Jerimaya 51:5 - Ika

⁵ Makẹni Chuku ndị Izrẹlụ lẹ ndị Juda, hụn wụ Osolobuẹ ihiẹn ile rị okpuru ẹ alanị wẹ tọ, ọsụọn'a njọ jun alị wẹ, njọ wẹ rị e mẹ Onyẹ-Nsọ Izrẹlụ.

Jerimaya 51:5 ပူးပေါင်းရင်းမြစ်များ

Ndị-nze Nke Ibuzọ 6:13

m jẹnkọ d'e biri imẹ igunrun ndị Izrẹlụ, a gbakitọkọ m ndị nke m wụ Izrẹlụ azụụn.”

Ndị-nze Nke Ẹbụọ 21:16

Manasẹ e gbuzighọ ndị bu ọda nwọnlẹni ihiẹn wẹ mẹ, nke wụnị ẹdeke wẹ e jun Jerusalẹm, gha isini d'e ru isini, cheni njọ hụn ọ dọ Juda ye imẹ ẹ, nke wụnị e mẹ wẹ eje-ihiẹn ẹnya Osolobuẹ.

Ẹzra 9:9

Ọsụọn'a nị ẹnyi wụ igbọn okpuru ndị alị ọzọ, Chuku ẹnyi a lanị ẹnyi tọ ẹgbụn ẹnyi rị imẹ ẹ. O mẹgụọnị ẹnyi ọhụnma ihun ndị-nze Pẹshịa, gi wẹ mẹ ndụn banzị ẹnyi, kẹni ẹnyi tụndọnzi Ụlọ Chuku ẹnyi, tụnkinsọnmẹ ebe tikpọnị imẹ ẹ; ọ hụ e che ẹnyi nche imẹ Judia ile lẹ imẹ Jerusalẹm ebeni.

Ẹbụ-ọma 94:14

Makẹni Osolobuẹ alatọkọ ndị nke ẹ; ọ gbakitọkọ ihiẹn ẹ azụụn.

Azaya 44:21

Nyanhan nị ihiẹn ndịnị, ebọn Jekọpụ, makẹni ịyụ wụ Izrẹlụ wụ odibo m; mmẹ ke i; odibo m kẹ ị wụ. Azọkọ m'ị, Izrẹlụ.

Azaya 51:15

Makẹni mmẹ wụ Osolobuẹ, Chuku ụnụ, hụn e mẹhunmẹ ohimin hụn mirin ẹ gi a tụhunmẹ; Osolobuẹ ihiẹn ile rị okpuru ẹ wụ ẹfan a.

Azaya 62:12

Wẹ k'a kpọ wẹ “Ndị-nsọ, ndị Osolobuẹ gbapụha;” wẹ k'a kpọ yụ nwẹn wụ obodo Zayọnụ, “Obodo w'a chọ achọ, obodo wẹ Latọlẹni.”

Jerimaya 14:19

Y'a jụchanrịngụọdẹ nwan alị Juda ra ize Zayọnụ rị e zen'i agụkọdẹ? K'ị rụnị ẹnyi eje-ẹhụnị jẹnkọlẹni d'a nị zụọ? Ẹnyi hụ a tụ ẹnya nị ihiẹn rị mma, kanị ihiẹn rị mma abịanị; ẹnyi hụ a tụ ẹnya nzụọrị, kanị ihiẹn-egun kẹ ẹnyi a hụn.

Jerimaya 14:9

K'ị rị nwan e mẹni kẹ onyẹ ihiẹn kunrun idẹnmuzi, kẹ odogun-agha nwọnlẹni ihiẹn ọ saẹka e mẹ? Bụ ị hụ imẹ igunrun ẹnyi, Osolobuẹ — ẹfan ị kẹ ẹnyi a za; dodo, alakwọlẹ ẹnyi tọ.

Jerimaya 16:18

“M jẹnkọ d'e ye wẹ afụnfụn njọ lẹ eje-ihiẹn wẹ mẹ, ye wẹ ya ụzọ ẹbụọ, makẹni e gigụọ wẹ eje-ihiẹn ndị ahụn wẹ kpụtọsọnmẹ mẹrụ alị m, ihiẹn ndị ahụn rụnị rịlẹni ndụn hụn wẹ rị e fe.”

