Jerimaya 51:46 - Ika

⁴⁶ amamgbe obi a nahịn ụnụ, egun a tụma ụnụ yeni nsọngbu rị a kpọ imẹ alị hụ; makẹni wẹ k'a nụsọnmẹ ozi ahụa-ahụa; ozi ogbugbu-ogbugbu hụn k'a rị alị hụ, ozi ndị-ọkịkị rị a lụsọn ndị-ọkịkị.

Jerimaya 51:46 ပူးပေါင်းရင်းမြစ်များ

Ndị-nze Nke Ẹbụọ 19:7

Lee ẹ, m jẹnkọ d'e bu mmọn ohu che imẹ ẹ, kẹni, ọ nụ ihiẹn o jẹnkọ d'a nụ, ọ lakin alị a, a nọ m alị a ebẹhụ mẹ wẹ gi ọpịa-agha gbu ẹ.’ ”

Ihiẹn Mẹni Nke Ẹbụọ 20:23

makẹni Osolobuẹ mẹ ndị-agha Amọnụ lẹ Mụabụ maye ndị-agha Ugu-Sẹẹ, gbuchanrịn wẹ ile; e gbuchanrịngụ wẹ ndị Ugu-Sẹẹ, wẹ nọ gbumẹ ibe wẹ.

Jobu 23:16

Chuku e mẹgụọ ndụn gụ m; Onyẹ Hụ Nwọn Ikẹn Ile e bugụọ egun che m ẹnya.

Itẹn 24:10

Ndụn gụ ị ogẹn nsọngbu, ya wụ nị ndụn ị mẹ ẹkẹrẹ.

Azaya 19:2

“M k'e mẹ Ijiptu bunụmanị enwẹn ẹ — mẹ nwẹnẹ lẹ nwẹnẹ lụma ọgụn imẹ ẹ, onyẹ-onyẹ imẹ Ijiptu a lụsọnmẹ ndị bikunman'a ọgụn, obodo ndị rịn'a a lụsọnmẹ ibe wẹ ọgụn; alị-eze ndị rịn'a a lụsọnmẹ ibe wẹ ọgụn.

Azaya 43:5

Atụlẹ egun, mmẹ lẹ yụ wị; m k'a gha ẹbamịn ọwụwa-ẹnyanwụn welụa ụmụ ị, m k'a ghazị ẹbamịn ọdịdan-ẹnyanwụn welụa ụnụ.

Jerimaya 46:27

“Odibo m, Jekọpụ, atụkwọlẹ egun; Izrẹlụ, anịkwọlẹ ndụn gụ ị. M jẹnkọ d'a gha alị ahụn tegbu enwẹn ẹ ị rị zụọpụha ị, m k'a gbapụha ẹbozo i imẹ alị hụ wẹ kpụnjẹn wẹ. Jekọpụ jẹnkọ d'e bizi udọn lẹ ndọnkwa, onwọnzini onyẹ k'e rọn ẹ egun.

Jerimaya 46:28

“Mmẹ wụ Osolobuẹ rị a sị yụ wụ odibo m Jekọpụ atụlẹ egun. Ọsụọn'a m tikpọchanrịn ndị alị ichẹn-ichẹn m feyịya ụnụ ye, etikpọchanrịnkọ m ụnụ. M k'e ye i hụ afụnfụn nị ụnụ marịn ihiẹn, kanị afụnfụn furuni sụọ; agbachanrịnkọ m ụnụ nkịtịn.”

Luku 21:28

Ogẹn ihiẹn ndịnị e gi bidọn, turu ni ọtọ, ụnụ e weshi isi elu, makẹni ogẹn wẹ k'e gi gbapụha ụnụ a rịgụọ nsue!”

Ndị Han Eṅẹn 7:22

Ogẹn opi ọgụn mmisẹn hụ gi han, Osolobuẹ nọ nu ndị-agha Midianị ile, wẹ nọ gi ọpịa-agha gbumẹ ibe wẹ. Ndị họdụ imẹ wẹ nọ gbashi Bẹt-Shita, ibẹka Zẹrera d'e rukwọrị ebe Ebẹlụ-Mehola ru, ẹhụ Tabatị.