi mẹshi alị Ẹdọm ikẹn, makẹ ufiri Zayọnụ rị alị Izrẹlụ.

Azaya 35:4

Sị nị ndị obi wẹ zelẹni, “Kwọnkẹnmẹ ni enwẹn ụnụ, atụlẹ ni egun, Chuku ụnụ lala — ọ lala d'e mẹgwarịnị ụnụ, ọ lala d'e mẹgwarị wẹ kẹ Chuku; ọ lala d'a zụọpụha ụnụ.”

Azaya 59:18

Ihiẹn onyẹ-onyẹ mẹ k'o k'e gi sọn ẹ: o k'e ye ndị iṅẹnrẹn ẹ afụnfụn, mẹshi ndị rị a lụsọn ẹ ọgụn ikẹn — o k'e yedẹ alị ndị rị mkpẹnrẹn ohimin teni afụnfụn ihiẹn wẹ mẹ.

Jerimaya 49:35

“Osolobuẹ ihiẹn ile rị okpuru ẹ sị: Lee ẹ, m k'a kpagipụ ụta Ẹlam — ụta hụn wụ ikẹn alị Ẹlam.

Jerimaya 50:10

Wẹ k'e kpọnrinchanrịn ihiẹn ile rị Babilọnụ; ndị ile k'a kwarị ihiẹn ẹ k'a kwajun ẹfọ. Mmẹ wụ Osolobuẹ ku ẹ.

Jerimaya 50:36

Ọpịa-agha ya d'e gbu ndị amụma-ụgha rị Babilọnụ! Wẹ k'e họnrin ndị-nzuzu. Ọpịa-agha ya d'e gbu ndị odogun-agha a! Egun k'a tụ wẹ, tụgbu wẹ.

Jerimaya 51:24

“M jẹnkọ nwan d'a nọ idẹnya ụnụ mẹgwarị Babilọnụ lẹ ndị ile bi alị wẹ wụ Kal'di eje-ihiẹn ile wẹ mẹ imẹ Zayọnụ. Mmẹ wụ Osolobuẹ rị e ku.

Jerimaya 51:30

“O ru ogẹn ahụn, ndị odogun-agha Babilọnụ k'a lụbehi agha, aghakọ wẹ ebe w'a warị pụha. Ndụn k'a gụchanrịn wẹ; wẹ k'a nọ kẹ ikpoho. Ndị lalanị k'a mụ ọkụn ye ụlọ wẹ ile, tigipụ ihiẹn ile wẹ gi kpọkin ọnụ-mgbọn wẹ.

Jerimaya 51:48

Elu-igwee lẹ ụwa lẹ ihiẹn ile rị imẹ wẹ k'e yi oro ịghọghọ nị Babilọnụ a dan, makẹni ndị gha alị rị ẹbamịn ugu lala sikọ d'e tikpọ a.” Mmẹ wụ Osolobuẹ ku ẹ.

Jerimaya 51:53

Ọsụọn'a nị Babilọnụ shi imẹ igwere, mẹdẹ ebẹhụ zegbu enwẹn ọ rị jẹncheni elu, m k'e zihẹn'ẹ ndị k'e tikpọn'a. Mmẹ wụ Osolobuẹ ku ẹ.

Jerimaya 51:6

“Ghakwọ nị Babilọnụ gbapụha! Zụọrịkwọ nị isi ọnụ! Anịkwọlẹ ni njọ a na ụnụ isi! Ogẹn Osolobuẹ e gi mẹgwarị a e rugụọ, ogẹn o gi kụ a ụgwọ ihiẹn o mẹ.

Ẹkwan 3:64

Osolobuẹ dodo, mẹ wẹ ihiẹn han kẹ ihiẹn wẹ mẹ, ihiẹn han kẹ ihiẹn ẹka wẹ mẹ.

Izikẹlụ 39:3

A fịantu m ụta rị ị ẹka-ekpẹn, mẹzikwọ ọbara-ụta rị ị ẹka-nni dannahịn ị.

Izikẹlụ 39:9

“ ‘Ogẹn ahụn, ndị bi obodo ndị rị Izrẹlụ k'e gi ihiẹn-ọgụn ndị agha Gọgụ latọsọnmẹ a fiye ọkụn — kẹ akpaịn uku kẹ ndị nta, kẹ ụta kẹ ọbara-ụta, kẹ ẹgbe-agha wẹ kẹ obo. Wẹ k'e gi wẹ fiye ọkụn ọrọgbọ ahụa ẹsa.

Emọsụ 2:15

ọgba-ụta asakọ ẹka wuzo; ụkụ-ọsọ agbanahịnkọ ọnwụn; onyin-ẹshin egikọ a wanahịn ọnwụn;

Obadaya 1:15

“Ogẹn Osolobuẹ k'e gi mẹshi alị ile ikẹn a rịgụọ nsue. Ihiẹn onyẹ mẹ kẹ Osolobuẹ k'e mẹ ẹ; onyẹ-onyẹ k'e gi isi ẹ buru ihiẹn o mẹ.

Habakọkụ 2:8

Makẹni ụnụ e gbugụọ ndị alị bu ọda kwarị ihiẹn wẹ, ndị họdụsọnmẹ alị ndị hụ k'e gbu ụnụ, kwarị ihiẹn ụnụ — makẹ ndị ụnụ gbu lẹ eje-ihiẹn ụnụ mẹ alị lẹ obodo rị ichẹn-ichẹn lẹ ndị bi imẹ wẹ.

Ditrọnọmi 32:35

Mmẹ nwọn mẹgwarị; m k'a kụ wẹ ụgwọ ihiẹn wẹ mẹ. O ru ogẹn hụ, ụkụ wẹ k'e kpori; ụhụọhịn w'e gi tikpọ wẹ a rịgụọ nsue, ọnwụn wẹ gbala ọsọ.

Ndị Tẹsalonika Nke Ẹbụọ 1:6

Ezioku rọ, makẹni ọ hụghọ mma ẹnya Osolobuẹ n'o mẹgwarị ndị rị e ye ụnụ afụnfụn,

Rẹvẹleshọnụ 17:16

“Nke mpịn iri hụ ị hụn, ize ịgbaraja hụ k'a ban wẹ lẹ eje-anụ ufie hụ; wẹ k'a napụchanrịn a ihiẹn ile, gbarị a ọtọ, ripụ uru-ẹhụ a, kpọ a ọkụn,

Rẹvẹleshọnụ 18:20

Elu-igwee, ghọghọma nwan! Ndị-nsọ lẹ ndị-ozi pụ-ichẹn lẹ ndị-amụma, ghọghọma nị nwan, makẹni Osolobuẹ e gigụọ ufiri ụnụ ma a ikpe!”

Rẹvẹleshọnụ 19:2

makẹni ọ han ezigbo eṅẹn furuni; O yeọlẹ okẹn ịgbaraja hụ afụnfụn ta ịgbaraja hụ gi ughẹrẹ ẹ wiwi ndị rị ụwa. O gbugwarịgụọ a ogbugbu o gbu idibo Osolobuẹ.”

Samuẹlụ Nke Ibuzọ 2:4

Ụta ndị wụ odogun-agha a kpagipụgụọ; kanị ndị te zelẹni e kẹnrẹngụọ!