Jerimaya 19:4

M k'e mẹ ẹ makẹni ndịnị a gbakitọgụọ m azụụn, mẹrụ ebeni. A nọgụọ wẹ imẹ ẹ chụnyesọnmẹni mmọn ndị alị ọzọ rị ichẹn-ichẹn ẹjan nsẹnsi — mmọn ndị wẹ lẹ ndị nẹdi wẹ lẹ ndị-nze alị Juda marịnlẹni. E mẹgụọ wẹ ẹdeke ndị nwọnlẹni ihiẹn wẹ mẹ jun ebeni yeni ẹjan wẹ rị e gi wẹ a chụn.

Jerimaya 23:15

Lee ni nwan ihiẹn Osolobuẹ ihiẹn ile rị okpuru ẹ ku banyeni ndị-amụma Jerusalẹm: “M k'e mẹ elu lu wẹ ilu kẹ ihiẹn-oriri e lu ilu, ye wẹ nsọngbu ra kẹ mirin wẹ buche nshi, makẹni ndị amụmanị e mẹgụọ eje-obibi ghagbarị alịnị ile.”

Jerimaya 31:37

Osolobuẹ sịzị: “Omẹni ịhịan s'ẹka ma igwere ile mọbụ chọpụha iyetọ ụwa, ya kẹ m'a nọ jụchanrịn ụmụ Izrẹlụ ile yeni eje-ihiẹn ile wẹ mẹ.” Ya kẹ Osolobuẹ ku.

Jerimaya 46:28

“Mmẹ wụ Osolobuẹ rị a sị yụ wụ odibo m Jekọpụ atụlẹ egun. Ọsụọn'a m tikpọchanrịn ndị alị ichẹn-ichẹn m feyịya ụnụ ye, etikpọchanrịnkọ m ụnụ. M k'e ye i hụ afụnfụn nị ụnụ marịn ihiẹn, kanị afụnfụn furuni sụọ; agbachanrịnkọ m ụnụ nkịtịn.”

Jerimaya 50:20

O ru ogẹn ahụn, o ru ogẹn m k'e gi mẹ ẹ, wẹ k'a chọ njọ hụ m gi ma Izrẹlụ ikpe, ọ rịkọ a; wẹ k'a chọ njọ hụn Juda mẹ, ahụnkọ w'a — makẹni m k'a gbagharị ndị ahụn m k'e dọnmẹ ndụn imẹ wẹ. Mmẹ wụ Osolobuẹ ku ẹ.

Jerimaya 51:19

“Kanị Osolobuẹ, Onyẹ ahụn wụ nke Jekọpụ anọnị kẹ uwẹ — makẹni ịya ke ihiẹn ile — kẹ Izrẹlụ, ebọn hụn o gi họnrin nke ẹ; ẹfan a wụ Onyẹ Ihiẹn Ile Rị Okpuru ẹ. “Ọ sị:

Izikẹlụ 8:17

Ọ nọ sị m, “Nwa-ịhịan, y'a hụn? Arụ ndịnị ile ndị Juda rị e mẹ ebeni e hini nwan? Wẹ hụzịdẹ e gizi egbu-lẹ-egbu mẹjun alịnị ile, e mẹsọnmẹ ihiẹn we gi a kpasu m iwe? Enwẹn wẹ kẹ wẹ rị a kpa nsịn e ye ọnụ — ẹlẹ mmẹ!

Izikẹlụ 9:9

Ọ nọ sị m, “Njọ ndị Izrẹlụ Ẹbamịn-ugu lẹ ndị Juda a karịgụọ ẹka ọda-ọda; ogbugbu-ogbugbu e jungụọ alịnị, eje-obibi e jun isi-alịnị wụ Jerusalẹm — makẹni wẹ rị a sị enwẹn wẹ, ‘Osolobuẹ a jụgụọ alịnị! Osolobuẹ arị a hụn ihiẹn rị e mẹni!’

