Jerimaya 51:48 - Ika

⁴⁸ Elu-igwee lẹ ụwa lẹ ihiẹn ile rị imẹ wẹ k'e yi oro ịghọghọ nị Babilọnụ a dan, makẹni ndị gha alị rị ẹbamịn ugu lala sikọ d'e tikpọ a.” Mmẹ wụ Osolobuẹ ku ẹ.

Jerimaya 51:48 ပူးပေါင်းရင်းမြစ်များ

Itẹn 11:10

Ezigbo ịhịan gha ihun, obodo a ghọghọ, kanị eje-ịhịan nwụnhụn, obodo e yi oro ịghọghọ.

Azaya 44:23

Igwere, bụma ẹbụ ịghọghọ, makẹni Osolobuẹ e mẹgụọ ihiẹnni! Alị, yi oro! Ugu ichẹn-ichẹn, bụye ni ẹbụ — kẹ ọfịa lẹ osisi ile rịn'a! Makẹni Osolobuẹ a gbapụhagụọ ebọn Jekọpụ, o giọlẹ ụmụ Izrẹlụ ghọsị ọghọ a.

Azaya 48:20

Gha nị Babilọnụ pụ, gbapụnị nị ndị Babilọnụ gini ụnụ! Gi oro ịghọghọ hị ọnwan — ku ẹ nị ịhịan ile nụ; ku ẹ n'ọ ghagbarị ụwa ile; sị, ‘Osolobuẹ a gbapụhagụọ odibo ẹ wụ Jekọpụ!’

Azaya 49:13

Euu igwere, yimẹ oro ịghọghọ! Elu-ụwa, ghọghọma nwan! Ugu, kwankpọma nị nwan ẹbụ! Makẹni Osolobuẹ rị a rọkọ ndị nke ẹ obi, omikẹn ndị nke ẹ wẹ rị e mẹshi ikẹn rị e mẹ ẹ.

Jerimaya 50:3

Makẹni alị ohu rị ẹbamịn-ugu lala d'a lụsọn Babilọnụ agha, tikpọ alị a la iwi. Onwọnni onyẹ k'e bizi imẹ ẹ; kẹ ịhịan kẹ anụmanụ jẹnkọ d'a gbapụ.

Jerimaya 50:41

Lee ẹ! Ndị-agha alị rị ẹbamịn-ugu lala; m rị a kpọli okẹn alị lẹ ndị-nze bu ọda; wẹ k'a ghasọnmẹdẹ ebe ụwa ru bịa.

Jerimaya 50:9

Lee ẹ, m sikọ d'a kpọli alị ichẹn-ichẹn wẹhẹ wẹ d'a lụsọn Babilọnụ agha, alị ichẹn-ichẹn hụn k'e bugbu enwẹn wẹ ọda, hụn ghasọnmẹ ẹbamịn-ugu bịa. Wẹ k'e werisọnmẹ ọnọdị lụsọn ẹ agha, gha ebẹhụ weri ẹ. Ụta wẹ jẹnkọ d'a nọ kẹ nke odogun-agha, hụn ghalẹni agbafie.

Jerimaya 51:56

Onyẹ e tikpọnị lala d'a maye Babilọnụ; wẹ k'a nwụndọn ndị odogun-agha a, tigipụ ụta wẹ, makẹni Chuku hụn e mẹgwarịnị kẹ Osolobuẹ wụ: o sikọ d'e mẹgwarịrịrị.

Izikẹlụ 35:14

Osolobuẹ nwọn ihiẹn ile sị: m k'e mẹ i gba okpokoro hụn elu ụwa ile e gi ghọghọ.

Rẹvẹleshọnụ 18:20

Elu-igwee, ghọghọma nwan! Ndị-nsọ lẹ ndị-ozi pụ-ichẹn lẹ ndị-amụma, ghọghọma nị nwan, makẹni Osolobuẹ e gigụọ ufiri ụnụ ma a ikpe!”