Jerimaya 51:31 - Ika

³¹ Ndị ọgba-ọsọ e jẹnni wẹ ozi k'e wẹhẹ ozi ẹ d'a gwa eze Babilọnụ n'e mẹrigụọ wẹ obodo ẹ: onyẹ-ọsọ gbaru ebe ibe ẹ rị, o zi ẹ; onyẹ-ozi nụ, ọ gwa ibe ẹ.

Jerimaya 51:31 ပူးပေါင်းရင်းမြစ်များ

Ihiẹn Mẹni Nke Ẹbụọ 30:6

Kẹ eze dọn ku ẹ, ndị o zi nọ gi ẹkụkwọ-ozi hụ eze lẹ ịhaịmẹ ẹ de ghagbarị Izrẹlụ lẹ Juda ile. Ihiẹn wẹ de wụ: “Ndị Izrẹlụ, kinhẹn ni d'e kunrun Osolobuẹ wụ Chuku Ebraham, Aziki lẹ Izrẹlụ, kẹni o kinhẹn d'e kunrun ụnụ ndị họdụnị, ndị wanahịn ndị-nze Asiria.

Ẹsta 8:10

Ẹfan eze wụ Ahazẹrusu kẹ Mọdikaya gi de ẹkụkwọ ndị hụ o zipụ, gi ọla mkpịnsịn ẹka eze gi e biye ihiẹn ẹka biye wẹ ẹka; ọ nọ we wẹ ye ndị ozi gi ẹshin ndị a gba okẹn-ọsọ hụn wẹ zụntọnị eze wejẹnsọnmẹ Azụụn ichẹn-ichẹn.

Ẹsta 8:14

Ndị ozi hụ gi ẹshin e jẹn nọ nyinrinsọnmẹ ẹshin-ọsọ ndị ahụn wẹ gi e jẹnni eze ozi, gi okẹn-ọsọ pụ, makẹ iwuni eze ti. A hịghọzị wẹ iwu hụ imẹ isi-alị wụ obodo Susa.

Jobu 9:25

Ogẹn m hụ a ghakẹnrịn, a gbakẹnrin karịdẹ onyẹ-ọsọ; ọ hụ e feghafe, ịghọghọ arịa.

Jerimaya 4:20

Ntikpọ hụ a bịa, ọbịbịa-ọbịbịa; alịnị ile e mẹ mkpọkọ-mkpọkọ. Imẹ njube-ẹnya ohu e tikpọchanrịn wẹ ụlọ m ile, imẹ njube-ẹnya ohu e tikpọ wẹ ebe m'e butọ isi.

Jerimaya 50:2

Osolobuẹ sị, “Gi ẹ yi oro; gwa wẹ ya imẹ alị ichẹn-ichẹn. Weshi ihiẹn-ahịma elu hị a! Ekuhọdụkwọlẹ! Sị wẹ, ‘Wẹ k'e mẹri Babilọnụ weri; ifẹnrẹn k'e mẹ mmọn wẹ wụ Bẹlụ! Wẹ jẹnkọ d'e tikpọchanrịn mmọn wẹ wụ Maduku; ifẹnrẹn k'e mẹ ihiẹn ndị ahụn wẹ kpụ wẹ e fe; wẹ k'e tikpọchanrịn ihiẹn ndị ahụn ile wẹ a rụa.’

Jerimaya 50:24

M k'e shini i ọnyan, Babilọnụ, y'a marịnkọ ogẹn y'e gi dan a, a hụn wẹ i, nwụndọn i, makẹni ị sọn Osolobuẹ dọ.

Jerimaya 50:43

Eze Babilọnụ k'a nụ nị wẹ lala d'a maye ẹ, ndụn a gụ a. Uhue e huegbu ẹ lekẹ okpoho imẹ rị e mẹ.

Jerimaya 51:32

E chekingụọ wẹ ebe ile w'a gha e fetu iyi, mụ ọkụn ye ẹfịfịa-mirin ile w'a hụarị imẹ ẹ, egun a tụgbu ndị agha Babilọnụ.

Daniẹlụ 5:30

Uhinhin ahụn daị kẹ wẹ gbu Bẹlụshaza eze ndị Babilọnụ.