Hosia 1:10

“K'osilẹrị, o ru ihun, ndị Izrẹlụ k'a barahị kẹ ẹjan rị ohimin, hụn wẹ ghalẹni a s'ẹka a gụnmarịn mọbụ a ma. Ezioku-ezioku, uwẹ kẹ Osolobuẹ rị nwan a sị, ‘ụnụ ẹlẹ ndị nke m.’ Kanị o ru ogẹn ahụn, uwẹ k'o k'a sịzị, ‘Ụmụ Osolobuẹ, Chuku hụn rị ndụn, kẹ ụnụ wụ!’

Hosia 2:1

“Ogẹn ahụn, ụnụ k'a rị a kpọ umunẹ ụnụ ikẹnnyẹ ‘Ami’ ya wụ onyẹ nke Osolobuẹ; a kpọ umunẹ ụnụ ikpoho ‘Ruhama,’ ya wụ ‘onyẹ wẹ mẹni omikẹn.’

Hosia 2:3

Amamgbe m'a gba a ọtọ, e lee wẹ ọtọ a nọkẹ ụhụọhịn wẹ mụ a; e mẹ m'a gba okpokoro, gi ẹ họnrin alị ọkpọ-nkụn, gi ẹgụn mirin gbu ẹ!

Hosia 4:1

Gọn ni ntịn, ndị Izrẹlụ, gọn ni ntịn oku Osolobuẹ; nị Osolobuẹ rị e du ndị alịnị e kpe: ọ sị: ezioku arịzị alịnị onwọnzini onyẹ w'e gi dọn ẹnya; w'a ra gizi nke Osolobuẹ dọn alịnị.

Hosia 4:2

Ihiẹn jun alịnị wụ ịkpọ-iyi lẹ ntụ lẹ igbu-ọchụn lẹ Izun-ohin lẹ ughẹrẹ; onwọnzini ihiẹn e kwọndọnni wẹ, ogbugbu-ogbugbu.

Maịka 7:18

Elee mmọn nọ kẹ yụ wụ Osolobuẹ, hụn a gbagharị njọ? Ịyụ hụn jẹnkọ d'e bupụ ẹnya njọ ndị nke i ndị nke hụn k'a họdụnị? Osolobuẹ ara wesọnmẹ iwe jẹnrin ejẹn, makẹni ihiẹn-ọsụsụọ wụ ihiẹn a sụọn'a.

Maịka 7:20

I jẹnkọ d'e gi ezioku sọn odibo i wụ Jekọpụ; gi ihiẹn-ọsụsụọ sọn Ebraham kẹ i dọn kun enwẹn i kwe wẹ ndị nẹdi ẹnyi kanị nkwa ogẹn mbụ.

Zẹkaraya 12:6

“O ru ogẹn hụ, m k'e mẹ ebọn Juda ile wụrụ ọkụn rị imẹ ikpọn-nkụn, ẹka-nkụn rị ikpọn ọka ọkpọ-nkụn; wẹ k'e bu alị ile rị wẹ ẹka-nni ripụ, bu ndị rị ẹka-ekpẹn ripụ; kanị, Jerusalẹm nkẹ k'a rịzị ọnọdị a.

Zẹkaraya 12:8

O ru ogẹn hụ, Osolobuẹ k'e che ndị bi Jerusalẹm nche; ndị ndụn te rịlẹni imẹ wẹ ogẹn ahụn k'e zedẹ kẹ Defidi; ebọn Defidi wụ eze k'a rị kẹ Chuku lẹ enwẹn ẹ, nọkẹ mmọn-ozi Osolobuẹ, buruni wẹ ụzọ.

Zẹkaraya 2:12

Osolobuẹ jẹnkọ d'e gi Juda họnrin azụụn nke ẹ imẹ alị a nị rị nsọ; o k'e gizi Jerusalẹm họnrin ihiẹn ẹ pụ-ichẹn.

Samuẹlụ Nke Ibuzọ 12:22

Makẹ ufiri okẹn ẹfan Osolobuẹ, Osolobuẹ ajụtọkọ ụnụ wụ ndị nke ẹ, makẹni ọ sụọghọ a ebe ọ nọ gi ụnụ họnrin ndị nke ẹ.